যিরমিয় 20:6 - Chakma Bible

⁶ আর ও পশ্‌হূর, তরে আর তঅ ঘরর বেক্কুনোরে বন্দী গুরি বাবিলোত্ নেযা অবঅ। সিদু তুই মুরিবে আর তরে গোর্ দিয়্যে অবঅ; তর্ যিদুক্কুন সমাজ্যে ইধু তুই ভাববাদী ইজেবে কধা কবার অক্তত্ মিজে কধা কোইয়োচ্ তারার বেক্কুনোর এক্কুই দযা অবঅ।’ ”

যিরমিয় 20:6 Iomraidhean Croise

যিশাইয় 9:15

সেই মাঢাগুন্ অলঅ বুড়ো নেতাগুনে আর সর্মান পেইয়্যে মানুচ্চুনে, আর লেজ্‌চান অলঅ মিজে শিক্ষ্যেদিয়্যে ভাববাদীগুনে।

যিরমিয় 14:13

ইয়েন্দোই মুই কলুং, “হায়, প্রভু লগেপ্রভু! ভাববাদীগুনে তারারে কদন্, ‘তুমি যুদ্ধো ন-দেগিবা বা ভাদরাদত্অ দুঘ্ ন-পেবা। লগেপ্রভু ঘেচ্চেকগুরি এ জাগানত্ তমারে জনমর্ সুগ্-শান্দি দান গুরিবো।’ ”

যিরমিয় 14:16

যিদুক্কুন মান্‌‍জ্য ইধু তারা ভাববাদী ইজেবে কধা কদন্ তারার মরা কিয়্যেনি ভাদরাত্ আর যুদ্ধোত্তে যিরূশালেমর পধে পধে ছিদি ফেলেই দিয়্যে অবঅ। তারার বা তারার মোগ্‌‍‍‍‍‍কুনোরে আর ঝি-পুয়োগুনোরে গোরত্ দিবাত্তে কনজন ন-থেবাক্। তারার পাওনা দুর্দশা মুই তারা উগুরে ঢালি দিম।‍

যিরমিয় 20:1

যিরমিয় যেক্কে ভাববাদী ইজেবে এই বেক্ কধানি কোইয়্যে সেক্কে লগেপ্রভুর ঘরর্ আজল্ কামগুরিয়্যে ইম্মেরর পুয়ো ধর্মগুরু পশ্‌হূরে সে কধাগান শুনিলো।

যিরমিয় 20:4

কিত্তে লগেপ্রভু কোইয়্যেদে, ‘মুই তরে তর্ নিজোর আর তঅ সমাজ্যেগুনো ইধু অমকদ দর্‌গরেপারা গুরিম। তুই নিজো চোগেদি যুদ্ধোত্ শত্রুগুনো আঢত্ তারারে মুরি যেবাত্তে দেগিবে। বেক্ যিহূদাগুনোরে মুই বাবিলো রাজা আঢত্ তুলি দিম। তে তারাত্তুন ভালোক্কুনোরে বাবিলোত্ নেযেব আর বাদবাগি মানুচ্চুনোরে মারে ফেলেব।‌

যিরমিয় 23:32

ঘেচ্চেকগুরি মুই সেই ভাববাদীগুনো বিরুদ্ধে যিগুনে মিজে স্ববনর্ কধা কন। তারা সিয়েনি কন্ আর তারার বাড়্‌বো গোজ্যে মিজে কধালোই মঅ মানুচ্চুনোরে ভান্ন্যেই পধেদি নেযান। মাত্তর্ মুই তারারে ন-পাদাং বা উগুমঅ ন-দুয়োং। তারা এ মানুচ্চুনোরে এ শোস্যবিজিয়ো উপকার গুরি ন-পারন। মুই লগেপ্রভু এ কধাগান কঙর্।”

যিরমিয় 29:32

মুই হামাক্কায় নিহিলামীয় শময়িয় আর তা বংশধরুনোরে সাজা দিম। এ জাদ্‌‌‌তো ভিদিরে তার কনজন ন-থেবাক্ আর মুই মঅ মানুচ্চুনোত্তে যেদক্কানি ভালেদি গুরিম সিয়েনঅ তে ন-দেগিবো, কিত্তে তে মঅ বিরুদ্ধে উল্লোমী ফগদাং গোজ্যে। মুই লগেপ্রভু এ কধাগান কঙর্।’ ”

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

আবিলেচ্ 2:14

তর্ ভাববাদীগুনোর্ দর্শনানি মিজে আর বাজে; তর্ বন্দীদজাগান্ যেনে দূর্ ওই যায় সেনত্তে তারা তঅ পাপ্‌‌পানি দেগেই ন-দুয়োন্। আগাম্ কধা ইজেবে তারা যিয়েনি তমারে কোইয়োন সিয়েনি মিজে; সিয়েনি তমারে ভুল পধেদি চালেয়্যে।

যিহিষ্কেল 22:28

মিজে দর্শন আর মিজে গোণা-পড়ালোই তারার্ ভাববাদীগুনে তারার্ সেই কামানি উগুরে চিবিদি গুলোন্। লগেপ্রভু ন-কলেয়ো তারা কন্, প্রভু লগেপ্রভু এ কধাগান কোইয়্যে।

লেবীয় 26:17

মুই তমান্দিত্তুন্‌ মুয়োন ফিরেই নেযেম্‌ আর তুমি তমার শত্রুগুনো ইদু উদি যেবা। তমারে ঈচ্ গরন্দেগুনে তমারে শাজন গুরিবাক্ আর কনজনে তমারে ন-লোড়েলেয়ো তুমি ধেই যেবা।

মীখা 2:11

যুনি কনঅ মিজে কধা কোইয়্যে আর ঠোগেয়্যে এইনে কয়, ‘মুই কঙর্, তমার্ বোউত্ মদ আর আংগুর-রস অবঅ,’ মাত্তর্ তেয়ই অবঅ এ জাদ্‌তোত্তে যগাজ্যে ভাববাদী‌‌‌!”

সখরিয় 13:3

তো যুনি কনজনে ভাববাদী ইজেবে কধা কন্ সালে তা নিজোর্ মা-বাবে তারে কবাক্, তত্তুন্ মরা পুরিবো, কিত্যে তুই লগেপ্রভুর নাঙে মিজে কধা কোইয়োচ্। তে ভাববাদী ইজেবে কধা কলে পরেদি তা নিজো মা-বাবে তারে আত্যের্‌লোই মারে ফেলেবাক্।‌‌‌

দ্বি’লম্বর বিররণ 28:25

লগেপ্রভু এধোক্ক্যেন গুরিবো যেনে তুমি তমার শত্রুগুনোর মুজুঙোত্‌ উদিই যঅ। তুমি এককিত্তেন্দি তারারে আক্রমণ গুরিবা মাত্তর্‌ তারা মুজুঙোত্তুন ধেই যেবাক সাত কিত্তেত্তুন। পিত্‌থিমীর অন্য বেক্‌ রেজ্যর্‌ মানুচ্চুনে তমা অবস্থা দেগিনে দরে গির্‌গিরেবাক।