যিরমিয় 2:18 - Chakma Bible

¹⁸ ইক্কিনে নীল গাঙর্ পানিগান হেবাত্তে কিত্তে তুই মিসরত্ যর্? ইউফ্রেটিস গাঙর্ পানিগান হেবাত্তে কিত্তে তুই আসিরিয়া দেজত্ যর্?

যিরমিয় 2:18 Iomraidhean Croise

২ বংশধর 28:16

সে অক্তত্‌ রাজা আহসে সাহায্য চেবাত্তে আসিরিয়ার রাজা ইদু মানুচ্‌ পাদেল।

যিশাইয় 23:3

শীহোর গাঙর্, অত্তাৎ য়েল্ গাঙ পারর্ শোজ্যগানি দাঙর্ সাগর উগুরেদি এদঅ; সোরর আয় এলদে সে গাঙ পারর্ খেত-খেত্তিগানি, আর সোর ওই উদিলোদে বেক্ জাদ্‌তুনোর বাজার।‌‌‌

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 7:20

সেদিন্যে প্রভু তমার্ মাঢা চুলানি, টেঙ কেশ্‌চানি আর দাড়ি মুড়ে দিবাত্তে ইউফ্রেটিস গাঙর্ উপারত্তুন্ এক্কান ক্ষুরে, অত্তাৎ আসিরিয়ার রাজারে লোড়েইনে আনিবো।‍‍

যিরমিয় 2:36

বার বার পথ্‌তান বুদুলিনে কিত্তে তুই এদক্ ঘুরি বেড়াজ্? আসিরিয়ার পৌইদ্যেনে তুই যেবাবোত্যে লাজেয়োজ্ সেবাবোত্যে মিসরর পৌইদ্যেনেয়ো লাজেবে।‌‌‌‌

যিরমিয় 31:22

ও ভান্ন্যেই পধেদি যেইয়্যে মিলেবো, আর কয়দিন তুই ঘুরি বেড়েবে? মুই লগেপ্রভু পিত্‌থিমীত এক্কান নূয়ো বেপার ঘোদেয়োং, সিয়েন অলঅ, মিলেগুনে মরদরে ঘিরিবাক‍্।” ‍‍‍‍

আবিলেচ্ 4:17

তো সাহায্যত্তে মিজে গুরি রিনি চেই চেই আমা চোগ্‌কুন চিবে চিবে ওইয়োন্; আমি আমিঝে এমন এক্কো জাদ ইন্দি চেই এলং যে জাদ্‌তো আমারে রোক্ষ্যে গুরি ন-পারিদো।

আবিলেচ্ 5:6

যগাজ্যে হানা পেবাত্তে আমি মিসর আর আসিরিয়ার অধিন্ ওইয়্যেই।

যিহিষ্কেল 16:28

আসিরিয়গুনো সমারেয়ো তুই ব্যভিচের্ গোজ্যস্, কিত্তে তুই ঈল্ ন-ফুত্যে এলে; মাত্তর্ সে পরেদিয়ো তর্ ঈল্ ন-অয়।

যিহিষ্কেল 17:15

মাত্তর্ সেই শাজন্‌গুরিয়্যেবো ঘোড়া আর এক্কো দাঙর্ সৈন্যদল পেবাত্তে মিসরত্ দূত পাধেইনে বাবিল রাজার বিরুদ্ধে উল্লোমী গুরিলো। তে কি সফল অবঅ? যে এই কামানি গরে তে কি রেহাই পেবঅ? শমক্ ভাঙিলে কি তে রোক্ষ্যে পেবঅ?

হোশেয় 5:13

“ইফ্রয়িমে যেক্কে তা পীড়েগান দেগিলো আর যিহূদা দেগিলো তা ঘাগান্ সেক্কে ইফ্রয়িমে আসিরিয়া ইন্দি ফিরিনে সাহায্যত্তে সেই মহা রাজ ইধু মানুচ্ পাধেল। মাত্তর্ তে দঅ তারে গম্ গুরি ন-পারিবো আর তা ঘাগান্অ গম্ গুরি ন-পারিবো।

হোশেয় 7:11

ইফ্রয়িমে যেন এক্কো অঘা কোদোর্; তে এক্কুবারে বুদ্ধি নেইয়্যে। একবার তে মিসররে ডাগে আর একবার যায় আসিরিয়া ইধু।