যিরমিয় 2:20 - Chakma Bible

²⁰ ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিরমিয় 2:20 Iomraidhean Croise

১ রাজাবলী 12:32

যিহূদা চাগালার্‌ ভিদিরে যে পরপ্পুন্‌ অদাক্‌ সে পরব ধোক্কেন আস্‌তো মাজর্‌ পন্দর দিনোর্‌ দিন্নোত্‌ তে বৈথেলত্‌অ ইক্কো পরবর্‌ বেবস্থা গুরিলো আর নিজোর্‌ বানেয়্যে গোরু ছবোর্‌ নাঙে ডালিপূজোবো উগুরে এ্যমান্‌ উৎসর্ব গুরিলো। তে বৈথেলত্‌ পূজোর্‌ অজল্‌ জাগানিত্‌ তার্‌ বানেয়্যে মন্দিরোত্‌ ধর্মগুরুয়ো নেযেল।

১ রাজাবলী 14:23

ইয়েন্‌বাদে তারা নিজোত্তে পত্তি অজল্‌ মুড়োগুনোর্‌ উগুরে আর পত্তি ঢেলাবলা য়েল্‌ গাজ তলে পূজোর্‌ অজল্‌ জাগায়ান্‌ ঠিগ গোজ্যন্‌ আর পবিত্র পাত্তর্‌ আর আশেরা-খুদোগুন্‌ থিদেবর গোজ্যন্‌।

গীতসংহিতা 107:14

আন্ধার আর মরণ মুয়োত্তুন্ তে তারারে নিগিলেই আনিলো; তে তারার শিগোলানি ভাঙি দিলো।

গীতসংহিতা 2:3

তারা কদন্দে, “এজঅ আমি তারার্ শিগোলানি ভাঙি ফেলেই, ছিনি ফেলেই আমা উগুরেত্তুন্ তারার্ বানি রাগেয়্যে ঘিরেগুন।”

গীতসংহিতা 78:58

তারা মুড়ো উগুরে ডালিবাজা দিইনে তারে অখুজি গোজ্যন্; বানেয়্যে মুত্তি পূজো গুরিনে তা পাইদে ভক্তির আওজ্‌ছান বাড়েই দুয়োন।

যাত্রা 19:8

এই কধানি শুনিনে বেক্‌ মানুচ্চুনে এক সমারে কলাক্কে, “লগেপ্রভু যিয়েনি কোইয়্যে আমি সিয়েনি বেক্কানি গুরিবোং।” মানুচ্চুনে যিয়েনি কলাক্‌ মোশি যেইনে সিয়েনি লগেপ্রভুরে জানেল।

যাত্রা 24:3

মোশি যেক্কে ফিরি যেইনে মানুচ্চুনো ইদু লগেপ্রভুর্‌ বেক্‌ কধানি কলগোই আর তাঁর্‌ বেক্‌ সুদোমানি ফগদাং গুরিলো সেক্কে মানুচ্চুনে এক সমারে কলাক্‌, “লগেপ্রভু যিয়েনি যিয়েনি কোইয়্যে আমি সিয়েনি বেক্কানি গুরিবোং।”

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যিশাইয় 1:21

হায়, সতী শঅরান্ কিবাবোত্যে বেশ্যে ধোক্ক্যেন্ ওই যেইয়্যে! সিয়েন এক সময়োত্ ন্যায়বিচেরে ভরা এলঅ; গম্ জিনিস্‌ছান সে ভিদিরে বজত্তি গুরিদো; মাত্তর্ ইক্কিনে বজত্তি গত্তন্ খুনিগুনে।

যিশাইয় 10:27

সেদিন্যে তমা কানাত্তুন্ তারার বুদিগুন্, তমা গত্তনাত্তুন্ তারার্ জুঙোলুন্ তুলি নিয়্যে অবঅ; তুমি পক্তা ওইয়ো বিলি সেই জুঙোলান্ ভাঙি পুরিবো।

যিশাইয় 14:25

মঅ দেজ্‌‌ছান ভিদিরে মুই আসিরিয়ার্ রাজারে চুর্‌‌মার্ গুরিম আর মঅ মুড়ো-মুড়িগুনো উগুরে তারে টেঙোই উড়িম্। সেক্কে মঅ মানুচ্চুনো ইত্তুন্ তা জুঙোলান্ দূর্ ওই যেবঅ আর তারার্ কানাগানিত্তুন্ তা বুধিবো সুরি যেবঅ।”

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

যিরমিয় 13:27

মুই তর্ সিনেলী আর কামনাবলা ডাগনি আর লাজ্ নেইয়্যে বেশ্যের্ কামানি দেখ্যং; দেখ্যং মুড়োই মুড়োই আর মাঢে মাঢে এই জঘন্য কামানি। যিরূশালেম, অভিশাব তরে! আর কয়দিন তুই অসিজি থেবে?”

