যিরমিয় 20:18 - Chakma Bible

¹⁸ কষ্ট আর দুঘ্ দেগিবাত্তে আর লাজে মঅ জিংকানিগান কাদেবাত্তে কিত্তে মুই পেদ ভিদিরেত্তুন্ নিগিলি এলুং?

যিরমিয় 20:18 Iomraidhean Croise

১ রাজাবলী 19:4

মাত্তর্‌ তে নিজে ধূল্যেচর-চাগালা ভিদিরে একদিনো পথ উজেই গেলঅ। সিদু ইক্কো রোতম গাজর্‌ তলে বোইনে মুরিবাত্তে তবনা গুরিলো। তে কলঅ, “ও লগেপ্রভু, যদবদে ওইয়্যে। এবেরা তুই মঅ পরাণান্‌ নেযা; মুই দঅ মঅ পূরোণি মানুচ্চুনোত্তুন্‌ বেশ্‌ গম্‌ নয়।”

ইয়োব 14:1

মিলে পেদত্‌ জোর্মেয়্যে মানুচ্চুনোর্‌ জিংকানি কয়েকদিনোর্‌, আর সিয়েন্‌ দুঘে ভরা।

ইয়োব 14:13

আহ্‌, তুই যুনি মরে শবাশালত্‌ লুগেই রাগেদে, তর্‌ রাগ্‌কান লামি ন-যানা সং লুগেই রাগেদে, সে পরেদি মত্তেই এক্কান্‌ সময় ঠিগ্‌ গুরিনে আরঅ মরে মনত্‌ তুলিদে!

ইয়োব 3:20

“যিগুনে দুগে আগন্‌, কিত্তেই তারারে পহ্‌র দেগিবাত্তে দিয়্যে অয় আর তিদে পরাণানরে দিয়্যে অয় জিংকানি?

ইয়োব 5:7

যেধোক্ক্যেন্ সত্য যে আগুনো ঝিলান্‌ উগুরেন্দি উদে, সেধোক্ক্যেন্ সত্য, মান্‌জ্যে দুঘ্‌ পেবাত্তে জর্মান।

গীতসংহিতা 102:3

মঅ দিনুন্ ধূমো ধোক্ক্যেন মিলেই যেয়োন্; মঅ আড়ুন্ যেন চুলো আগুনে পুজ্যেদে ধোক্ক্যেন্।

গীতসংহিতা 69:19

মুই যে কদক্ ঈচ্ গোজ্যে, লাজত্ পোজ্যে আর অসর্মানর মানুচ্ ওইয়োং সিয়েন দঅ তুই হরব পাচ্; মঅ শত্রুগুনে বেক্কুনে তঅ মুজুঙোত্ আগন।

যিশাইয় 1:6

টেঙ তলাত্তুন্ ধুরি মাঢাবো তাল্লোগান সং কনজাগাত্ গম্ অবস্থা নেই, আগেদে বানা আঘাত, মার্ হেইয়্যে দাগ্ আর লগেলগ্ ঘা। সিয়েনি সাব্ গরানা বা বানি দিয়্যে ন-অয়, তেল্লোই পিড়ে কমায়ো ন-অয়।

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিরমিয় 15:10

হায়! হায়! মর্ মাবো, তুই কিত্তে মরে জর্ম দুয়োচ্, যিবে লগে গোদা দেজ্‌চানে কোল্-কোজ্যে আর লড়াই গরে? মুই উদোর্ ন-দুয়োং বা কনজনে মরে উদোর্‌‌‌অ ন-দুয়োন, তো বেক্কুনে মরে অভিশাব দুয়োন।

যিরমিয় 15:18

কিত্তে মর্ পীড়ের্ শেজ্ নেই, কিত্তে মঅ ঘাগান গম্ ন-অয়, কিত্তে সিয়েন সারা ন-যায়? তুই কি মইধু মিজে গঙার্ আর কানক্কন্ন্যে পয়নালা পানি ধোক্ক্যেন অবে?

যিরমিয় 3:25

এজঅ, আমি আমার লাজ্ গরেপারা কামানি ইধু পুরি থেই, আমা অগমানানিয়ে আমারে ঢাগি ফেলোক্। চিগোনত্তুন্ ধুরি এচ্চ্যে সং আমি আমার গোজেন লগেপ্রভুর বিরুদ্ধে পাপ গুরি এজির্, আর আমা পুরোণি মানুচ্চুনেয়ো সিয়েনি গোজ্যন। আমি আমার গোজেন লগেপ্রভুর বাধ্য ন-ওই।”

যিরমিয় 8:18

মর্ দুঘ্‌খোগান এদক্ বেশ্, সিয়েনর সান্ত্বনা নেই; মঅ ভিদিরে মঅ মনানে অমকদ দুঘ্ পার্।‌‌

আবিলেচ্ 1:12

তুমি যিগুনে মঅ কায়-কুরেদি যঅ তমাত্তুন্ কি কনঅ কিজু গুরিবার নেই? এক্কানা ঘুরিনে রিনি চঅ। মরে যে যন্ত্রনা দিয়্যে ওইয়্যে সেধোক্ক্যেন্ যন্ত্রনা কি আর কাররে দিয়্যে ওইয়্যে, যিয়েন্ লগেপ্রভু তার জোল্‌‌জোল্যে রাগর্ দিনোত্ মরে দিয়্যে?

আবিলেচ্ 3:1

মুই সে মানুচ্চো, যে লগেপ্রভুর রাগর্ সাজা পেইয়্যে।

হবক্‌‌‌‌কূক 1:3

কিত্তে তুই মরে পাজিগানি চাদে বাধ্য গরর্? কিত্তে তুই অন্যেয়ানি সোজ্য গরর্? মঅ মুজুঙোত্ ভস্ত আর অত্যেচার অর্ আর আমিঝে কোল্-কোজ্যে আহ্ মারামারি চলের্।

যোহন 16:20

মু‌ই তমারে ঘেচ্চ্যেক্‌গুরি কঙর্, তুমি কানিবা আর দুঘে ভাঙি পরিবা মাত্তর্ জগদর্ মানুচ্চুনে ফুত্তি গুরিবাক্। তুমি দুঘ্ পেবা, মাত্তর্ যেরেদি তমার্ সেই দুঘ্‌কান্ আর ন-থেবঅ; সিয়েনর্ বদলে তুমি হুজী অবা।

প্রেরিত্‌ 5:41

ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

ইব্রীয় 10:36

তমাত্তুন্ থির্ থানা দরকার, যাতে গোজেনর্ আওজ্ মজিম কাম গরানার্ পরেদি গোজেনে যিয়েন দিবাত্যে এগেম্ গোজ্জ্যে সিয়েন তুমি পঅ;

ইব্রীয় 11:36

আরঅ অন্যগুনে ঠাট্টা-তামাজা আর ভারী মারপিঠ্, এন্‌ কি, আঢ্‌কড়া আর জেল্ খাদানা সং সোজ্জ্য গোজ্জ্যন্।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 13:13

সেনত্যে এজঅ, তার অসর্মানান্ নিজে লোইনে আমি শঅরর্ বারেদি তা ইধু যেই,