যিরমিয় 2:22 - Chakma Bible

²² যুনিয়ো তুই সোডালোই নিজোরে ধস্ আর অমকদ সাগোন্ বেবহার গরচ্ তো তর্ অন্যেয়র দাগ্ মঅ মুজুঙোত্ রোইয়্যে। মুই প্রভু লগেপ্রভু এ কধাগান কঙর্।

যিরমিয় 2:22 Iomraidhean Croise

২ শমূয়েল 11:12

সেক্কে দায়ূদে তারে কলঅ, “এচ্ছ্যে দিন্নোত্‌অ তুই ইদু থাক্‌; কেল্যে মুই তরে ফেরৎ পাধেই দিম্‌।” সেনত্তেই ঊরিয় সে দিন্নোত্‌ আর তার্ কেল্যেয়ো যিরূশালেমত্‌ থেলঅ।

ইয়োব 14:17

সেক্কেনে তুই এক্কো থৈল্যে ভিদিরে মঅ দুজ্‌ছানি সীলমর্‌ গুরি রাগেবে আর মর্‌ পাপ বেক্কানি ঢাগি দিবে।

গীতসংহিতা 130:3

ও লগেপ্রভু, তুই যুনি অন্যেয়র ইজেব রাগাচ্, সালে ও প্রভু, কন্না থিয়্যেই থেই পারিবো?

গীতসংহিতা 90:8

আমা অন্যেয়ানি তুই তঅ মুজুঙোত্ রাগাচ্; তর্ পহ্‌রে আমা লুগেয়্যে পাপ্‌পানি ফগদাং অয়।

যিরমিয় 16:17

তারার বেক আঢাউদোগানি উগুরে মঅ চোগ্‌কুন রোইয়্যে; তারা মঅ চোগ্‌কুনোত্তুন লুগেয়্যে নয় আর তারার পাব্‌‍‍‍পানিয়ো মত্তুন্ গুমরত্ নয়। ‍‍‍

যিরমিয় 17:1

লগেপ্রভু কোইয়্যেদে, যিহূদার পাপ্‌পান লুয়োর্ কলম্বোই লেগা ওইয়্যে, হীরা কাবনিলোই তারার চিদোত্, তারার পুজোবো শিঙো উগুরে কাবিনে লেগা ওইয়্যে।

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

যিহিষ্কেল 24:6

প্রভু লগেপ্রভু আরঅ কোইয়্যেদে, অভিশাব্ পোরোক্, সেই লো ঝোরেয়্যে শঅরান্! সিয়েন যেন এক্কো পিলে যিবেত্ কজরা কুড়্ ওইয়্যে, যিবে কাজা ন-যায়। য়েরানি বেঈ বেঈ ন-নিইনে দমাগুন্ এক্কো এক্কো গুরি নিগিলা।

হোশেয় 13:12

ইফ্রয়িমর দুষ, অত্তাৎ তার্ বেক্ পাপ্‌‌‌‌‌‌পানি লিগিনে বানি রাগা ওইয়্যে।

আমোষ 8:7

লগেপ্রভু, যিবে যাকোবর্ বাঈনী গুরিবার, তে শমক্ হেইনে কোইয়্যেদে, “তারা যিয়েনি গোজ্যন সিয়েনি কনদিন্‌অ মুই ভুলি ন-যেইম্।

দ্বি’লম্বর বিররণ 32:34

মইদু সিয়েনি দঅ তুল্যে আঘে, মর্‌ জমেয়্যে ঘরত্‌ সীলমহর্ গরা আঘে।