যিরমিয় 2:11 - Chakma Bible

¹¹ যুনিয়ো জাদ্‌‍‍তুনোর দেব-দেবেদাগুনে গোজেন নয় তো কনঅ জাদে নিজোর্ দেব-দেবেদাগুনোর পরিবত্তন্ ন-গরন; মাত্তর্ মঅ মানুচ্চুনে তারার বাঈনী গরেদে গোজেনর বদলে অপদাত্ত দেবেদাগুনোরে মানি লোইয়োন্। ‍

যিরমিয় 2:11 Iomraidhean Croise

১ রাজাবলী 11:33

মুই ইয়েন গুরিম, কিত্তেই সে দশছুয়ো গুট্টিয়ে মরে ছাড়িনে সীদোনীয়গুনোর দেবী অষ্টোরতর্, মোয়াবর দেবেদা কমোশর আর অম্মোনীয়গুনোর দেবেদা মিল্‌কমর পূজো গোজ্যন্‌। শলোমনর্ বাপ্পো দায়ূদে যেধোক্কেন্‌ গুরিদো তারা সেধোক্কেন্‌ ন-গরন্‌। তারা মঅ পধেন্দি ন-আঢন, মঅ চোগেন্দি যিয়েনি ঠিগ সিয়েনি ন-গরন্‌ আর মঅ সুদোমানি আর নিদ্দেশ্‌ছানি ন-পালান।

২ রাজাবলী 1:3

মাত্তর্‌ লগেপ্রভুর্‌ দূত্তো তিশ্‌বীয় এলিয়রে কলঅ, “তুই যেইনে শমরিয়া রাজার পাদেয়্যে মানুচ্চুনোর্‌ লগে দেগা গুরিনে তারারে কঅ, ‘ইস্রায়েলত্‌ কি গোজেনে নেই, তুমি ইক্রোণর দেবেদা বাল্‌-সবূবর ইদু পুযোর্‌ গুরিবাত্তে যর্‌?

২ বংশধর 13:9

তুমি দঅ লগেপ্রভুর ধর্মগুরুগুনোর্‌, অত্তাৎ হারোণ পুয়োগুনোর্‌ আর লেবীয়গুনোরে ধাবেই দুয়ো আর অন্য দেজর্‌ জাদ্‌তুনো ধোক্ক্যেন নিজোত্তে ধর্মগুরুগুনোরে নেযেয়ো। ধর্মগুরু ইজেবে নিজোরে যুদো গুরিবাত্তে যে কনজনে এক্কো বলদ গোরু আর সাত্তো ভেড়া ছাগল আনে তেয়ই সে বেক্‌ দেবেদাগুনোর্‌ ধর্মগুরু ওই পারে যিগুনে গোজেন নয়।

গীতসংহিতা 106:20

তারার্ বাঈনীবলা গোজেনরে ফেলেইনে তারা ঘাস হেইয়্যে গোরুর মূত্তিবোরে মানি নেযেলাক্।

গীতসংহিতা 115:4

তারার মুত্তিগুন্ সোনা আর রূবোলোই মান্‌জ্যর্ আঢ্‌তোই বানেয়্যে।

গীতসংহিতা 3:3

মাত্তর্ ও লগেপ্রভু, তুই মর্ চেরোকিত্তে ঢাল্ ওই আগজ্। তুয়ই মর্ বাঈনী গুরিবার গোজেন; মর্ নিগিজ্যে মাঢাবো তুয়ই অজল্ গোজ্যস্।

যিরমিয় 16:20

মান্‌‍‍‍জ্যে কি নিজোত্তে দেব-দেবেদা বানেই পারন? যুনিয়ো বা সিয়েনি গরন সিগুন দঅ গোজেন নয়‍।”

যিরমিয় 18:13

সেনত্তে লগেপ্রভু কোইয়্যেদে, “জাদ্‌তুনো ভিদিরে তোগেই চাহ্, ইয়েনর আগেদি এবাবোত্যে কধা কনা শুন্যে? আবিদি গাবুর্ মিলে ধোক্ক্যেন ইস্রায়েলে এক্কান জঘন্য কাম্ গোজ্যে।‌‌‍

যিরমিয় 2:5

লগেপ্রভু কোইয়্যেদে, তমা পুরোণি মানুচ্চুনে মর্ কি কনঅ দুষ তোগেইনে পেইয়োন, তারা মত্তুন্ দূরোত্ সুরি যেইয়োন? তারা অকেজোর্ মূত্তির্ পিজেদি যেইনে তারায়ো অকেজো ওই যেইয়োন।

