যিরমিয় 2:16 - Chakma Bible

¹⁶ ইয়েনি বাদেয়ো নোফ আর তফনহেষ শঅরর্ মানুচ্চুনে তঅ মাঢাবো মুড়েই দুয়োন।

যিরমিয় 2:16 Iomraidhean Croise

২ রাজাবলী 18:21

তুই দঅ বিশ্বেজ্ গোজ্যস্‌ সেই বুদি যেইয়্যে নল, অর্থাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আত্তান্‌ কানা গুরি দিবো। মিসর রাজা ফরৌণ উগুরে যিগুনে বিশ্বেজ্ গরন্‌ তারা উগুরে তে সেধোক্ক্যেন গরে।

২ রাজাবলী 23:33

ফরৌণ-নখো পেরায় চের্‌ টন রূবো আর ঊনচোল্লিশ কেজি সোনা কর্‌ ইজেবে যিহূদা দেজ উগুরে চাপি দিলো।

যিশাইয় 19:13

সোয়নর দাঙর্ পোজিশনর্ কামগুরিয়্যেগুনে ভুল্-বেদমা ধোক্ক্যেন ওইয়োন্, আর নোফর নেতাগুনে ঠোক্ক্যন্; মিসরর আজল্ নেতাগুনে মিসরর ভান্ন্যেই পধেদি নেযেয়োন।

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিশাইয় 8:8

আর সিয়েন যিহূদা দেজ ভিদিরে জোড়ে এইনে পুরিবো আর উদুরে উদিনে গত্তনা সং বাড়িবো। ও ইম্মানূয়েল, আসিরিয়ার রাজা তা মেল্যে ডুয়োগানিলোই তঅ পুরো দেজ্‌ছান নাঢি ফেলেব।

যিরমিয় 44:1

মিসর দেজত্ যিদুক্কুন যিহূদী মিগ্‌দোল, তফন্‌হেষ, নোফ আর পথ্রোষ চাগালাত্ বজত্তি গুরিদাক্ তারা পৌইদ্যেনে লগেপ্রভুর এ কধাগান যিরমিয় ইধু ফগদাং অলঅ,

যিরমিয় 46:14

সেই হবরান অলঅ, “তুমি মিসরত্ ফগদাং গরঅ, মিগ্‌দোলত্ ফগদাং গরঅ, নোফ আর তফন্‌হেষত্ ফগদাং গুরিনে কঅ, ‘তুমি জাগা নিইনে থিয়্যেয়ো আর যুক্কোল্ অ, কিত্তে তলোয়ারানে তমা চেরোকিত্তে গজক্ গুরিবো।’

যিরমিয় 46:19

ও মিসর মানুচ্চুন, তুমি বন্দী ওইনে দূরোত্ যেবাত্তে তমা পযাপিরানি যুক্কোল্ গরঅ, কিত্তে নোফত্ মানুচ্ নেই, পড়ি থেইয়্যে ভূইয়ানি আর ভস্ত ওইয়্যে জাগায়ানি পড়ি থেবঅ।

যিরমিয় 48:45

“হিশ্‌বোনর ছাবাত্ ধেই যেইয়্যে মানুচ্চুনে অসহায় ওইনে থিয়্যেই আগন্, কিত্তে হিশ্‌‌‌‌‌বোনত্তুন আগুন আর সীহোনর ভিদিরেত্তুন্ আগুনোর জিল্ নিগিল্যে; সিয়েনে মোয়াবর কবালান আর বেজাল্ গোজ্যে বাড়্‌‌‌‌‌গোজ্যেগুনো মাঢাগুনোর তাল্লোগান পুড়ি দিয়্যে।

যিহিষ্কেল 30:13

“‘মুই নোফর মূত্তিগুন ভস্ত গুরি ফেলেম, তার মূত্তিগুন শেজ্ গুরি দিম। মিসরত্ আর কনঅ শাজন্‌গুরিয়্যে ন-থেবাক্ আর দেজর্ বেক্কানিত্ মুই দর্‌‌‌বুগ্ ফুদেই দিম।

যিহিষ্কেল 30:16

মুই মিসর দেজত্ আগুন বাজেই দিম; সীন শঅরান্ যন্ত্রণায় মজরা যেবঅ। নো শঅর উগুরে অদাদত্ দযা এবঅ; নোফ দিনোত্ দুঘোত্ পুরিবো।

হোশেয় 9:6

যেক্কেনে তারা ভস্ত অইদ্যে আঢত্তুন্ ধেই যেবাক্ সেক্কেনে মিসরে তারারে এগত্তর্ গুরিবো আর মোফ শঅরত্ তারারে গোর্ দিবো। তারার্ তুবেয়্যে রূবো আর তারার্ থেবার ঘরানি হেরপদনা আরি কাদাগাজে ঢাগি ফেলেব।

দ্বি’লম্বর বিররণ 33:20

গাদ পৌইদ্যেনে তে কোইয়্যেদে, “বর্ পেইয়্যে তে, যিবে গাদ রেজ্যর দুযিগান বাড়েব। তে সিংহ ধোক্ক্যেন বুঝিবো আর শত্রুগুনোর মাদা আর আঢ্‌তানি ছিনিবো।