যিরমিয় 21:12 - Chakma Bible

¹² ‘ও দায়ূদর বংশ, মুই লগেপ্রভু কঙর্, তুমি পত্তিদিন বেন্যেমাদান্ ন্যায়বিচের গুরিবে। যিবেরে লুদো ওইয়্যে তারে তা অত্যেচারির আঢত্তুন্ উদ্ধোর গুরিবে; সিয়েন ন-গুরিলে তমা ভান্ন্যেই কামানিত্তে মঅ রাগ্‌‌কান নিগিলেনেই আগুনো ধোক্ক্যেন জুলিবো, কনজনে সিয়েন মারেই ন-পারিবো।

যিরমিয় 21:12 Iomraidhean Croise

২ শমূয়েল 8:15

দায়ূদে গোদা ইস্রায়েল দেজ উগুরে রাজাগিরি গরা ধুরিলো। তার মানুচ্চুনোরে তে গমেডালে বিচের্‌ আর শাজন্ গুরিদো।

ইয়োব 29:17

মুই বজং মানুচ্চুনোর মাড়িগানি ভাঙি দিদুং আর তারা মুয়োত্তুন শিগের্ কারি নেযেদুং।

গীতসংহিতা 101:8

পত্তি বেন্যে দেজ পাজি মানুচ্চুনোরে মুই শেজ্ গুরিম, যেনে লগেপ্রভুর শঅরত্তুন্ পত্তি অন্যেয়গুরিয়্যেরে পিত্‌থিমীত্তুন্ তুলি দিয়্যে অয়।

যাত্রা 18:13

তার্‌ কেল্যে মোশি মানুচ্চুনোর বিচের্‌ গুরিবাত্তে বুয়োল। বেন্যেত্তুন্‌ ধুরি সাজোন্যা সং মানুচ্চুনে মোশির্‌ মুজুঙোত্‌ ঠিয়েই রলাক্।

যিশাইয় 1:17

তুমি গম্ কাম গুরিবাত্তে শিগো, দোল্ বিচের গরঅ, অত্যেচার্ গুরিয়্যেগুনোরে ঠিগ্ গরঅ, মা-বাপ নেইয়্যেগুনোর্ তপ্পেদি থাগঅ, রানি মিলেগুনোর মগদ্দমাগানি উদো লঅ।”

যিশাইয় 1:31

বোলিমন্দ মানুচ্ শুগুনো দার্‌বো গাজ ধোক্ক্যেন্ অবঅ; আর তা কামান অবদে আগুনো জিলো ধোক্ক্যেন্। সিয়েনি এক সমারে পুড়ি যেবঅ; কনজনে সে আগুনানি মারেই ন-পারিবাক্।”

যিশাইয় 7:13

সেক্কে যিশাইয় কলঅ, “দায়ূদ বংশর মানুচ্চুন্, তুমি শুনো। মান্‌জ্যর ধৈয্য পোরোক্ক্যে গরানা কি যগাজ্যে নয়? তুমি কি মঅ গোজেনর্ ধৈয্য পোরোক্ক্যে গুরিবা?

যিশাইয় 7:2

সেক্কে দায়ূদ বংশর মানুচ্চুনোরে কুয়া অলঅ, “অরামর্ সৈন্যদলুনে সমাজ্যে ইজেবে ইফ্রয়িমত্ তাম্বুল ফেলেইনে আগন্।” এ কধাগান শুনিনে আহসে আর তা মানুচ্চুনোর্ মনানি দরে বোইয়্যেরে দুলি পোজ্যে ঝার গাজ ধোক্ক্যেন্ দুলি উদিলো।

যিরমিয় 17:4

যে অধিকারান্ মুই তরে দুয়োং, তর্ নিজো দুষে তুই সিয়েন আরেবে। যে দেজ্‌চান কধা তুই হবর্ ন-পাজ্ সে দেজত্ মুই তরে তঅ শত্রুগুনোর চাগর্ বানেম, কিত্তে তুই মর্ রাগর্ আগুনান জ্বালেয়োচ্ আর সিয়েন জিংকানিবর্ জুলিবো।‍

যিরমিয় 21:5

মর্ খেমতাবলা আঢ্‌তান বাবেই দিইনে মুই অহুজি ওইনে, রাগে অমকদ উবোল্‌পাল্ ওইনে নিজেই তঅ বিরুদ্ধে যুদ্ধো গুরিম।‌

