যিরমিয় 2:23 - Chakma Bible

²³ তুই কেধোক্ক্যেন গুরি কোই পারচ্ যে, তুই অসিজি নয়, তুই বাল দেবেদাগুনোর পিজেদি ন-যাচ্? ভাবি চাহ্, তুই কলগত্ কেজান্ বেবহার গোজ্যস্; তুই যিয়েনি গোজ্যস্ সিয়েনি চিদে গর্। তুই যেন চেলা উদো সমারে মিজেবাত্তে ইন্দি-উন্দি দাবা দাবা বেড়েয়্যে ফারি উট।

যিরমিয় 2:23 Iomraidhean Croise

ইষ্টের 8:16

যিহূদীগুনোত্তে সময়ান অলদে অমকদ হুজির্‌, ফূত্তির্‌ আর সর্মানর।

গীতসংহিতা 36:2

তারা নিজো পৌইদ্যেনে বড়াই গুরি কন্দে, গোজেনে তারার্ পাপ্পানি ন-ধুরিবো, ঘিনাইদে চোগেন্দিয়ো ন-দেগিবো,

গীতসংহিতা 50:21

ইয়েনি তুই গোজ্যস্, মাত্তর্ মুই মুয়োন ন-খুলোং; তুই মনে গোজ্যস্‌চে মুই তঅ ধোক্ক্যেন এক্কো, মাত্তর্ মুই তর্ দুষ্‌ছান দেগেই দিম আর তর্ বেক্কানি তর্ চোগোর মুজুঙোত্ এক্কান এক্কান গুরি তুলি ধুরিম।

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

গম্ উপদেজ্ 30:12

তারা নিজো চোগেদি খাটি অদচ কজরাত্তুন্ সিজি ন-অন্,

গম্ উপদেজ্ 30:20

বেশ্যে মিলের বেবহার মুই বুঝি ন-পারং; তে বেশ্যে গরানার পরেদি গাদিগাদাই কইদ্যে, “মুই দঅ কনঅ অন্যেয় ন-গরং।”

যিরমিয় 14:10

এ মানুচ্চুনে পৌইদ্যেনে লগেপ্রভু কোইয়্যেদে, “তারা ঘুরি বেড়াদে গম্‌‌‌‍‍পান; তারা তারার টেঙানি ন-থামান্। সেনত্তে মুই তারারে গুজি ন-লং; মুই এবেরা তারার পাজিগানির পৌইদ্যেনে ইদোত্ তুলিম আর পাপত্তে সাজা দিম্।”

যিরমিয় 16:10

“এ মানুচ্চুনো ইধু এ কধানি কনার্ পরেদি তারা যেক্কে তরে পুযোর্ গুরিবাক্, ‘লগেপ্রভু আমা বিরুদ্ধে এবাবোত্যে দযার্ কধা কোইয়্যে কিত্তে? আমি কি গোজ্যেই? আমা গোজেন লগেপ্রভুর বিরুদ্ধে আমি কি পাপ গোজ্যেই?’

যিরমিয় 2:36

বার বার পথ্‌তান বুদুলিনে কিত্তে তুই এদক্ ঘুরি বেড়াজ্? আসিরিয়ার পৌইদ্যেনে তুই যেবাবোত্যে লাজেয়োজ্ সেবাবোত্যে মিসরর পৌইদ্যেনেয়ো লাজেবে।‌‌‌‌

যিরমিয় 3:2

“তুই চোগ্ মিলিনে গাজ্‌পালা নেইয়্যে মুড়োগুনো ইন্দি রিনি চাহ্। এমন্ কনঅ জাগা আঘে কি যিয়েনত্ তুই বেশ্যে ন-গরচ্? যিগুনো সমারে তুই বেশ্যে গোজ্যস্ তারারে তুই পধ পাজারাত্ বাজ্জেবাত্তে বুয়োই থেদে, ধূল্যেচরর আরবীয়গুনো ধোক্ক্যেন হাব্ পাদি থেদে। তর্ বেশ্যেগানি আর পাজিগানিলোই তুই দেজ্‌চানরে অসিজি গোজ্যস্।‌‌‌‌‌‍

যিরমিয় 31:22

ও ভান্ন্যেই পধেদি যেইয়্যে মিলেবো, আর কয়দিন তুই ঘুরি বেড়েবে? মুই লগেপ্রভু পিত্‌থিমীত এক্কান নূয়ো বেপার ঘোদেয়োং, সিয়েন অলঅ, মিলেগুনে মরদরে ঘিরিবাক‍্।” ‍‍‍‍

যিরমিয় 7:31

তারা তারার ঝি-পুয়োগুনোরে আগুনোত্ পুড়িবাত্তে বিন-হিন্নোম কলগত্ তোফৎ নাঙে পূজোর অজল্ জাগা বানেয়োন। মাত্তর্ এ উগুমান মুই ন-দুয়োং, মঅ মনত্‌অ সিয়েন ন-চমে।‌‌

যিরমিয় 9:14

সিয়েনর বদলে তারা তারার মনর্ একঘেয়েমি অনুসারে চলদন; তারার বাপ্‌পুনোর শিক্ষ্যে মজিম তারা বাল দেবেদার পিজেদি চলদন্।

হোশেয় 1:2

হোশেয়র্ মাধ্যমে পত্তমবার্ কধা কবার সময়োত্ লগেপ্রভু তারে কলঅ, “তুই যেইনে এক্কো বেশ্যে মিলেরে লঅ। তার বেশ্যেমি গরানার পুয়ো-ছাগুনোরেয়ো মানি লবে, কিত্যে এ দেজ্‌‌চান লগেপ্রভুত্তুন্ সুরি যেইনে বেগত্তুন্ জঘন্য বেশ্যের্ দুষে দুষী ওইয়্যে।”

লূকে লেখ্যে গম্ হবর্ 10:29

সেই মাষ্টর্‌বো নিজো সর্মানান্ রোক্ষ্যে গুরিবাত্তে যীশুরে কলঅ, “মঅ পাড়াল্যে কন্না?”

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।