যিরমিয় 2:29 - Chakma Bible

²⁹ লগেপ্রভু কোইয়্যেদে, কিত্তে তুমি মরে দুষ্ দুয়োর্? তুমি দঅ বেক্কুনে মঅ বিরুদ্ধে উল্লোমী গোজ্য।

যিরমিয় 2:29 Iomraidhean Croise

যিরমিয় 2:23

তুই কেধোক্ক্যেন গুরি কোই পারচ্ যে, তুই অসিজি নয়, তুই বাল দেবেদাগুনোর পিজেদি ন-যাচ্? ভাবি চাহ্, তুই কলগত্ কেজান্ বেবহার গোজ্যস্; তুই যিয়েনি গোজ্যস্ সিয়েনি চিদে গর্। তুই যেন চেলা উদো সমারে মিজেবাত্তে ইন্দি-উন্দি দাবা দাবা বেড়েয়্যে ফারি উট।

যিরমিয় 3:2

“তুই চোগ্ মিলিনে গাজ্‌পালা নেইয়্যে মুড়োগুনো ইন্দি রিনি চাহ্। এমন্ কনঅ জাগা আঘে কি যিয়েনত্ তুই বেশ্যে ন-গরচ্? যিগুনো সমারে তুই বেশ্যে গোজ্যস্ তারারে তুই পধ পাজারাত্ বাজ্জেবাত্তে বুয়োই থেদে, ধূল্যেচরর আরবীয়গুনো ধোক্ক্যেন হাব্ পাদি থেদে। তর্ বেশ্যেগানি আর পাজিগানিলোই তুই দেজ্‌চানরে অসিজি গোজ্যস্।‌‌‌‌‌‍

যিরমিয় 5:1

লগপ্রভু কোইয়্যেদে, “তুমি যিরূশালেমর পথ্‌তানিত্ এ মাঢাত্তুন উ মাঢাত্ আর চেরোকিত্তে রিনি চঅ। সিদুগোর্ শঅর্-চক্করুনোত্ যেইনে তোগেই নেযঅ। চঅ, যুনি এমন কাররে পঅ যে ন্যায়ভাবে আর গমেডালে চলের্ সালে মুই এ শঅরানরে খেমা গুরি দিম।‌‌

যিরমিয় 6:13

“চিগোনত্তুন্ ধুরি দাঙর্ বেক্কুনে লাভত্তে লুভ্ গরন; এন কি, ভাববাদী আর ধর্মগুরুগুন বেক্কুনে ছলনা গরন।

দানিয়েল 9:11

ইস্রায়েলীয়গুন বেক্কুনে তর্ উগুম অমান্য গুরিনে তঅ পদত্তুন্ সুরি যেইয়োন; তারা তঅ কধা ন-শুনোন্। সেনত্তে তর্ চাগর্ মোশির সুদোমত্ লেখ্যে যে অভিশাবর্ কধা তুই শমক্ হেইনে কোইয়োচ্ সিয়েনি আমা উগুরে ঢালি দিয়্যে ওইয়্যে, কিত্যেই আমি তঅ বিরুদ্ধে পাপ গোজ্যেই।

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।