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 5:7

লগেপ্রভু কোইয়্যেদে, ও যিরূশালেম, কিত্তে মুই তরে খেমা গুরিম? তর্ ঝি-পুয়োগুনে মরে ফেলেই যেইয়োন আর যিগুনে গোজেন নয় তারা নাঙে শমক্ খেইয়োন। মুই তারার বেক্ দরকারানি ফুরেই দুয়োং, তো তারা সিনেলী গোজ্যন আর দলে দলে বেশ্যেগুনো ঘরত্ যেইয়োন।

যিহিষ্কেল 14:5

ইস্রায়েলীয়গুনোর মনানি আরঅ জিদিই নিবাত্তে মুই ইয়েন গুরিম, কিত্তে তারা বেক্কুনে তারার্ মূত্তিগুনোত্তে মরে ছাড়ি যেইয়োন।

যিহিষ্কেল 5:7

সেনত্তে মুই প্রভু লগেপ্রভু কঙর্, ও যিরূশালেম, তঅ চেরোকিত্তে দেজ্‌‌‌চানিত্তুন্ তুই আরঅ বেশ্ ভান্ন্যেই ওইয়োচ্। তুই মঅ নিয়মানি ন-মানচ্ আর মর্ সুদোমানিয়ো ন-পালাচ্। এমন কি, তর্ চেরোকিত্তে জাদ্‌‌‌‌তুনোর সুদোম্ মজিম্‌অ ন-চলচ্। ‌‌‌

মীখা 4:5

বেক্ জাদ্‌‌‌‌তুনে তারার্ দেব-দেবেদার বল্লোই কাম গুরিলেয়ো আমি উমরত্যে আমা গোজেন লগেপ্রভুর বল্লোই কাম গুরিবোং।

রোমীয় 1:23

উমর জিংকানিবর্, মহিমাবলা গোজেনর্ উবোসনা ছাড়িনে তারা খানক্কোন্যে মানুচ্, পেগ্, য়েমান আর বুগেদি-আঢি বেড়েইয়্যেগুনোরে মূত্তি পূজো গত্তন্।

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

গালাতীয় 4:8

আগে যেক্কেনে তুমি গোজেনরে ন-চিনিদা সেক্কে তুমি যিগুনোরে সেবা গুরিদা তারা আজলে কনঅ দেবেদা নয়।

দ্বি’লম্বর বিররণ 32:16

দেবেদা পূজোলোই তার মানুচ্চুনে তার পাওনা ভোক্তির আওজর্ আগুনান্ লাগেলাক্, ভান্ন্যেই মূত্তি পূজোলোই তার রাগ্‌কান জাগেলাক্।

দ্বি’লম্বর বিররণ 32:21

গোজেন নয় এধোক্ক্যেন দেবেদারে পূজো গরন তারা মর্ পাওনা ভোক্তির আওজ্‌চোই আগুন লাগেয়োন; দাঙর্‌ মূত্তি পূজো গরন্‌ তারা মর্‌ রাগ্‌কান জাগেই তুল্যন্। জাদঅ নয় এধোক্ক্যেন জাদর্‌ আদত্‌ ফেলেইনে মুইয়ো তারার মনর্ আগুনান্‌ জ্বালেম; এক্কো অবুঝুনো জাদর্‌ আদত্‌ ফেলেইনে তারার রাগ্‌কান জাগেবং।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”

১ পিতর 1:18

তুমি কোই পারঅ, জিংকানির্ পধত্ চলিবাত্যে তমা পূরোণি মানুচ্চুনোত্তুন্ পেইয়্যে বাজে খাচ্চ্যদত্তুন্ সনা বা রূবো ধোক্ক্যেন ক্ষয় ওই যেইয়্যে কনঅ জিনিস্‌চোই তমারে উদ্ধোর গরা ন-অয়;

১ শমূয়েল 4:21

গোজেনর্ সুন্দুক্কো শত্রুগুনোর আঢত্‌ যানার কারণে আর তা নেক্কো আর শুয়োর্‌‌বো মারা যানার কারণে তে কলঅ, “ইস্রায়েলীয়গুনোর বাঈনী গরানাগান্ গেলগোই।” সেনত্যেই তে পূঅবোর নাঙান রাগেল ঈখাবোদ।