যিরমিয় 20:10 - Chakma Bible

¹⁰ মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 20:10 Iomraidhean Croise

১ রাজাবলী 19:2

বেক্‌ কধানি শুনিনে ঈষেবলে মানুচ্‌ দিইনে এলিয়রে কোই পাদেল, “এযেত্যে কেল্যে এ সময়ান ভিদিরে তর্‌ দজাগান্‌ যুনি তারার্‌ একজন ধোক্ক্যেন্ ন-গরঙ্‌ সালে দেবেদাগুনে যেনে মরে সাজা দুয়োন্‌ আর সিয়েন্‌ জদবদে গুরি দুয়োন।”

১ রাজাবলী 21:20

আহাবে সে কধাগান শুনিনে এলিয়রে কলঅ, “ও মর্‌ শত্রু, এবেরা তুই মরে পেইয়োচ্‌।” এলিয় কলঅ, “অয়, পেইয়োং, কিত্তেই লগেপ্রভুর চোগোত্‌ যিয়েনি ভান্ন্যেই সিয়েনি গুরিবাত্তে তুই নিজোরে বিজি দুয়োচ্‌।

১ রাজাবলী 22:27

তারারে কঅ রাজা কত্তে এ মানুচ্চোরে যেনে জেলোত্‌ রাগা অয় আর রাজা দোলেডালে ফিরি ন-এজানা সং তারে কিজু পানি আর কিজু রুটি বাদে যেনে আর কিচ্ছু দিয়্যে ন-অয়।”

১ রাজাবলী 22:8

জোবত্‌ ইস্রায়েলর রাজা যিহূদার রাজা যিহোশাফটরে কলঅ, “এজঅ এন্‌ ইক্কো মানুচ্‌ আঘে যিবের্‌ মাধ্যমে আমি লগেপ্রভু ইদু পুযোর্‌ গুরি পারিই, মাত্তর্‌ মুই তারে ঈচ্ গরং, কিত্তেই তে মঅ পৌইদ্যেনে ভালেদির্‌ কধা ন-কয়, অমংগলর্‌ কধা কোইয়্যে। তে অলদে যিম্লের পূঅ মীখায়।”

ইয়োব 19:19

মর্‌ বেক্‌ সদর্ সমাজ্যেগুনে মরে ঘিনেন্‌; মুই যিগুনোরে কোচ্‌পাং তারা মঅ বিরুদ্ধে থিয়্যেইয়োন।

গীতসংহিতা 31:13

মঅ পৌইদ্যেনে ভালোক্ জনর ইংসে-নিন্দের কধা মঅ কানত্ এচ্ছ্যে, মর্ চেরোকিত্তে অমকদ দর্‍গরেপারা। তারা মঅ বিরুদ্ধে একসমারে সল্লা গত্তন্, মরে মারে ফেলেবাত্তে কুজুরোমি গত্তন্।

গীতসংহিতা 31:14

মাত্তর্ ও লগেপ্রভু, তঅ উগুরে মুই বিশ্বেজ্ গুরি আগঙ্; মুই কঙত্তে, “তুয়ই মর্ গোজেন।”

গীতসংহিতা 41:10

মাত্তর্ তুই, ও লগেপ্রভু, মঅ উগুরে দোয়্যে গর্; মরে তুল্, যেনে মুই তারার উগুরে হেনা শুজি পারং।

গীতসংহিতা 41:9

এন্ কি, যে মর্ পরাণর দাংগু, যিবে উগুরে মর্ এদক্ বিশ্বেজ্, যে মর্ সমারে হানা-দানা গরে, তেয়ো মঅ বিরুদ্ধে টেঙ্ তুল্যে।

গীতসংহিতা 57:4

পেত্ পরায় পাগল সিংহ ধোক্ক্যেন মান্‌জ্যর্ সংমধ্যে মুই পড়ি আগং; তারার দাত্‌তুন্ যাদি আর শেল ধোক্ক্যেন, আর জিলান্ ধারেয়্যে ছুরি।

গম্ উপদেজ্ 10:18

যে মানুচ্চো তা মন ভিদিরে ঈচ্ গরেদে কধা গুমরত্ রাগায় তে মিজে কধা কয়;

যিশাইয় 29:21

তারা মিজে কধালোই মান্‌জ্যরে দুষি গরন্, শঅর-গেদোত্ নিদ্দুযির তপ্পেদি থেইয়্যে মানুচ্চোরে ফালত্ ফেলান্ আর মিজে সাক্ষি দিইনে নিদ্দুযিবোরে ন্যায়বিচের্ পেবাত্তে ন-দুয়োন।

যিরমিয় 1:19

তারা তঅ বিরুদ্ধে যুদ্ধো গুরিবাক্ মাত্তর্ তরে ওদেই দি ন-পারিবাক্, কিত্তে তরে রোক্ষ্যে গুরিবাত্তে মুই তঅ লগে লগে আগং। মুই লগেপ্রভু এ কধাগান কঙর্।”

