যিরমিয় 20:2 - Chakma Bible

² তে ভাববাদী যিরমিয়রে পিদিনে লগেপ্রভুর ঘর কুরে অজল্ জাগায়ানত্ বিন্যামীন-গেদো কুরে মোয়্যে কুদোবোত্ বানি রাগেল।

যিরমিয় 20:2 Iomraidhean Croise

১ রাজাবলী 13:4

বৈথেলত্‌ ডালিপূজোবোর্‌ বিরুদ্ধে গোজেনর মানুচ্চো কধা শুনিনে রাজা যারবিয়ামে ডালিপূজোবো উগুরে আঢ্ বাবেইনে কলদে, “তারে ধরঅ।” মাত্তর্‌ যে আঢ্‌তান্‌ তে মানুচ্চোর্‌ ইন্দি বাবেই দিলো সিয়েন্‌ শুগেই গেলঅ। তে আর্‌ সিয়েন্‌ কায়কুরে টানি নেযেই ন-পারিলো।

১ রাজাবলী 22:27

তারারে কঅ রাজা কত্তে এ মানুচ্চোরে যেনে জেলোত্‌ রাগা অয় আর রাজা দোলেডালে ফিরি ন-এজানা সং তারে কিজু পানি আর কিজু রুটি বাদে যেনে আর কিচ্ছু দিয়্যে ন-অয়।”

২ বংশধর 16:10

এ কধাগান শুনিনে আসা সে দর্শক উগুরে অমকদ রাগ্‌ গুরিনে তারে জেল্‌খানাত্‌ পাধেই দিলো। একই সময়োত্‌ আসা কয়েক্কো মান্‌জ্য উগুরে অত্যেচার্‌ গুরিলো।

২ বংশধর 18:23

সেক্কে কনানার পুয়ো সিদিকিয় যেইনে মীখায়র গালত্‌ চোড়্‌ মারিনে কলঅ, “লগেপ্রভুর আত্মাগানে তঅ লগে কধা কবাত্তে মত্তুন্‌ নিগিলিনে কন্‌ পধেন্দি যেইয়্যে?”

২ বংশধর 24:21

মাত্তর্‌ মানুচ্চুনে সখরিয়র বিরুদ্ধে কুজুরোমি গুরিলাক্‌ আর রাজার উগুমে লগেপ্রভুর ঘর উদোনত্‌ তারে ঢলা মারিনে মারে ফেলেলাক্‌।

ইয়োব 13:27

তুই মঅ টেঙত্‌ দুড়িলোই বান্যচ্‌; মর্‌ বেক্‌ পথ্‌তানি উগুরে তুই কড়া নজর্‌ রাগেয়োজ্ আর মর্‌ টেঙ কুজ্‌ বারানা ঠিগ্‌ গুরি দুয়োজ্‌।

ইয়োব 33:11

তে শিগোল্‌লোই মঅ টেঙান বান্যে; মঅ পুরো পথ্‌তান উগুরে তে কড়া নজর্ রাগেয়্যে।

যিরমিয় 1:19

তারা তঅ বিরুদ্ধে যুদ্ধো গুরিবাক্ মাত্তর্ তরে ওদেই দি ন-পারিবাক্, কিত্তে তরে রোক্ষ্যে গুরিবাত্তে মুই তঅ লগে লগে আগং। মুই লগেপ্রভু এ কধাগান কঙর্।”

যিরমিয় 26:10

যিহূদার রাজকর্মচারীগুনে এ কধানি শুনিনে রাজঘরত্তুন্ লগেপ্রভুর ঘরত্ এলাক্ আর লগেপ্রভুর ঘরর নূয়ো গেদোত্ সুমিবার পথ্‌তানত্ বুজিলাক্।

যিরমিয় 26:8

মাত্তর্ লগেপ্রভুর উগুম মজিম যিরমিয় বেক কধানি কনা যেক্কে থুম্ গুরিলো সেক্কে ধর্মগুরু, ভাবাবদী আর বেক মানুচ্চুনে তারে ধুরিনে কলাক্, “তত্তুন মরা পুরিবো।

