Biblia Todo Logo
Bìoball air-loidhne

- Sanasan -




যিরমিয় 21:1 - Chakma Bible

1 যেরেদি লগেপ্রভুর কধাগান যিরমিয় ইধু ফগদাং অলঅ। সে অক্তত্ রাজা সিদিকিয় মল্কিয়র পুয়ো পশ্‌হূররে আর মাসেয়র পুয়ো ধর্মগুরু সফনিয়রে যিরমিয় ইধু এ কধাগান কবাত্তে পাদেল,

Faic an caibideil Dèan lethbhreac




যিরমিয় 21:1
20 Iomraidhean Croise  

“ইবে যে বোইবো পাহ্ যেইয়্যে সিবে ভিদিরে যেদক্কানি কধা লেগা আঘে সে কধানি পৌইদ্যেনে তুমি যেইনে মত্তে আর এ জাগানর্‌ আহ্ বেক্‌ যিহূদার মানুচ্চুনোত্তে লগেপ্রভু ইদু পুযোর্‌ গরঅ। লগেপ্রভু আমা বিরুদ্ধে রাগ আগুনে জুলি উঠ্যে, কিত্তে আমা পূরোণি মানুচ্চুনে এ বোইবো কধামজিম্‌ ন-চলন্‌ আর পালেবাত্তে যেদক্কানি কধা সিয়োত্‌ লেগা আঘে সে ইজেবে তারা কাম্‌ ন-গরন্‌।”


যোশিয়ো পত্তম পুয়োবো যোহানন, দ্বিলম্বর যিহোয়াকীম, তিন লম্বর সিদিকিয়, চের্‌ লম্বর শল্লুম।


যিরোহম পুয়ো অদায়া। তার্‌ পূরোণি মানুচ্চুনো মধ্যে এলাক্কে পশ্‌হূর আর মল্কিয়। অদীয়েলর পুয়ো মাসয়। তা পূরোণি মানুচ্চুনোর্‌ মধ্যে এলাক্কে যহসেরা, মশুল্লম, মশিল্লমীত আর ইম্মের।


তারার্‌ বিরুদ্ধে লগেপ্রভু বাবিলোর রাজারে লোই আনিলো। সে রাজাবো উবোসনা-ঘরত্‌ তারার্‌ গাবুজ্যেগুনোরে মারে ফেলেল আর গাবুজ্যে-গাবুরী, বুড়ো বা বয়স ওইয়্যে কাররে দোয়্যে-মেইয়্যে ন-দেগেল। গোজেনে তারারে বেক্কুনোরে সে রাজাবোর্‌ আঢত্ তুলি দিলো।


তারার্‌ আরঅ বোউত্‌ সমাজ্যে কাম্‌গুরিয়্যে এলাক্‌ যিগুনে উবোসনা-ঘরত্‌ কাম্‌ গুরিদাক্‌। এ গুট্টির্‌ বেক্কুনে আস্‌তোশঅ বেইশজন ধর্মগুরু যিরূশালেমত্‌ বজত্তি গুরিদাক্‌। ইগুনে বাদেয়ো যিরোহমর পূঅ অদায়া আর তা গুট্টির্‌ দ্বিশঅ বিয়াল্লিশ জন ধর্মগুরু যিরূশালেমত্‌ বজত্তি গুরিদাক্‌। ইগুনে বেক্কুনে অলাক্‌ পরিবারর্‌ আজল্‌লো। যিরোহমর পূরোণিমানুচ্চুনে অলাক্‌ পললিয়, অম্‌সি, সখরিয়, পশ্‌হূর আর মল্কিয়। ইগুনে বাদেয়ো অসরেলের পূঅ অমশয় আর তা গুট্টির্‌ একশঅ আটেশজন ধর্মগুরুয়ো যিরূশালেমত্‌ বজত্তি গুরিদাক্‌। ইগুনে বেক্কুনে অলাক্‌ বোলী যোদ্ধা; তারার্‌ আজল্‌ কাবিদ্যাঙ্‌ এলদে হগ্‌গদোলীমোর পূঅ সব্দীয়েল। অসরেলর পূরোণিমানুচ্চুনে অলাক্‌ অহসয়, মশিল্লেমোৎ আর ইম্মের।


ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “তুই নিজো নাঙে যিরূশালেমর বেক মানুচ্চুনো ইধু, মাসেয়র পুয়ো ধর্মগুরু সফনিয় ইধু আর অন্য বেক ধর্মগুরুগুনো ইধু চিদি পাদেয়োচ্।


ধর্মগুরু সফনিয় মাত্তর্ সে চিদিগান ভাববাদী যিরমিয় ইধু পড়িলো।


মুই তারার লগেপ্রভুর ঘরত্ গোজেনর মানুচ্ যিগ্‌দলিয়র পুয়ো হানন পুয়োগুনোর গুদিত্ নেযেলুং। সিবে অলদে শল্লুমর পুয়ো চুগিদার্ মাসেয়র গুদি উগুরে চাগরুনোর গুদিবো কায়-কুরে।


বাবিলর রাজা নবূখদ্‌নিৎসরে যোশিয়র পুয়ো সিদিকিয়রে যিহূদার রাজা বানেল, সেনত্তে সিদিকিয় যিহোয়াকীমর পুয়ো কনিয়র, অত্তাৎ যিহোয়াখিনো জাগানত্ রাজাগিরি গরা ধুরিলো।


সে পরেদি রাজা সিদিকিয় মানুচ্ পাধেইনে তারে রাজঘরত্ ডাগি আনিনে ভিদিরে ভিদিরে পুযোর্ গুরিলো, “লগেপ্রভুর কনঅ কধা আঘে নাকি?” জোবত্ যিরমিয় কলঅ, “অয়, আঘে। তরে বাবিল রাজার আঢত্ তুলি দিয়্যে অবঅ।”


তো একদিন্যে রাজা সিদিকিয় শেলিমিয়র পুয়ো যিহূখল আর মাসেয়র পুয়ো ধর্মগুরু সফনিয়রে এ হবরান দিইনে যিরমিয় ইধু পাধেই দিলো, “তুই দোয়্যে গুরিনে আমাত্তে আমা গোজেন লগেপ্রভু ইধু তবনা গর্।”


যিরমিয় যেক্কে বেক মানুচ্চুনো মুজুঙোত্ কধা কোইয়্যে সেক্কে মত্তনর্ পুয়ো শফটিয়, পশ্‌হূর পুয়ো গদলিয়, শেলিমিয় পুয়ো যিহূখল আর মল্কিয়র পুয়ো পশ্‌হূরে সিয়েন শুনিলাক্।


সে পরেদি রাজা সিদিকিয় মানুচ্ পাধেইনে ভাববাদী যিরমিয়রে লগেপ্রভুর ঘরত্ সোমেবার তিন লম্বর্ জাগানত্ ডাগি আনিলো। রাজা যিরমিয়রে কলঅ, “মুই তরে এক্কান কধা পুযোর্ গুরিম, মইধু বেক্কানি ভাঙি কবে।”


যিহূদীগুনোর আজল্ ধর্মগুরুবো সরায়, দ্বিলম্বর্ ধর্মগুরু সফনিয় আর তিনজন চুগিদাররে রক্ষীদলর্ সেনাপতিবো বন্দী গুরিনে নেযেল।


Lean sinn:

Sanasan


Sanasan