যিরমিয় 17:2

ডেলা-পাদা ছোড়েয়্যে য়েল্ গাজর্ তলে অজল্ অজল্ মুড়ো উগুরে তারার পুজো আশেরা-মূত্তিগুন তারার পুয়ো-ছাগুনো ইধুয়ো গম্।

যিরমিয় 2:31

এ যুগোর্ মানুচ্চুন, তুমি মঅ কধানি শুনো। ইস্রায়েলর ইধু কি মুই ধূল্যেচর-চাগালা ধোক্ক্যেন ওইয়োং? মুই কি ঘুর্‌‌‌ঘুজ্যে আন্ধারর্ দেজ ওইয়োং? মঅ মানুচ্চুনে কিত্তে কন্, আমি খুলোমেলা গুরি ঘুরিনে বেড়েই পারিই; আমি তইধু আর ন-এবং?

যিরমিয় 3:13

তুই বানা তঅ দুষ্‌চানি মানি নেযা, তর্ গোজেন লগেপ্রভুর বিরুদ্ধে তুই উল্লোমী গোজ্যস্, ডেলাপাদা ছিদি পোজ্যে বেক্ য়েল্ গাজর্ তলে দেব-দেবেদাগুনোরে তর্ কোচ্‌‌‌পানাগান্ দান গোজ্যস্ আর মঅ কধার বাধ্য ন-অচ্।

যিরমিয় 30:8

মুই বেগত্তুন্ খেমতাবলা লগেপ্রভু কঙর্, সেদিন্যে মুই তারার গত্তনাত্তুন্ জুঙোলান্ ভাঙি ফেলেম্ আর তারার দুড়িগান ছিনি ফেলেম; বিদেশীগুনে আর তারার চাগর্ গুরি ন-রাগেবাক্।

যিরমিয় 5:5

সেনত্তে মুই নেতাগুনো ইধু যেইনে তারা লগে কধা কোম্; হামাক্কায় তারা লগেপ্রভুর পথ্‌তান আর গোজেনর সুদোমানি হবর্ পান।” মাত্তর্ তারায়ো এক সমারে জুঙোল্ ভাঙিনে বান্ন্যেগান্ ছিনি ফেল্যন।

যিহিষ্কেল 16:28

আসিরিয়গুনো সমারেয়ো তুই ব্যভিচের্ গোজ্যস্, কিত্তে তুই ঈল্ ন-ফুত্যে এলে; মাত্তর্ সে পরেদিয়ো তর্ ঈল্ ন-অয়।

যিহিষ্কেল 16:31

তুই যেক্কে দবদা পধে পধে মূত্তির্ আসন বানেয়োচ্ সেক্কে বেশ্যের কাম গুরিনেয়ো তর্ পাওনা টেঙাগুন্ এলাফেলা গোজ্যস্।

যিহিষ্কেল 16:41

তারা তর্ ঘরানি পুড়ি ফেলেবাক্ আর ভালোক্কুন্ মিলের্ চোগো মুজুঙোত্ তরে সাজা দিবাক্। এবাবোত্যেগুরি তর্ বেশ্যেগিরি বন্ধ গুরি দিম; তর্ লাঙেগুনোরে তুই আর টেঙা-পোইজ্যে ন-দিবে।

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

যিহিষ্কেল 23:5

অহলা মর্ থাগদে সিনেলী গুরিলো। তা লাঙেগুনো উগুরে, অত্তাৎ আসিরিয়গুনো উগুরে তে জুড়্‌‌বোত্যে। ইগুনে এলাক্ য়েল্ কাবড় উজ্যে যোদ্ধা, শাজন্‌গুরিয়্যে আর সেনাপতি; বেক্কুনে দোল্ গাবুজ্যে আর ঘোড়াচালেয়্যে।

