যিরমিয় 2:34 - Chakma Bible

^34-35 তঅ কাবড়-চুগোড়ানিত্ নিদ্দুযি নাঢা মানজ্যর্ লো দেগা যায়, যুনিয়ো তারা তঅ ঘরান ভাঙিনে ন-চমান্। ইয়েনি অলেয়ো তুই কোইয়োচ্চে, মুই নিদ্দুযি; মঅ উগুরে লগেপ্রভুর আর রাগ নেই। মাত্তর্ মুই তর্ বিচের গুরিনে তরে সাজা দিম্, কিত্তে তুই কোইয়োচ্চে, ‘মুই পাপ ন-গরং।’

যিরমিয় 2:34 Iomraidhean Croise

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

যাত্রা 22:1

যুনি কনঅ‌ মান্‌জে কনঅ গোরু বা ভেড়াছাগল চুর্‌ গুরি আনিনে মারে ফেলান্‌ বা বেজি দুয়োন, সালে তাত্তুন্‌ এক্কো গোরুর্‌ বদলে পাচ্চুয়ো গোরু আর এক্কো ভেড়াছাগলর্‌ বদলে চের্‌বো ভেড়াছাগল ফিরেই দিয়্যে পুরিবো।

যাত্রা 22:2

যুনি কনঅ‌ চুরে চুর্‌ গুরিবাত্তে যেইনে ঘরত্‌ চোমেবার্‌ অক্তত্‌ ধরা খায়্‌ আর আহত ওইনে মুরি যায়্‌, মাত্তর্‌ যিবের্‌ আঘাত্তোই‌ তে মুরি গেলঅ তে খুনোর্‌ দায়ী ন অবঅ।

যিশাইয় 57:5

তুমি দঅ এলোন গাজ্‌‌‌চুনো ভিদিরে, ডেলা নেইয়্যে পত্তি য়েল্ গাজ তলে কামনায় জুলি উদো; তুমি কলগে কলগে আর মুড়ো মুড়ির ফাদা জাগানিত্ তমা ঝি-পুয়োগুনোরে ডালি দুয়ো।

যিশাইয় 59:3

তমা আঢ্‌‍‌‌‌তানি লো-লোই আর আঙুলুন্ পাপে অসিজি ওইয়্যে। তমা মুয়োনিয়ে মিজে কধা কোইয়্যে আর তমা জিলানিয়ে পাজি কধা কয়।

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যিরমিয় 19:4

ইয়েনর ভেদ্‌তান্ অলঅ, তারা মরে ছাড়ি যেইয়োন আর এ জাগায়ান দেব-দেবেদাগুনোর জাগা বানেয়োন; তারা এমন দেবেদাগুনো ইধু আগর্‌বাট্টি জ্বালেয়োন যিগুনোর কধা তারার পুরোণি মানুচ্চুনে বা যিহূদার রাজাগুনে কনদিন্‌অ হবর্ ন-পেদাক্। ইয়েন বাদেয়ো এ জাগায়ান তারা নিদ্দুযিগুনোর লো-লোই ভোরেই দুয়োন।

যিরমিয় 2:33

“ও যিহূদা, তুই কোচ্‌‍‍পানা ইন্দি কত্তমান কাবিল্! বেগত্তুন্ ভান্ন্যেই মিলেয়ো তঅ পথ্‌‌‌‌তান দেগিনে শিগি পারে।

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিরমিয় 7:31

তারা তারার ঝি-পুয়োগুনোরে আগুনোত্ পুড়িবাত্তে বিন-হিন্নোম কলগত্ তোফৎ নাঙে পূজোর অজল্ জাগা বানেয়োন। মাত্তর্ এ উগুমান মুই ন-দুয়োং, মঅ মনত্‌অ সিয়েন ন-চমে।‌‌

যিরমিয় 7:6

যুনি বিদেশি, মা-বাপ নেইয়্যে বা রানিমিলেগুনোরে অত্যেচার ন-গোজ্য আর এ দেজত্ নিদ্দুযিগুনোর লো ন-ঝোরেয়ো আর দেব-দেবেদাগুনোর পিজেদি যেইনে নিজোরে খেতি ন-গোজ্য,

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

আবিলেচ্ 4:14

সেনত্তে তারা কান্ মানুচ্চুনো ধোক্ক্যেন পধে পধে বিজিরে বিজিরে বেড়েয়োন্; তারা এদক্ লোলোই ফি-বলা ওইয়োন্ যে, কনজনে তারার্ কাবড়ানি ধুরিবাত্তে ন-চান।

যিহিষ্কেল 20:31

এজঅ সং যেক্কে তুমি মূত্তি মুজুঙোত্ তমা ঝি-পুয়োগুনোরে আগুনোত্ পুড়িনে উৎসর্ব গরঅ সেক্কে সেই বেক্ মূত্তিগুন্দোই তুমি নিজোরে অসিজি গুরি থাগঅ। ও ইস্রায়েলীয়গুন, মুই কি তমারে মর্ আওজ্‌চান জানিবাত্তে দিম? মর্ জিংকানি নাঙে, মুই কনমতে মর্ আওজ্‌চান তমারে জানিবাত্তে ন-দিম।

যিহিষ্কেল 22:25

সেই দেজ মানুচ্চুনে কুজুরোমি গরন্; তারা গুজুরি উদোন্দে সিংহ ধোক্ক্যেন শিগের্ গরন। তারা মানুচ্চুনোরে গিলোন, ধন-সম্পদ আর মংগা মংগা জিনিস নেযান্ আর দেজ ভিদিরে ভালোক্কুন্ মিলেরে রানি বানেয়োন্।

যিহিষ্কেল 23:45

মাত্তর্ গম্ মানুচ্চুনে বেভিচের্ আর লো ঝরানার সাজা সেই মিলেগুনোরে দিবাক্, কিত্তে তারা বেভিচারিনী আর তারা আঢত্ রোইয়্যেদে লো।

যিহিষ্কেল 24:7

সেই শঅর ভিদিরে লো ঝড়া ওইয়্যে। সেই লোগান্ পাত্তর উগুরে ঢালা ওইয়্যে; সিয়েন মাদিত্ ঢালা ন-অয় যিয়েনত্ ধূল্যেলোই সিয়েন নাঢা যেদঅ।

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’