তারা দেবাল্-ঘিজ্যে ভালোক্কানি শঅর্ আর বোল্বোল্যে ভূই গজক্ গোজ্যন্; তারা নানান্ বাবোত্যে গম্ গম্ জিনিজ্সোই ভোজ্যে ঘর্ আর আগেন্দি কুড়ো ওইয়্যে এধোক্কেন্ কূয়ো, আংগুর ক্ষেত্, জলপাইয়োর্ বাগান আর বোউত্ গুলোগুলি গাজ্ গজক্ গোজ্যন্। তারা হেইনে পেট্ ভুরিনে পক্তা-মোক্তা ওইয়োন্ আর তর্ দিয়্যে বোউত্ ভালেদি ভোগ গোজ্যন।
যিরমিয় 2:7 - Chakma Bible7 মুই তমারে এক্কান বোল্বোল্যে দেজত্ আন্যং যেন তুমি সিদুগোর্ গুলোগুলি আর গম্ গম্ জিনিস হেই পার; মাত্তর্ তুমি এইনে মঅ দেজ্ছানরে অসিজি গোজ্য, মর্ অধিকারানরে ঈচ্ গরেদে জিনিস গোজ্য। Faic an caibideil |
যিরমিয় 2:7
28 Iomraidhean Croise
লগেপ্রভু কোইয়্যেদে, যুনি কনঅ মান্জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?
“তুই চোগ্ মিলিনে গাজ্পালা নেইয়্যে মুড়োগুনো ইন্দি রিনি চাহ্। এমন্ কনঅ জাগা আঘে কি যিয়েনত্ তুই বেশ্যে ন-গরচ্? যিগুনো সমারে তুই বেশ্যে গোজ্যস্ তারারে তুই পধ পাজারাত্ বাজ্জেবাত্তে বুয়োই থেদে, ধূল্যেচরর আরবীয়গুনো ধোক্ক্যেন হাব্ পাদি থেদে। তর্ বেশ্যেগানি আর পাজিগানিলোই তুই দেজ্চানরে অসিজি গোজ্যস্।
যে দেজ্চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।
তমার্ যেনে ভালেদি অয় সেনত্যে লগেপ্রভুর চোগোত্ যিয়েনি ঠিগ্ আর গম্ তুমি সিয়েনোই গোজ্য। সেক্কে লগেপ্রভু তমার্ পুরোণি মানুচ্চুনো ইদু শমক্ গুরিনে যে দোল্ দেজ্ছান দিবার কধা এগেম্ গোজ্য, সে দেজত্ যেইনে তুমি সিয়েনি গজক্ গুরিবা আর লগেপ্রভু যেধোক্ক্যেন কোইয়্যে সেধোক্ক্যেন গুরি তমা মুজুঙোত্তুন্ তমার্ শত্রুগুনোরে তুমি ধাবেই দি পারিবা।
Sanasan