যিরমিয় 2:25 - Chakma Bible

²⁵ তুই উজিয়ার অ, ন-অলে তর্ টেঙর্ জদানি বর্‌বাত্ ওই যেবঅ আর তর্ রবুয়োও শুগেই যেবঅ। মাত্তর্ তুই কত্তে, কনঅ লাভ নেই। মুই দেব-দেবদাগুনোরে গম্ পাং, তারা পিজেদি মুই যেম্। ‍‍

যিরমিয় 2:25 Iomraidhean Croise

২ বংশধর 28:22

তার্‌ এ দুগোত্‌ রাজা আহসে লগেপ্রভু উগুরে আরঅ অবিশ্বেজি অলঅ।

২ বংশধর 28:23

দামেস্ক দেবেদাগুনে তারে ওদেই দুয়োন্‌ মনে গুরিনে তে সে দেবেদাগুনো ইদু এ্যামান্ উৎসর্ব গুরিলো। তে মনে গুরিলোদে, “অরাম রাজাগুনোর্‌ দেবেদাগুনে তারারে বল্‌ দুয়োন্‌, সেনত্তে বল্‌ পেবাত্তে মুই সে দেবেদাগুনো ইদু এ্যামান্ উৎসর্ব গুরিম্‌।” মাত্তর্‌ সে দেবেদাগুনেয়ই অলাক্‌ তার্‌ আর পুরো ইস্রায়েলর সর্বনাশর কারন।

যিশাইয় 2:6

তুই দঅ তঅ মানুচ্চুনোর্, অত্তাৎ যাকোব বংশধরুনোরে ছাড়ি যেইয়োচ্। তারা পুগেদি দেজ্‌ছানির কুসংস্কারলোই পেলেপেলে ওইয়োন; তারা পলেষ্টীয়গুনো ধোক্ক্যেন যাদুবিদ্যের্ অভ্যেস গোজ্যন আর নানান্ জাদ সমারে আঢ্ মিলেয়োন।

যিশাইয় 57:10

তর্ এই যানা-এযানাগান্দোই তুই বল্‌‌‌‌‌‌‌‌পোজ্যে ওইয়োচ্, তো আজা নেই, এ কধাগান ন-কং। মাত্তর্ তুই পূজো গুরিনে নূয়ো বল্ পেইয়োচ্, সেনত্তে তুই বল্‌পোজ্যে ওই ন-পড়চ্।‌‌‌‌

যিরমিয় 13:21

যেদক্কানি রেজ্যর্ লগে তুই দাংগুত্ব গোজ্যস্ লগেপ্রভু যেক্কে তঅ উগুরে তারারে বোজেব সেক্কে তুই কি কবে? পুয়ো ফুদেবার সময় মিলেগুনে যেবাবোত্যেগুরি পীড়ে পান সেবাবোত্যেগুরি কি তুই পীড়ে ন-পেবে?

যিরমিয় 13:22

যুনি তুই নিজোরে পুযোর্ গরচ্, মঅ উগুরে ইয়েন কি ঘুদিলো? মাত্তর্ ইয়েনর জোব্ অলঅ, তর্ বোউত্ পাপত্তে তঅ কাবড়ান ফাদি ফেলা ওইয়্যে আর কিয়্যে উগুরে অত্যেচার গরা ওইয়্যে।

যিরমিয় 14:10

এ মানুচ্চুনে পৌইদ্যেনে লগেপ্রভু কোইয়্যেদে, “তারা ঘুরি বেড়াদে গম্‌‌‌‍‍পান; তারা তারার টেঙানি ন-থামান্। সেনত্তে মুই তারারে গুজি ন-লং; মুই এবেরা তারার পাজিগানির পৌইদ্যেনে ইদোত্ তুলিম আর পাপত্তে সাজা দিম্।”

যিরমিয় 18:12

মাত্তর্ তারা জোব্ দিবাক, ‘কনঅ লাভ নেই। আমা পরিকল্পনা মজিম আমি চলিবোং; আমি বেক্কুনে নিজোর নিজোর ভান্ন্যেই মনর্ একঘেয়েমিলোই চলিবোং।’ ”

যিরমিয় 2:31

এ যুগোর্ মানুচ্চুন, তুমি মঅ কধানি শুনো। ইস্রায়েলর ইধু কি মুই ধূল্যেচর-চাগালা ধোক্ক্যেন ওইয়োং? মুই কি ঘুর্‌‌‌ঘুজ্যে আন্ধারর্ দেজ ওইয়োং? মঅ মানুচ্চুনে কিত্তে কন্, আমি খুলোমেলা গুরি ঘুরিনে বেড়েই পারিই; আমি তইধু আর ন-এবং?