যিরমিয় 11:19

মুই অলুংগে গঙাত্ দিবাত্তে নেযেয়্যে লক্ষী ভেড়া ছঅ ধোক্ক্যেন; মুই বুঝি ন-পারং, তারা ইয়েন কোইনে মঅ বিরুদ্ধে কুজুরোমী গোজ্যন, “এজঅ, আমি গাজ্ আর তার গুলোগুন বর্‌‍‍‌‌‌বাত লাগেই; এজঅ, আমি তারে জেদাগুনো দেজত্তুন্ কাবি ফেলেই দিই যেনে তা নাঙান আর মনত্ রাগা ন-অয়।”

যিরমিয় 11:21

সেনত্তে অনাথোত মানুচ্চুনো পৌইদ্যেনে লগেপ্রভু কোইয়্যেদে, “যিগুনে তঅ পরাণান নিবাত্তে চাদন আর কদন, ‘লগেপ্রভুর নাঙে ভাববাদী ইজেবে কধা ন-কোয়ো, কলে তুমি আমা আঢত্ মারা পুরিবে,’

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 20:3

তার কেল্যে পশ্‌হূরে সেই বান্যেগানত্তুন্ যিরমিয়রে খুলি আনিলো। সেক্কে যিরমিয় তারে কলঅ, “লগেপ্রভুর দিয়্যে তঅ নাঙান পশ্‌হূর নয় বরং মাগোর-মিষাবীব (যিয়েনর্ ভেদ্‌তান্ ‘চেরোকিত্তে অমকদ দর্’),

যিরমিয় 37:13

মাত্তর্ যেক্কে তে বিন্যামীন-গেদোত্ লুমিলো সেক্কে যিরিয় নাঙে চুগিদারুনোর্ সেনাপতিবো তারে ধুরিনে কলঅ, “তুই বাবিলীয়গুনোর্ তপ্পে যর্।” এ যিরিয় অলদে শেলিমিয়র পুয়ো, শেলিমিয় হনানিয়র পুয়ো।

যিরমিয় 6:25

তুমি মাদত্ ন-যেয়ো বা পদথ্ ন-আত্য, কিত্তে শত্রুগুনো আঢত্ তলোয়ার আঘে আর চেরোকিত্তেদি রোইয়্যেদে অমকদ দর্।

যিহিষ্কেল 22:9

তঅ ভিদিরে এমন এমন মানুচ্ আগন্ যিগুনে অন্যগুনোরে বদ্‌‌‌‌‌‌‌‌‌‌‌নাং গুরিনে তারার্ লো ঝরান্, মুড়ো উগুরে পূজোর্ জাগানত্ হানা-দানা গরন আর ভান্ন্যেই ভান্ন্যেই কাম গরন।

দানিয়েল 6:4

সেনত্যে সেই রাজ-পরিচালক্‌কুনে আর সেই শাজন্‌গুরিয়্যেগুনে সরকার কাম পৌইদ্যেনে দানিয়েলর দুষ ধুরিবার চেট্ট্যা গরা ধুরিলাক, মাত্তর্ ন-পারিলাক্। সে ভিদিরে তারা কনঅ দুষ তোগেই ন-পেলাক্, কিত্যে তে বিশ্বেজি এলঅ, কনঅ দুষ বা অবহেলা তা ভিদিরে ন-এলঅ।

লূকে লেখ্যে গম্ হবর্ 20:20

সেনত্যে তারা যীশুরে চোগে চোগে রাগেলাক্ আর এস্পাই পাধেই দিলাক্। যীশুরে তার্ নিজো কধা ফালত্ ফেলেবাত্যে সেই এস্পাইয়ুনে গম্ মান্‌‌‌‌জ্যর ভান্ গরা ধল্ল্যাক্, যেন তারা তারে আঝল্ শাসনগুরিয়্যেবোর্ বিচেরত্ ফেলেই পারন্।

প্রেরিত্‌ 24:13

ইক্কিনে মঅ বিরুদ্ধে তারা যে দুষ্‌চান দেগাদন্ সিয়েনর্ প্রমাণ তারা তইধু দি ন-পারিবাক্।

প্রেরিত্‌ 5:33

এ কধাগান শুনিনে সেই নেতাগুনে রাগে আগুন ওই উদিলাক্ আর দিপাধেয়্যে প্রচারক্কুনোরে মারে ফেলেবাত্তে চেলাক্,

প্রেরিত্‌ 7:54

ইয়েনি বেক্‌ কধানি শুনিনে সেই নেতাগুনে রাগে আগুন্ ওই গেলাক্ আর স্তিফান বিরুদ্ধে দাত্ কামাড়া ধুরিলাক্।