যিরমিয় 2:8 - Chakma Bible

⁸ ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 2:8 Iomraidhean Croise

১ রাজাবলী 18:22

সেক্কে এলিয় তারারে কলঅ, “লগেপ্রভুর্‌ ভাববাদীগুনোর ভিদিরে বানা মুই বাগি আগং, মাত্তর্‌ বাল দেবেদার ভাববাদী আগন্দে সাড়ে চের্‌শ জন।

১ রাজাবলী 18:29

দিবুজ্যে গেলগোই আর বেল্যে বেল্যে য়েমান্‌-উৎসর্বর অক্ত সং ভুদে পেয়্যে মান্‌জ্য ধোক্ক্যেন্ তারা ফুলু ফাল্যে ভাচ্ কুয়া ধুরিলাক্‌। মাত্তর্‌ কনঅ সাড়া পাহ্ ন-গেলঅ, কনজনে জোব্‌ ন-দিলাক্‌, কনজনে মনযোগ্‌অ ন-দিলাক্‌।

১ রাজাবলী 18:40

সেক্কে এলিয় তারারে এ উগুমানি দিলো, “বাল দেবেদার ভাববাদীগুনোরে ধরঅ। তারার্‌ একজনরেয়ো ধেই যেবাত্তে ন-দুয়ো।” সেক্কে মানুচ্চুনে তারারে ধুরি ফেলেলাক্‌। এলিয় তারারে কীশোন কিজিঙোত্‌ নেযেইনে সিদু তারারে মারে ফেলেল।

ইয়োব 35:10

মাত্তর্ কনজনে ন-কন্, ‘মরে বানেয়্যে গোজেনে কুদু, যিবে রেদোত্ হুজির্ গান দান গরে?

যিশাইয় 28:7

মাত্তর্ ইফ্রয়িমর ধর্মগুরু আর ভাববাদীগুনে ইক্কিনে আংগুর-রস হেইনে মাত্তলে ধুরি পাগলামি গরন্ আর মদ হেইনে গোজ্যেই যান্; তারা টলদে টলদে দর্শন পান আর সে অবস্থায় রায় দুয়োন্।

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 30:5

তো তারারে পত্তি জনরে লাজত্ ফেলা অবঅ, কিত্তে সেই জাদ্‌তো তারার্ কনঅ এজালত্ ন-এবঅ। তারা সাহায্য বা সুবিধে কিচ্ছু দি ন-পারিবাক্; দিবাক্ বানা লাজ্ আর অসর্মান‍্।”

যিরমিয় 10:21

গরগ্‌কুনে জ্ঞাননেইয়্যে, তারা লগেপ্রভুর আওজ্‌‍‍‍‍চান জানিবাত্তে ন-চান; সেনত্তে তারা ফোলেই ন-পারন আর তারার বেক্ য়েমান পালুন ছিদিনে ইন্দি-উন্দি যেয়োন।‍‍

যিরমিয় 12:10

বোউত্ গরগে মর্ আংগুর খেত্‌‌‌তান বর্‌‌‌বাত লাগেয়োন আর সিগুন টেঙোই মাজ্যন্; মর্ দোল্ খেত্‌তানরে তারা মানুচ্ নেইয়্যে আঙ্যা ভূই বানেয়োন। ‌‌

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 2:11

যুনিয়ো জাদ্‌‍‍তুনোর দেব-দেবেদাগুনে গোজেন নয় তো কনঅ জাদে নিজোর্ দেব-দেবেদাগুনোর পরিবত্তন্ ন-গরন; মাত্তর্ মঅ মানুচ্চুনে তারার বাঈনী গরেদে গোজেনর বদলে অপদাত্ত দেবেদাগুনোরে মানি লোইয়োন্। ‍

যিরমিয় 2:6

তারা পুযোর্‌অ ন-গরন, সেই লগেপ্রভু কুধু যিবে মিসরত্তুন আমারে নিগিলেনে এমন্ ধূল্যেচর-চাগালা ভিদিরেদি আন্যে যিয়েন এলদে পানি নেইয়্যে, ফুল্যে-কাট্য, শুগুনো আর আন্ধার? সিয়েনত্ দঅ কনজনে যানা-এজানা আর বজত্তি ন-গুরিদাক্।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিরমিয় 7:8

চঅ, তুমি মিজে কধালোই বিশ্বেজ্ গোজ্য, মাত্তর্ সিয়েনত্ কনঅ লাভ নেই।

যিরমিয় 9:14

সিয়েনর বদলে তারা তারার মনর্ একঘেয়েমি অনুসারে চলদন; তারার বাপ্‌পুনোর শিক্ষ্যে মজিম তারা বাল দেবেদার পিজেদি চলদন্।