যিরমিয় 29:26

তুই সফনিয়রে লেখ্যচ্, ‘লগেপ্রভু তরে যিহোয়াদার জাগানত্ ধর্মগুরু বানেয়্যে যেনে লগেপ্রভুর ঘরর্ ভারান তঅ উগুরে থায়। কনঅ পাগল যুনি ভাববাদী ধোক্ক্যেন কাম গরে সালে গাজকট্টা আর গত্তনাত্ লুয়ো চিগোল্লোই তারে তত্তুন্ থামানা উজিত্।

যিরমিয় 36:26

সিয়েনর বদলে তে লিগিয়্যে বারূক আর ভাববাদী যিরমিয়রে ধুরি আনিবাত্তে রাজার পুয়ো যিরহমেল, অস্রীয়েলর পুয়ো সরায় আর অব্দিয়্যেলর পুয়ো শেলিমিয়রে উগুম দিলো। মাত্তর্ লগেপ্রভু তারারে লুগেই রাগেল।

যিরমিয় 37:13

মাত্তর্ যেক্কে তে বিন্যামীন-গেদোত্ লুমিলো সেক্কে যিরিয় নাঙে চুগিদারুনোর্ সেনাপতিবো তারে ধুরিনে কলঅ, “তুই বাবিলীয়গুনোর্ তপ্পে যর্।” এ যিরিয় অলদে শেলিমিয়র পুয়ো, শেলিমিয় হনানিয়র পুয়ো।

যিরমিয় 37:21

সেক্কে রাজা সিদিকিয় যিরমিয়রে চুগিদারুনো উদোনত্ থবাত্তে উগুম দিলো আর শঅরর্ বেক রুটিগানি থুম্ ন-অনা সং পত্তিদিন রুটিবলাগুনোরে পধত্তুন্ তারে এক্কান গুরি রুটি দিবাত্তে উগুম দিলো। সেনত্তে যিরমিয় চুগিদারুনো উদোনত্ রলঅ।

সখরিয় 14:10

যিরূশালেমর্ দোগিণে গেবাত্তুন্ রিম্মোণ সং অরাবা সংজাগান ধোক্ক্যেন্ অবাক্, মাত্তর্ যিরূশালেমান অজল্ থেবঅ। বিন্যামীন-গেদোত্তুন্ পত্তম গেইট্ আর কুণো গেইট্টো সং আর হননেলের অজল্ চুগিদার-ঘরত্তুন্ রাজার আংগুর মারেদে জাগান সং গোদা শঅরান্ ঠিগ্ থেবঅ।

মথি লেখ্যে গম্ হবর্ 21:35

চাষাবলাগুনে তা চাগরুনোত্তুন্ একজনরে ধুরিনে মারিলাক্, একজনরে খুন্ গুরিলাক্ আর অন্য আর একজনরে পাত্তর্ মারিলাক্।

প্রেরিত্‌ 4:3

তারা পিতর আর যোহনরে ধুরিলাক্ আর সাজোন্যে ওই যেয়্যে বিলি তার্ কেল্ল্যে সং আজদত্ থলাক্।

প্রেরিত্‌ 5:18

তারা দিপাধেয়্যে প্রচারক্কুনোরে ধুরিনে সরকারী জেলোত্ দিলাক্।

প্রেরিত্‌ 5:40

সেক্কে গমলীয়েল কধালোই নেতাগুনে একমত অলাক্। তারা দিপাধেয়্যে প্রচারক্কুনোরে ভিদিরে ডাগি আনিনে বেত্ মারিবাত্তে উগুম দিলাক্। সে পরেদি তারা তারারে ইরি দিলাক্ আর উগুম দিলাক্ যেন তারা যীশু পৌইদ্যেনে কনঅ কধা ন-কন্।

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।