হোশেয় 1:2

হোশেয়র্ মাধ্যমে পত্তমবার্ কধা কবার সময়োত্ লগেপ্রভু তারে কলঅ, “তুই যেইনে এক্কো বেশ্যে মিলেরে লঅ। তার বেশ্যেমি গরানার পুয়ো-ছাগুনোরেয়ো মানি লবে, কিত্যে এ দেজ্‌‌চান লগেপ্রভুত্তুন্ সুরি যেইনে বেগত্তুন্ জঘন্য বেশ্যের্ দুষে দুষী ওইয়্যে।”

হোশেয় 2:5

তারার্ মাবো বেভিচের্ গোজ্যে; যে তারারে পেদত্ ধোজ্যে তে লাজ্ গরেপারা কাম্ গোজ্যে। তে কদঅ, মুই মঅ লাঙেগুনো পিজেদি যেইম্; তারা মরে হানা, পানি, পশম, মসীনা, তেল আর পানীয় দি থান্।

হোশেয় 3:3

সে পরেদি মুই তারে কলুং, “মঅ লগে কিয়্যেদি মিজেবাত্তে তত্তুন্ ভালোক্ দিন বাজ্জেই থাহ্ পড়িবো। তুই বেভিচের্ ন-গুরিবে বা কনঅ মান্‌জ্য লগে কোচ্‌‌‌‌‌‌‌‌‌‌‌পানার সম্পর্ক ন-গুরিবে‌‌‌‌‌‌‌‌। মুইয়ো তত্তে বাজ্জেই থেইম্।”

হোশেয় 4:13

মুড়ো তোগোনোত্ তারা য়েমান উৎসর্ব গরন্ আর মুড়ো উগুরে অলোন, লিব্‌‌‌নী আর এলা গাজর্ তলে যিয়েনত্ ছাবালোই আরাম দে সিয়েনত্ তারা আগর্‌বাট্টি জ্বালান। সেনত্তে তমা মিলেগুন বেশ্যে অন্ আর ফুদো বৌগুনে বেভিচের্ গরন।

হোশেয় 9:1

ও ইস্রায়েল, অন্য জাদ্‌‌‌তুনো ধোক্ক্যেন তুই হুজির্ উৎসব ন-গুরিচ্। তুই দঅ তর্ গোজেনরে ছাড়িনে তা উগুরে অবিশ্বেজি ওইয়োচ্; পত্তি খামারত্ তুই বেশ্যের্ পাওনা পেইনে হুজি ওইয়োচ্।

লেবীয় 26:13

মুই লগেপ্রভু তমার গোজেন। মিসর দেজত্তুন্‌ মুয়ই তমারে নিগিলেই আন্যং যেনে মিসরীয়গুনোর্‌ চাগর্‌ ওইনে তমাত্তুন্‌ আরঅ থাহ্ ন-পড়ে । কানাগানর্‌ জুঙোলান্ ভাঙি ফেলেইনে মুয়ই তমা মাদাগুন উজু গুরিনে আদিবার্‌ অবস্থাত্‌ আন্যং।

নহূম 1:13

ইক্কিনে মুই তঅ কানাত্তুন্ তারার্ জুঙোলান্ ভাঙি দিম আর তঅ বান্যেগান্ ছিনি ফেলেম্।”

দ্বি’লম্বর বিররণ 12:2

তুমি যে জাদ্‌‌তুনোরে গজক্ গুরিবাত্তে যর্‌ তারা যিদুক্কুন চিগোন-দাঙর্‌ মুড়ো-মুড়ি উগুরে আর ডেলা ছিদি পোজ্যে য়েল্‌ গাজর্‌ তলে তারার্‌ দেব-দেবেদার পূজো গরন্‌ সে জাগানি তুমি বেক্কানি ভস্ত গুরি দিবা।

দ্বি’লম্বর বিররণ 15:15

মনত্‌ রাগেয়ো, মিসর দেজত্‌ তুমিয়ো চাগর এলা আর তমার গোজেন লগেপ্রভু তমারে উদ্ধোর গোজ্যে। সেনত্যে এচ্চ্যে মুই তমারে এ উগুমান দুয়োঙর্।

