যিরমিয় 21:14 - Chakma Bible

¹⁴ মাত্তর্ মুই তর্ কামর পাওনা মজিম তরে সাজা দিম। মুই তর্ ঝারানিত্ আগুন জ্বালেম; সেই আগুনানে তঅ চেরোকিত্তেদি বেক্কানি পুড়ি ফেলেব। মুই লগেপ্রভু এ কধাগান কঙর্।’ ”

যিরমিয় 21:14 Iomraidhean Croise

২ বংশধর 36:19

তা মানুচ্চুনে গোজেনর ঘরান্‌ পুড়ি দিলাক্‌ আর যিরূশালেম দেবালান্‌ ভাঙি ফেলেলাক্‌। তারা সে জাগার্‌ বেক্‌ দাঙর্‌ দাঙর্‌ ঘরানি পুড়ি দিলাক্‌ আর বেক্‌ মংগা পযাপিরানি বর্‌বাত্‌ গুরি ফেলেলাক্‌।

গম্ উপদেজ্ 1:31

সেনত্তে তারার নিজোর কামর ফল পেবাক্, নিজো সল্লা গোজ্যে ফল্লোই পেট ভরা পুরিবো।

গম্ উপদেজ্ 12:14

মানুচ্ তা কধালোই ভালেদি ওই পারে, আর তা কাম মজিম্ তে ফল পায়।

যিশাইয় 10:12

প্রভু সিয়োন মুড়ো আর যিরূশালেম বিরুদ্ধে তার্ বেক কামানি থুম্ গুরিনে কবদে, “আসিরিয়া রাজার অহংকারী মনর্ কামানি আর তার বাড়্‌‌বো চোগ্‌‌কুনোত্তে মুই তারে সাজা দিম্,

যিশাইয় 10:16

সেনত্তে বেগত্তুন্ খেমতাবলা প্রভু লগেপ্রভু আসিরিয়ার্ বোলী যোদ্ধাগুনে উগুরে এক্কান ক্ষয়-নেযাইদ্যে রোগ্ পাধেই দিবো; তার জাক্‌জমক্কান তলে জোল্-জোল্যে জিলো ধোক্ক্যেন্ গুরি আগুন জ্বালা অবঅ।

যিশাইয় 24:21

সেদিন্যে লগেপ্রভু আগাজ উগুরে বেগত্তুন্ খেমতাবলাগুনোরে সাজা দিবো, আর পিত্‌থিমীত্ রাজাগুনোরে সাজা দিবো।‌‌

যিশাইয় 37:24

তুই প্রভুরে টিট্‌‌‌কারি দিইনে আর বাড়্‌বো গুরিনে তঅ চাগরুনোরে কোই পাদেয়োচ্, তর্ বেক রথ্‌‌‌তানিলোই তুই মুড়োগুনোর্ মাঢাত্, লেবাননর্ বেগত্তুন্ অজল্ অজল্ মাঢাগুনোত্ উঠ্যস্, তার বেগত্তুন্ লাম্বা লাম্বা এরস গাজ্‌চুন আর গম্ গম্ বেরস গাজ্‌‌‌চুন্ কাবি ফেল্যস্, তার গভীন ঝারর্ দোল্ জাগায়ানত্ চোম্মোচ্,

যিরমিয় 11:16

লগেপ্রভু এ জাদ্‌‍‍‌‌তোরে গুলোগুলিয়ে ভরা দোল্ এক্কো জলপাই গাজ বিলি ডাক্যে। মাত্তর্ জদবদে ঝড়র গুজুরোনিয়ে তে সিয়েনত্ আগুন ধোরেই দিবো আর সিয়েনত্ তা ডেলাগুন ভাঙি পড়িবাক্।

যিরমিয় 11:22

মুই বেগত্তুন্ খেমতাবলা লগেপ্রভু কঙর্, মুই তারারে সাজা দিম। তারার গাবুজ্যেগুনে যুদ্ধোত্ আর তারার ঝি-পুয়োগুনে ভাদ রাদে মুরি যেবাক্।

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

যিরমিয় 17:27

মাত্তর্ যুনি তুমি মঅ কধা ন-শুনো আর জিরেবার দিন্নোরে মঅ নাঙে যুদো গুরি ন-রাগঅ আর সে দিনোত্ বুধিলোই যিরূশালেমর গেদো ভিদিরেদি চমঅ, মাত্তর্ যিরূশালেমর বেক্ গেট্‌তুনোদি মুই আগুন জ্বালেম আর সিয়েনে তার ঘরানি পুড়ি ফেলেব। সে আগুনান কনজনে মারেই ন-পারিবো।’ ”