যিরমিয় 23:19

চঅ, মঅ রাগ্‌কান ঝড় ধোক্ক্যেন ফাদি পুরিবো আর পাজিগুনো মাঢা উগুরে ঘুরি ঘুরি পড়িবো টুত্যেবোইয়্যের ধোক্ক্যেন।

যিরমিয় 23:2

সেনত্তে যে পালক্‌‍‌কুনে মঅ মানুচ্চুনোরে চড়ান সেই পালক্‌কুনো বিরুদ্ধে ইস্রায়েলর গোজেন লগেপ্রভু কোইয়্যেদে, “তুমি মর্ পালর্ ভেড়াগুনোরে ছিদি ফেল্য আর তারারে ধাবেই দুয়ো, তারারে কনঅ যত্তন্ ন-গরঅ; সেনত্তে তমা অন্যেয়ত্তে মুই তমারে সাজা দিম।‍‌

যিরমিয় 23:5

লগেপ্রভু কোইয়্যেদে, সে দিনুন এত্তন যেক্কে মুই দায়ূদোর বংশত্ এক্কো ন্যায়বলা চারারে তুলিম; তে রাজা ওইনে জ্ঞানর্ সমারে রাজাগিরি গুরিবো আর দেজত্ গম্ আর ন্যায় কাম গুরিবো।

যিরমিয় 36:7

অয়ত তারা লগেপ্রভু ইধু তবনা গুরিবাক্ আর পত্তিজনে তারার ভান্ন্যেই পধত্তুন ফিরিবাক্, কিত্তে এ মানুচ্চুনো বিরুদ্ধে লগেপ্রভু অমকদ অহুজি আর রাগর্ কধা কোইয়্যে।”

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিরমিয় 5:14

সেনত্তে বেগত্তুন্ খেমতাবলা গোজেন লগেপ্রভু এ কধাগান কোইয়্যেদে, “মানুচ্চুনে এ কধানি কদন্ বিলিনে তঅ মুয়োদি মঅ কধানি আগুনো ধোক্ক্যেন গুরিম আর এ মানুচ্চুনোরে গুরিম তক্তা ধোক্ক্যেন; সে আগুনানে সিয়েনরে পুড়ি ফেলেব।”

যিরমিয় 5:28

তারা পক্তা মক্তা আর তেল্‌তেল্যে ওইয়োন। তারার ভান্ন্যেই কামানির ধুঝি নেই; মা-বাপ্ নেইয়্যেগুনে যেনে ন্যায়বিচের পান সেনত্তে তারা তারার তপ্পে ন-থিয়্যেন আর তারা নাঢা মানুচ্চুনোর অধিকারান্‌অ রোক্ষ্যে ন-গরন।

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

যিরমিয় 7:5

যুনি ঘেচ্চেকগুরি তুমি তমার আচার-বেবহার আর কামানি বদল আর গমেডালে একজন আরেকজন সমারে বেবহার গরঅ,

আবিলেচ্ 4:11

লগেপ্রভু তার্ অমকদ অহুজিগানরে পুরোপুরি নিগিলেয়্যে; তার্ অমকদ রাগ্‌কান তে ঢালি দিয়্যে। তে সিয়োনত্ আগুন জ্বালেয়্যে; সেক্কে তার্ খুদোগুন সং জ্বালেই দিয়্যে;

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

সফনিয় 3:5

সিয়েন সংমোধ্যে বজত্তি গুরিয়্যে লগেপ্রভু ন্যায়বলা; তে কনঅ অন্যেয় ন-গরে। পত্তিদিন বেন্যে মাদান্ তে ন্যায়বিচের্ গরে; সিয়েন গুরিবাত্তে তে ভুলি ন-যায়। মাত্তর্ অন্যেয়গুরিয়্যেগুনোর লাজ্ নেই।

লূকে লেখ্যে গম্ হবর্ 1:69

তে আমাত্তে তা চাগর্ দায়ূদো গুট্টিত্তুন্ এক্কো খেমতাবলা উদ্ধোর্ গুরিয়্যে তুল্যে।

রোমীয় 13:4

তমা ভালেদিত্যে তে গোজেনর্ সেবাগুরিয়্যে ইজেবে কাম্ গরে। তুমি যুনি অন্যেয় গরঅ সালে দোরেয়ো, কিয়া অন্যেয় গুরিয়্যেগুনোরে সাজা দিবার্ অধিকার্ তার্ আঘে। তে দঅ গোজেনর্ সেবাগুরিয়্যে; যিগুনে অন্যেয় কাম্ গরন্ তারারে তে গোজেনর্ ওইনে সাজা দে।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।