যিরমিয় 2:17 - Chakma Bible

¹⁷ তর্ গোজেন লগেপ্রভু যেক্কে তরে ঠিগ্ পধেদি চালেয়্যে সেক্কে কি তুই তারে ছাড়িনে ইয়েনি বেক্কানি নিজো উগুরে ন-আনস্?

যিরমিয় 2:17 Iomraidhean Croise

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

ইয়োব 34:27

কিত্যে তারা তা পধেদি আঢানা বাদ দুয়োন; তার কনঅ উগুমো উগুরে তারার খিয়েল্ নেই।

ইয়োব 4:8

মুই দেখ্যং যিগুনে বজঙর্‌ চাজ্‌ গরন্‌ আর দুঘোর্‌ বীজ্‌ ফেলান্‌ তারা সেধোক্ক্যেন্ কাবন্‌।

গীতসংহিতা 107:7

তে উজু পধেন্দি তারারে নেযেল যেনে তারা কনঅ শঅরত্ যেইনে বজত্তি গুরি পারন্।

গীতসংহিতা 136:16

যিবে তা মানুচ্চুনোরে ধূল্যেচর-চাগালান্দি নেযেয়্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 77:20

মোশি আর হারোণরে দিইনে ভেড়া পাল ধোক্ক্যেন গুরি তুই তঅ মানুচ্চুনোরে চোড়েয়োচ্।

গম্ উপদেজ্ 15:10

যিগুনে গম্ পথ্‌তান ছাড়দন্ তারাত্তে দরমর সাজাগানে বাজ্জেই আঘে; যে মানুচ্চো সংশোধন কধা ঘিনেই তে মুরিবো।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিরমিয় 13:22

যুনি তুই নিজোরে পুযোর্ গরচ্, মঅ উগুরে ইয়েন কি ঘুদিলো? মাত্তর্ ইয়েনর জোব্ অলঅ, তর্ বোউত্ পাপত্তে তঅ কাবড়ান ফাদি ফেলা ওইয়্যে আর কিয়্যে উগুরে অত্যেচার গরা ওইয়্যে।

যিরমিয় 19:4

ইয়েনর ভেদ্‌তান্ অলঅ, তারা মরে ছাড়ি যেইয়োন আর এ জাগায়ান দেব-দেবেদাগুনোর জাগা বানেয়োন; তারা এমন দেবেদাগুনো ইধু আগর্‌বাট্টি জ্বালেয়োন যিগুনোর কধা তারার পুরোণি মানুচ্চুনে বা যিহূদার রাজাগুনে কনদিন্‌অ হবর্ ন-পেদাক্। ইয়েন বাদেয়ো এ জাগায়ান তারা নিদ্দুযিগুনোর লো-লোই ভোরেই দুয়োন।

যিরমিয় 2:13

কিত্তে মঅ মানুচ্চুনে দ্বিয়েন পাপ গোজ্যন্। জিংকানিবলা পানির পয়নাল্ সিবে যে মুই তারা মরে ফেলেই যেইয়োন, আর নিজোত্তে তারা এমন্ পানি রাগেবার জাগা বানেয়োন যিবে ভাঙা, যিয়েনত্ পানি রাগা ন-যায়।

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

যিরমিয় 4:18

তর্ আচার-বেবহার আর তর্ বেক্ কামানিত্তে ইয়েনি তঅ উগুরে এচ্চ্যে। ইয়েন তর্ পাজি কাম্ গরানার সাজা। ইয়েন অমকদ তিদে; ইয়েন তর্ মনানরে সেল্ মাজ্যে।”

যিরমিয় 44:3

সিয়েন ওইয়্যেদে তারার পাজিগানির কারনে, কিত্তে তারা দেব-দেবেদাগুনো মুজুঙোত্ আগর্‌বাট্টি জ্বালেইনে আর তারারে পূজো গুরিনে মরে অমকদ রাগ্ তুলি দুয়োন। সে দেব-দেবেদাগুনোর্ কধা তারায়ো হবর্ ন-পেদাক্, তুমিয়ো হবর্ ন-পেদা বা তমা পুরোণি মানুচ্চুনেয়ো হবর্ ন-পেদাক্।

যিরমিয় 5:25

তমা অন্যেয় কামানিত্তে ইয়েনি দূরোত্ রাগা ওইয়্যে; তমা পাপত্তে তমার ভালেদি ন-অয়।

যিহিষ্কেল 39:24

তারার্ অসিজি আর পাপ মজিম্ মুই তারা লগে বেবহার গোজ্যং আর তারাত্তুন্ মর্ মুয়োন ফিরেই রাগেয়োং।”

হোশেয় 13:9

ও ইস্রায়েল, তুই মর্ বিপক্ষে, অত্তাৎ তর্ সাহায্যগুরিয়্যের্ বিপক্ষে আগচ্ বিলি মুই তরে ভস্ত গুরিম।

মীখা 1:5

যাকোব পাপত্তে, ইস্রায়েল বংশর অন্যেয়ত্তে ইয়েনি অবঅ। যাকোবর পাপত্তে দায়ী কন্না? শমরিয়া কি নয়? যিহূদার পূজোর্ অজল্ জাগানিত্তে দায়ী কন্না? যিরূশালেমানে কি নয়?

গণাণা 32:23

মাত্তর্‌ যুনি তুমি সিয়েন্‌ ন-গরঅ সালে লগেপ্রভুর বিরুদ্ধে তুমি পাপ গুরিবা। তুমি ইয়েন্‌ জানি রাগেয়ো, তমার পাপ তমারে রেহাই ন-দিবো।

দ্বি’লম্বর বিররণ 32:10

তে তারে এক ধূল্যেচর-চাগালাত্‌ পেলঅ, পেলঅ গুজুরোনিলোই ভরা এক মানুচ্‌ নেইয়্যে জাগাত্‌। তে তারে ঘিরি রাগেল, যত্তন্‌ গুরিলো; তারে চোগো মানেগ ধোক্ক্যেন গুরি চুগি দিইনে রাগেল,

দ্বি’লম্বর বিররণ 32:19

সিয়েন দেগিনে লগেপ্রভু তার পূঅ-ঝিগুনোর্ ইন্দিত্তুন মুয়োন-ফিরেই নিলো, কিত্যে তারা তার রাগ্‌কান জাগেই তুল্যন্।