দ্বি’লম্বর বিররণ 26:17

এচ্চ্যে তুমি খাম্‌ খেলাদে, লগেপ্রভু তমার গোজেন আর তার পধন্দি তুমি চলিবা। তুমি খাম খেলাদে যে, তার সুদোমানি, উগুমানি আর হুকুমানি তুমি পালন গুরিবা আর তার কধামজিম্‌ চলিবা।

দ্বি’লম্বর বিররণ 4:20

মনত্‌ রাগেয়ো, লগেপ্রভু তমারে বেঈ লোইয়্যে আর লুয়ো গোলাইদে হাপর ধোক্ক্যেন যে মিসর দেজ্‌ছান সিয়েনত্তুন্‌ তমারে নিগিলেই আন্যে যেনে তুমি তার্‌ মানুচ্‌ ওই পারঅ, আর তুমি ইক্কিনে সেধোক্কেন্‌ ওইয়ো।

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।

দ্বি’লম্বর বিররণ 5:27

আমা গোজেন লগেপ্রভু যিয়েনি কোইয়্যে, তুইয়ো কায়-কুরে যেইনে সিয়েনি শুনি আয়। তে তরে যিয়েনি কবঅ সিয়েনি আমারে জানেই দিবে; আমি সিয়েনি শুনিনে সেধোক্ক্যেন চলিবোং।

যিহোশূয় 1:16

জোবত্‌ তারা যিহোশূয়রে কলাক্, “তুই আমারে যেদক্কানি উগুম দুয়োচ্‌ সিয়েনি আমি পালন গুরিবোং আর আমারে যিদু পাদেবে সিয়োদোই যেবং।

যিহোশূয় 24:24

সেক্কে বেক্কুনে যিহোশূয়রে কলাক্‌, “আমি আমার গোজেন লগেপ্রভুরে সেবা গুরিবোং আর তার্‌ উগুমানি পালেবং।”

যিহোশূয় 24:26

বেক্কানি তে গোজেনর্‌ রীদি-সুদোমর্ এক্কো বোইয়োত্‌ লিগি রাগেল। তে এক্কো দাঙর্‌ পাথর্‌ লোইনে লগেপ্রভুর পবিত্র জাগান ইদু এলোন গাজর্‌ গড়াত্‌ বোজেল।

ফগদাং পেইয়্যে 17:1

যে সাতজন স্বর্গদূতো আঢত্ সাত্‌টো কদরা এলাক্ তারাত্তুন্ একজনে এইনে মরে কলঅ, “বজমান পানি উগুরে যে দাঙর্ বেশ্যেবো বৈ আঘে, আয়, মুই তার সাজা তরে দেগাং।

বিচের গুরিয়্যেগুন 10:6

সে পরেন্দি ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই আরঅ সিয়েনি গরা ধুরিলাক্‌। তারা বাল দেবেদাগুনোরে আর অষ্টারোৎ দেবীগুনোর আহ্‌ অরামীয়, সীদোনীয়, মোয়াবীয়, অম্মোনীয় আর পলেষ্টীয়গুনোর দেব-দেবেদাগুনোরে পূজো গরা ধুরিলাক্‌। ইঙিরিনে ইস্রায়েলীয়গুনে লগেপ্রভুরে ছাড়ি গেলাক্‌ আর তারে সেবা ন-গুরিলাক্‌।

বিচের গুরিয়্যেগুন 2:11

লগেপ্রভুর চোগোত্‌ যিয়েনি ভাজ্‌ন্যেই তারা সিয়েনিই গুরিদাক্‌। তারা বাল দেবেদাগুনোরে পূজো গুরিদাক্‌।

বিচের গুরিয়্যেগুন 2:13

এধোক্কেন্‌ গুরিনে তারা লগেপ্রভুরে বাদ দিইনে বাল দেবেদার আর অষ্টারোৎ দেবীর পূজো গুরিদাক্‌।

১ শমূয়েল 12:10

সেক্কে তমার পূরোণি মানুচ্চুনে লগেপ্রভুর ইদু কানাকুদি গুরিনে কলাক্, আমি পাপ গোজ্যেই; আমি লগেপ্রভুরে বাদ দিইনে বাল দেবেদাগুনোরে আর অষ্টারোৎ দেবীগুনোরে পূজো গোজ্যেই; ইক্কিনে তুই শত্রুগুনোর আঢত্তুন আমারে রোক্ষে গর্‌, আমি তরই সেবা গুরিবোং।