যিহিষ্কেল 22:26

তার ধর্মগুরুগুনে মর্ রীদি-সুদোম বিরুদ্ধে কাম্ গরন আর মর্ সুদ্ধো-সাংগ জিনিস্‌চানি অসিজি গরন। যিয়েনি সিজি আর যিয়েনি সিজি নয় তারা সিয়েনি এক গুরি ফেলান্; তারা সিজি আর অসিজি ভিদিরে যে ফারক্কান্ আঘে সে পৌইদ্যেনে শিক্ষ্যে ন-দুয়োন্ আর মর্ জিরেবার দিনুন পালানা পৌইদ্যেনে চোগ্‌‌‌‌‌‌‌‌‌‌‌কুন নাঢি রাগান্। ইয়েনত্ তারা ভিদিরে মঅ নাঙানর্ পবিত্রতাগান বর্‌‌‌‌‌‌‌‌‌‌‌‌বাত্ অর্।

যিহিষ্কেল 34:2

ও মান্‌‌‌‌‌‌‌জ্যর পুয়োবো, ইস্রায়েলর পালক্কুনো বিরুদ্ধে তুই ভাববাদী ইজেবে এ কধাগান কঅ, প্রভু লগেপ্রভু কোইয়্যেদে, অভিশাব্ পোড়োক্, ইস্রায়েলর সেই পালক্কুনোর, যিগুনে বানা নিজোর্ দেগাশুনো গরন্! ভেড়াপালর দেগাশুনো গরানা কি পালক্কুনোর্ উজিত্ নয়?

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

হবক্‌‌‌‌কূক 2:18

আড়ুগোর্ কনঅ দাম নেই, কিত্যেই মান্‌‌‌‌‌‌জ্যে দঅ তারে খুনিনেই বানেয়োন্। ছাজিনে ঢাল্যে মূত্তির্‌অ মূল্য নেই, কিত্যে সিয়েনত্তুন্ মান্‌‌‌‌‌‌জ্যে মিজে শিক্ষ্যে পান্। যে সিবে বানায় তে কিত্তে তা আঢে বানেয়্যে জিনিস্‌‌‌‌‌‌ছো উগুরে বিশ্বেজ্ গরে? সেই মূত্তি দঅ কধা কোই ন-পারে।

মথি লেখ্যে গম্ হবর্ 16:26

যুনি তুই পুরো পিত্‌থিমীগান পেইনেয়ো সিয়েনর বদলে আজল্ জিংকানিগান্ আরাস্ সালে সিয়েনর্ কি লাভ্ অলঅ? নিশ্চই নয়! সালে কেধোক্ক্যেন গুরি এক্কো মান্‌জ্যে তা জিংকানিগান ফিরি পেবঅ?

লূকে লেখ্যে গম্ হবর্ 11:52

“ধর্ম-মাষ্টরুন তমাত্যে কত্তমান দর্‌গরেপারা! তুমি জ্ঞানর্ চাবি নেযেয়ো। নিজেয়ো ভিদিরে ন-সমঅ আর যিগুনে ভিদিরে সুমিবাত্তে চেইয়োন্ তারারেয়ো সোমেবাত্তে ন-দুয়ো।”

যোহন 16:3

তারা ইয়েনি বেক্কানি গুরিবাক্ কিয়া তারা বাবারেয়ো ন-চিনোন্, মরেয়ো ন-চিনোন্।

যোহন 8:55

তুমি কনদিন্অ তারে হবর্ ন-পঅ, মাত্তর্ মুই তারে হবর্ পাং। যুনি মুই কং মুই তারে হবর্ ন-পাং সালে তমা ধোক্ক্যেন্ মুই মিজে মাদিয়্যে ওম্। মাত্তর্ মুই তারে চিনোং আর তা কধা বাধ্য ওইনে চলং।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

দ্বি’লম্বর বিররণ 33:10

তর্‌ উগুমানি তে যাকোবরে শিগায়, আর রীদি-সুদোমানি শিগায় ইস্রায়েলরে। তে তমা মুজুঙোত্‌ আগর্‌বাট্টি জ্বালায়, তর্‌ ডালি ঘর উগুরে পুজ্যে-উৎসর্ব গরে।

১ শমূয়েল 12:21

তুমি তাত্তুন্‌ সুরি ন-যেইয়ো, কিত্যে সিয়েন গুরিলে তুমি অসার দেব-দেবেদাগুনোর পিজেন্দি যেবা। সিগুন অসার বিলিনে তমার কনঅ উপকারঅ গুরি ন-পারিবাক্ আর তমারে রোক্ষেয়ো গুরি ন-পারিবাক্।

১ শমূয়েল 2:12

এলির পূঅগুনে এলাক অমহদ পাজি। লগেপ্রভু উগুরে তারার কনঅ মনযোগ ন-এলঅ।