যিরমিয় 20:9 - Chakma Bible

⁹ মাত্তর্ যুনি মুই কং, “মুই তা কধাগান কোই ন-দিম বা তা নাঙান ধুরিনে আর কিচ্চু ন-কোম্,” মাত্তর্ তা কধাগান মঅ মনত্ যেন জোল্‌‌জোল্যে আগুন ওইনে আড় ভিদিরে বন্ধ ওই থায়। মুই সিয়েন ভিদিরে রাগাদে রাগাদে বল্‌‌পোজ্যে ওই পড়ং; ঘেচ্চেকগুরি মুই আর সিয়েনি ভিদিরে রাগেই ন-পারং।‍‍‍

যিরমিয় 20:9 Iomraidhean Croise

গীতসংহিতা 39:3

মঅ মনত্ যেনে জ্বালা ধুরিলো; মুই যেক্কেনে মনে মনে কধা কুয়ো ধুরিলুং সেক্কেনে যেন আগুন জলেত্তে ধোক্ক্যেন্। সে পরেদি মুই কলুং,

যিরমিয় 23:29

মঅ কধানি কি আগুনো ধোক্ক্যেন নয়? যে আদুরোবোলোই পাত্তর্‌বোরে কট্টা কট্টা গুরি মঅ কধানি কি সে আদুরোবো ধোক্ক্যেন নয়?‌

যিরমিয় 23:9

যেরেদি ভাববাদীগুনো পৌইদ্যেনে লগেপ্রভুর কধানি শুনিনে মঅ মনান যেন ভিদিরে ভিদিরে ভাঙি পোজ্যে আর মর্ বেক আড়ুন গির্‌গিরেদন। লগেপ্রভু আর তার পবিত্র কধানিত্তে মুই মাত্তল ধোক্ক্যেন, আংগুর-রস হেইনে অমকদ মাত্তল ওইয়্যে মানজ্য ধোক্ক্যেন ওইয়োং।‍‍‍

যিরমিয় 4:19

হায়, মর্ মনান, মর্ মনান্! মুই যন্ত্রনালোই মজরা হাঙর্। হায়, মর্ মনান! মঅ ভিদিরে মঅ মনান ধুক্ ধুক্ গরের্। মুই জুরো গুরি থেই ন-পারঙর্, কিত্তে মুই শিঙের রঅ শুন্যং, মুই যুদ্ধোর্ ডাগ শুন্যং।

যিরমিয় 6:11

মাত্তর্ মুই লগেপ্রভুর রাগে গুল্ ওইয়োং; মুই আর সিয়েন মঅ ইধু ধুরি রাগেই ন-পারঙর্। লগেপ্রভু জোবত্ কোইয়্যেদে, তুই সিয়েন পধত্ ঝি-পুয়োগুনো উগুরে আর এক সমারে এগত্তর্ ওইয়্যে গাবুজ্যেগুনো উগুরে ঢালি দে। নেগে-মোগে সিয়েন ভিদিরে ধরা পড়িবাক্, আর বুড়োগুনে আর অমকদ লুঙুর্ বুড়োগুনে রেহাই ন-পেবাক্।

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

যিহিষ্কেল 3:3

সে পরেদি তে মরে কলঅ, “ও মান্‌‌‌‌জ্যর্ পুয়োবো, মর্ দিয়্যে এ বোইবো হেইনে তঅ পেট্‌‌তো ভরা।” সেনত্তে মুই সিবে হেই ফেলেলুং, আর সিবে মঅ মুয়োদি মধু ধোক্ক্যেন্ মিদে লাগিলো।

আমোষ 3:8

সিংহবো গুজুরিলে কন্না ন-দোরেব? প্রভু লগেপ্রভু কবাত্তে কলে কন্না ভাববাদী ইজেবে কধা ন-কোই পারিবো?

যোনা 1:3

মাত্তর্ যোনা লগেপ্রভুত্তুন্ তর্শীশোত্ ধেই যেবাত্তে রওনা অলঅ। তে যাফো বন্দরত্ যেইনে তর্শীশোত্ যেবার এক্কান জাহাজ পেলঅ। ভাড়া দেনার্ পরেদি তে সে জাহাজ্‌চানত্ উদিলো আর লগেপ্রভুত্তুন্ ধেই যেবাত্তে তর্শীশো ইন্দি যাহ্ ধুরিলো। ‌‌

লূকে লেখ্যে গম্ হবর্ 9:62

যীশু তারে কলঅ, “নাঙলত্ আঢ্ বাজেইনে যে পিজেদি রিনি চায় তে গোজেন রেজ্যর্ যগাজ্যে নয়।”

প্রেরিত্‌ 17:16

পৌল এথেন্স শঅরত্ সীল আর তীমথিয়ত্যে বাজ্জেই থেবার্ অক্তত্ সেই শঅরান্ মূত্তিলোই ভরা দেগিলো। সেক্কে তা মনান্ অমকদ গম্ ন-লাগিলো।

প্রেরিত্‌ 18:5

সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

প্রেরিত্‌ 4:20

আমি যিয়েন দেক্ক্যেই আর শুন্ন্যেই সিয়েন ন-কোইনে দঅ থেই ন-পারির্।”