যিরমিয় 2:15 - Chakma Bible

¹⁵ সিংহগুনে গুজুরি উঠ্যন্; তারে দেগিনে গো গো গোজ্যন্। তা দেজ্‌ছান তারা উগুজ্জ্যে ভুইয়ো ধোক্ক্যেন গুরি রাগেয়োন; তার শঅরানি ভস্ত গরা ওইয়্যে, সিয়েনত্ মানুচ্ জন নেই।‍‍‍

যিরমিয় 2:15 Iomraidhean Croise

ইয়োব 4:10

সিংহগুনে গুজুরোন্‌ আর গো গো রঅ গরন্‌, তো সেই চিৎনেইয়্যে সিংহগুনোর দাত্‌তুন ভাঙি যান্‌।

গীতসংহিতা 57:4

পেত্ পরায় পাগল সিংহ ধোক্ক্যেন মান্‌জ্যর্ সংমধ্যে মুই পড়ি আগং; তারার দাত্‌তুন্ যাদি আর শেল ধোক্ক্যেন, আর জিলান্ ধারেয়্যে ছুরি।

যিশাইয় 1:7

তমা দেজ্‌ছান ভস্ত ওইনে পড়ি রোইয়্যে, শঅরানি আগুন্দোই পুড়ি দিয়্যে ওইয়্যে। তমার্ বেক্ খেত-খেত্তিগানি তমা চোগো মুজুঙোত্ বিদেশিগুনে লুদেয়োন্; বিদেশিগুনে দেজ্‌ছান ভস্ত ওইয়্যে জাগা গুরি রাগেয়োন।

যিশাইয় 24:1

চঅ, লগেপ্রভু পিত্‌থিমীগানরে এক্কুবারে খালি গুরিবাত্যে আর ভস্ত গুরিবাত্যে যার্। তে তার্ উগুরে ভাগ্‌কান উল্ল্যে ফেলেইনে তা আদাম্মেগুনোরে ছিদি দিবো।

যিশাইয় 5:29

পাড়ি সিংহ ধোক্ক্যেন্ তারার্ গুজুরোনিগান্; তারা দামাড়া সিংহ ধোক্ক্যেন্ গুজুরিবাক্ আর শিগের্ গুরিবার অক্তত্ গো গো রঅ গুরিবাক্। সে শিগেরুন্ তারা বুয়োই নেযেবাক্; তারা আঢত্তুন্ কনজনে সিগুন রোক্ক্যে গুরি ন-পারিবাক্।

যিশাইয় 5:9

বেগত্তুন্ খেমতাবলা লগেপ্রভু মুই নিজো কানেদি এ কধাগান্ শুন্যং, “ঘেচ্চেকগুরি দাঙর্ দাঙর্ ঘরানি ভস্ত ওই যেবঅ, দোল্ দোল্ বিল্ডিঙানিত্ কনঅ মানুচ্ ন-থেবাক্।

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিরমিয় 10:22

শুন, হবর্ এচ্চ্যে! যিহূদার শঅরানি মানুচ্ নেইয়্যে আর শিয়েলুনোর থেবার ঘর বানেবাত্তে উত্তোর দেজ্‌‍‍‍চানিত্তুন অমকদ গন্ডগুলোর রঅ এজের্।

যিরমিয় 25:30

“ইক্কিনে তুই তারা বিরুদ্ধে ভাববাদী ইজেবে এ কধানি কঅ, ‘লগেপ্রভু উগুরেত্তুন গুজুরি উদিবো; তার সুদ্ধো-সাংগ থেবার জাগানত্তুন্ তে তার রবো শুনেব আর তা দেজর্ বিরুদ্ধে খুব দাঙর্ গুরি গুজুরি উদিবো। যিগুনে আংগুর মাড়ন তারা ধোক্ক্যেন তে পিত্‌থিমীত বজত্তি গুরিয়্যে বেক্কুনো বিরুদ্ধে যোগার্ পারিবো।‌