যিরমিয় 22:1

লগেপ্রভু মরে যিহূদার রাজঘরত্ যেইনে এ হবরান ফগদাং গুরিবাত্তে কলঅ,

যিরমিয় 22:7

মুই তঅ বিরুদ্ধে ভস্তগুরিয়্যেগুনোরে পাদেম; তারার পত্তিজন আঢত্ আত্যের্ থেবঅ। তারা তর্ গম্ গম্ এরস গাজ্‌চুন কাবিনে আগুনোত্ ফেলেবাক।

যিরমিয় 32:19

তর্ উদ্দশ্যগান দাঙর্ আর তর্ বেক কামানি খেমতাবলা। মান্‌‌জ্যর বেক চালচলনর্ ইন্দি তঅ চোগ্‌‌‌‌কুন খুলো রাগেয়োচ্; তুই পত্তিজনরে তার চালচলনর্ আর কামর্ ফল দি থাচ্।

যিরমিয় 46:23

মিসর ঝাড়ানি গভিন্ অলেয়ো তারা সিয়েনি কাবি ফেলেবাক্। তারা পুগ্-যুগত্তুনঅ সোংখ্যেদি বেশ্; তারারে গুণো ন-যায়।

যিরমিয় 50:32

সেই বাড়্‌‌‌বোগুরিয়্যেবো উজোত্ হেইনে পড়ি যেবঅ আর কনজনে তারে উদিবাত্তে বল্ ন-দিবাক্; তা শঅরানিত্ মুই আগুন ধোরেই দিম্, সিয়েনে তা চেরোকিত্তে বেক্কানি পুড়ি ফেলেব।”

যিরমিয় 52:13

তে লগেপ্রভুর ঘরত্, রাজঘরত্ আর যিরূশালেমর বেক্ ঘরানিত্ আগুন ধোরেই দিলো। বেক্ আজল্ আজল্ ঘরানি তে পুড়ি ফেলেল।

যিরমিয় 6:19

ও পিত্‌‍‍‍থিমীগান শুন, মুই মানুচ্চুনো উগুরে দজা ডাগি আনিম; সিয়েন অবদে তারার পরিকল্পনার ফল, কিত্তে তারা মঅ কধাগান ন-শুনোন্ আর মর্ সুদোমানি এলাফেলা গোজ্যন্। ‍

যিরমিয় 6:29

আগুন্দোই সিসে পুড়ি ফেলেবাত্তে কামাড় ফগনালোই যদবদে বোইয়্যের্ দের্; মাত্তর্ অনত্তক্ আজলান্ নিগিলেবার চেট্ট্যা গরা অর্, কিত্তে পাজিগুনোরে নিগিলে ন-যার্।‌‌

যিরমিয় 9:25

লগেপ্রভু কোইয়্যেদে, “এমন দিন এজের্ যেক্কে মুই মিসর, যিহূদা, ইদোম, অম্মোন, মোয়াব আর ধূল্যেচর-চাগালাত্ বজত্তি গুরিয়্যে যিগুনে মাঢাবোর দ্বি ডাগেদি চুল কাবন্ তারারে বেক্কুনোরে সাজা দিম। তারারে বানা কিয়্যেদি চুনুগুলোবোর মাঢাবো চামান্ কাবা ওইয়্যে, মনেদি চুনুগুলোবোর্ মাঢাবোর্ চামান্ কাবা ন-অয়; আর ইস্রায়েলীয়গুনোরেয়ো মনেদি চুনুগুলোগুনোর্ মাঢাগুনোর্ চামান্ কাবা ন-অয়।”

আবিলেচ্ 2:3

অমকদ রাগে তে ইস্রায়েলর বেক্ খেমতাগান বর্‌বাত্ গুরি দিয়্যে। শত্রুগুনে উজেই এবাত্তে চেলেয়ো তার্ খেমতাবলা আঢ্‌তানি তে গুজেই থোইয়্যে। চেরোকিত্তে বেক্কানি পুড়ি যেইয়্যে আগুনো জিলো ধোক্ক্যেন্ তে যাকোব ভিদিরে জুলি উঠ্যে।

যিহিষ্কেল 21:3

তারে কঅ, লগেপ্রভু কোইয়্যেদে, মুই তঅ বিরুদ্ধে। মুই খাবত্তুন্ মঅ লাম্বা ছুরিগান্ নিগিলেনে তঅ ভিদিরেত্তুন গম্ আর পাজি বেক্কুনোরে মারে ফেলেম।

মীখা 7:13

পিত্‌‌‌থিমীত্ বজত্তি গুরিয়্যেগুনোর পাজিগানির কারনে পিত্‌‌‌থিমীগান মানুচ্ নেইয়্যে অবাক্।

সখরিয় 11:1

ও লেবানন, তর্ দোরানি খুলি দে, যেনে আগুনানে তর্ এরস গাজ্‌‌‌‌‌চুন গজক্ গুরি পারে।