যিরমিয় 22:20

লগেপ্রভু কোইয়্যেদে, “ও যিরূশালেম, তুই লেবাননত্ যেইনে রঅ ছাড়্, তর্ মুয়োর্ রবো বাশনত্ শুনো যোক্। তুই অবারীমত্তুন কিজেক্ কাড়্, কিত্তে তর্ বেক লাঙুনে ভস্ত ওই যেইয়োন।

যিরমিয় 22:21

তুই যেক্কে গম্ অবস্থায় এলে সেক্কে মুই তরে উজিয়ার গোজ্যং, মাত্তর্ তুই কোইয়োচ্চে, ‘মুই ন-শুনিম।’ পৌইল্যাত্তুন্ ধুরি তঅ বেবহারান এবাবোত্যে; তুই মর্ বাধ্য ন-অচ্।

যিরমিয় 3:13

তুই বানা তঅ দুষ্‌চানি মানি নেযা, তর্ গোজেন লগেপ্রভুর বিরুদ্ধে তুই উল্লোমী গোজ্যস্, ডেলাপাদা ছিদি পোজ্যে বেক্ য়েল্ গাজর্ তলে দেব-দেবেদাগুনোরে তর্ কোচ্‌‌‌পানাগান্ দান গোজ্যস্ আর মঅ কধার বাধ্য ন-অচ্।

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

আবিলেচ্ 4:4

দুধো তিরেজে চিগোন্ চিজিগুনোর্ জিলানি তাল্লোত্ বাজি যার্; ঝি-পুয়োগুনে রুটি চাদন্, মাত্তর্ কনজনে সিয়েনি ন-দেদন্।

যিহিষ্কেল 20:32

তুমি কোই থাগঅ, তুমি জগদর্ অন্য জাদর্ মানুচ্চুনো ধোক্ক্যেন অবাত্তে চঅ যিগুনে গাজ্ আর পাত্তর পূজো গরন্। মাত্তর্ তমা মনত্ যিয়েনি আঘে সিয়েনি কনদিন্‌অ ন-অবঅ।

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

হোশেয় 2:5

তারার্ মাবো বেভিচের্ গোজ্যে; যে তারারে পেদত্ ধোজ্যে তে লাজ্ গরেপারা কাম্ গোজ্যে। তে কদঅ, মুই মঅ লাঙেগুনো পিজেদি যেইম্; তারা মরে হানা, পানি, পশম, মসীনা, তেল আর পানীয় দি থান্।

মালাখি 3:14

তুমি কোইয়ো, ‘গোজেনর্ সেবা গরানা অনত্তক্। তার্ রীদি-সুদোম মজিম্ কাম্ গুরিবাত্তে আর আপ্‌সোজ্ গুরিনে বেগত্তুন্ খেমতাবলা লগেপ্রভুর মুজুঙোত্ আদাউদো গুরিনে আমার কি লাভ্ অলঅ?‌‌‌‌‌

লূকে লেখ্যে গম্ হবর্ 15:22

মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

লূকে লেখ্যে গম্ হবর্ 16:24

সেক্কে তে রঅ ছাড়িনে কলঅ, বাবা অব্রাহাম, মরে দোয়্যে গর্। লাসাররে পাধেই দে যেন তে তা আঙুলো মাঢাগুন্ পানিত্ ভুরেইনে মঅ জিলান্ ঠান্ডা গরে। এই আগুনোত্ মুই অমকদ দুঘ্ পাঙর্।”

রোমীয় 8:24

পাপত্তুন্ উদ্ধোর্ পেইনে আমি এ আজাগান পেইয়্যেই। আমি যিয়েনত্যে আজা গুরিই আঘি যুনি সিয়েন্ পেই যেই-গোই সালে দঅ সেই আজাগান্ আর আজা ন-থেলঅ। যিয়েন্ পেইয়্যেই সিয়েনত্যে কন্না আজা গুরি থায়?

দ্বি’লম্বর বিররণ 32:16

দেবেদা পূজোলোই তার মানুচ্চুনে তার পাওনা ভোক্তির আওজর্ আগুনান্ লাগেলাক্, ভান্ন্যেই মূত্তি পূজোলোই তার রাগ্‌কান জাগেলাক্।