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 26:9

কিত্তে তুই লগেপ্রভুর নাঙান্দোই এ আগাম্ কধাগান গরর্, এ ঘরান শীলো ধোক্ক্যেন অবঅ আর এ শঅরান ভস্ত আর মানুচ্ নেইয়্যে অবঅ?” ইয়েন কোইনে বেক মানুচ্চুনে লগেপ্রভুর ঘরত্ যিরমিয়রে ঘিরি ধুরিলাক্।

যিরমিয় 33:10

“তুমি এ জাগান পৌইদ্যেনে কোই থাগঅ, ‘ইয়েন এক্কান ফেলা যেইয়্যে ভূই; ইয়েনত্ মানুচ্ বা য়েমান কিচ্চু নেই।’ মাত্তর্ যিহূদার যে শঅরানি আর যিরূশালেমর যে পথ্‌তানি খালি পড়ি আঘে, সিয়েনত্ মানুচ্ বা য়েমান বজত্তি ন-গরন সিয়েনত্ আরঅ ফুত্তি আর হুজির্ রঅ বা নেগ-মোগোর্ রঅ শুনো যেবঅ; যিগুনে লগেপ্রভুর ঘরত্ ভালেদি উৎসর্বত্তে জিনিস আনিবাক্ তারার্ রঅগুনো শুনো যেবঅ। তারা কবাক্, ‘বেগত্তুন্ খেমতাবলা লগেপ্রভুরে সাধুবাদ্ দুয়ো, কিত্তে লগেপ্রভু মংগলময়, তার অমকদ কোচ্‌‍‍‍পানা জিংকানিবরত্তে থিদেবর্।’ আগ ধোক্ক্যেন মুই এ দেজর্ অবস্থাগান ফিরেম্।

যিরমিয় 34:22

মুই তারারে উগুম দিইনে এ শঅরত্ ফিরেই আনিম। তারা এ শঅর বিরুদ্ধে যুদ্ধো গুরিবাক্ আর সিয়েন গজক্ গুরিনে পুড়ি দিবাক্। মুই যিহূদার শঅরানিরে ভস্ত গুরিনে মানুচ্ নেইয়্যে গুরিম।”

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিরমিয় 5:6

সেনত্তে ঝারত্তুন্ এক্কো সিংহ এইনে তারারে মারে ফেলেব। ধূল্যেচর-চাগালার এক্কো হোক্ক্যে বাঘে তারারে ভস্ত গুরিবো আর তারার্ শঅরানি ইধু এক্কো হোক্ক্যে বাঘে উঠ্ পাদি থেবঅ। যুনি কনজনে সিয়োনত্তুন নিগিলি এজন্ সালে তে কট্টা কট্টা ওই যেবঅ, কিত্তে তারার পাপ্ অমকদ বেশ্ আর তারার ভান্ন্যেই পধেদি যেবার ঘটনাগান বেশ্।

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

যিরমিয় 51:38

তা মানুচ্চুনে বেক্কুনে সিংহ ধোক্ক্যেন গুজুরিবাক্, সিংহ ছঅগুনো ধোক্ক্যেন গোঁ গোঁ গুরিবাক্।

যিরমিয় 6:8

ও যিরূশালেম, উজিয়ার কধা শুন, সিয়েন ন-অলে মুই তমাত্তুন্ ফিরি যেইনে তঅ দেজ্‌‌‌‌‌চান ভস্ত আর মানুচ্ নেইয়্যে গুরিম।”

যিরমিয় 9:10

মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

যিহিষ্কেল 36:3

সেনত্তে মুই প্রভু লগেপ্রভু কঙর্, তুমি যেনে অন্য জাদ্‌‌‌‌‌তুনোর গজগত্ এজ আর মানুচ্চুনোর ইংসে আর নিন্দের্ মানুচ্ অ সেনত্তে তারা চেরোকিত্তেত্তুন্ তমারে ভস্ত আর গিলি ফেল্যন্।

যিহিষ্কেল 5:14

“ও যিরূশালেম, তঅ চেরোকিত্তে জাদ্‌‌‌তুনো ভিদিরেত্তুন্ যিগুনে তঅ কায়-কুরেদি যান্ মুই তারার্ চোগো মুজুঙোত্ তরে এক্কান ভস্তর্ জাগা আর ঠাট্টা-মশকারির্ মানুচ্ বানেম্।

হোশেয় 11:10

তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্‌‌‌গিরাদে গির্‌‌‌গিরাদে এবাক্।

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

আমোষ 3:12

লগেপ্রভু কত্তে, “গরগ্‌কুনে‌‌‌‌‌‌ সিংহ মুয়োত্তুন্ যেবাবোত্যে বানা টেঙর্ দ্বিবে আড়্ বা কানর্ এক্কো কট্টা উদ্ধোর্ গুরি পারন সেবাবোত্যে ইস্রয়েলর্ যে মানুচ্চুনে শমরিয়াত্ বজত্তি গরন্ তারা বানা তারা খাদর্ খুদো আর কাবড় পাদালোই উদ্ধোর্ পেবাক্।”

আমোষ 3:4

শিগের্ গোজ্যে য়েমান্ ন-থেলে কি সিংহ ঝুব্-ঝাড় ভিদিরে গুজুরে? কিজু ধুরি ন-পারিলে কি বোল্যে সিংহবো তা গাঢ ভিদিরে গো গো গরে?

আমোষ 3:8

সিংহবো গুজুরিলে কন্না ন-দোরেব? প্রভু লগেপ্রভু কবাত্তে কলে কন্না ভাববাদী ইজেবে কধা ন-কোই পারিবো?

নহূম 2:11

সেই সিংহগুনো গাত্তো ইক্কিনে কুধু, যিয়েনত্ তারা তারার্ ছঅগুনোরে হাবেদাক্, যিয়েনত্ সিংহ, সিংহী আর তারার্ ছঅগুনে ন-দোরেইয়্যেগুরি থেদাক্?

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

সফনিয় 2:5

ও করেথীয় মানুচ্চুন, তুমি যিগুনে সাগর পাড়ত্ বজত্তি গরঅ, অভিশাব্ পোড়োক্ তমার্! ও পলেষ্টীয়গুনোর দেশ কনান, তঅ বিরুদ্ধে লগেপ্রভুর এ কধাগান, “মুই তরে এমনভাবে ভস্ত গুরিম, তইদু কনজনে ন-থেবাক্।”

সফনিয় 3:6

লগেপ্রভু কত্তে, মুই জাদ্‌তুনোরে শেজ্ গুরি দুয়োং; তারার্ অজল্ চুগিদার ঘরানি ভস্ত ওই যেইয়্যে। মুই তারার্ পথ্‌‌‌তানি মানুচ্ নেইয়্যে গোজ্যং; কনজনে সিন্দি আর ন-যান। তারার্ বেক শঅরানি ভস্ত ওই যেইয়্যে; সিয়েনিত্ কনজন নেই, কনজনে বজত্তি ন-গরন্।

সখরিয় 11:3

ভেড়া গরগ্‌কুনোর আবিলেচ্ শুনো; তারার্ গম্ গম্ চড়াইদ্যে বামানি বর্‌বাত্ ওই যেইয়্যে। সিংহগুনোর গুজুরোনি শুনো; যর্দনর ঝারানি ভস্ত ওই যেইয়্যে।

বিচের গুরিয়্যেগুন 14:5

সে পরেন্দি শিম্‌শোনে তা মা-বাবঅ লগে তিম্নায়ত্‌ গেলঅ। তিম্নায়ত্‌ আংগুর খেত্‌তানির কায়-কুরে যাদে ন-যাদে আদিক্ক্যেগুরি এক্কো দামারা সিংহ গুজুরি গুজুরি শিম্‌শোনর ইন্দি উজেই এলঅ।