যিরমিয় 19:8 - Chakma Bible

⁸ মুই এ শঅরানরে ভস্ত গুরিম আর ঈচ্ গরেদে ধোক্ক্যেন গুরিম; যিগুনে সিয়েন ইন্দি যেবাক্ তারা বেক্কুনে তার বেক আঘাত্‌তানি দোরেবাক্ আর ঈচ্ গুরিবাক্।‌‌

যিরমিয় 19:8 Iomraidhean Croise

১ রাজাবলী 9:8

এ তবনা-ঘরান্‌ ইক্কিনে দাঙর্‌ অলেয়ো সেক্কে যিগুনে তা কুরেন্দি যেবাক্‌ তারা আমক্‌ ওই উদিবাক্‌ আর ঈচ্ গুরিনে কবাক্, ‘হিত্তেই লগেপ্রভু এ দেজ্‌ছান্‌ আর এ তবনা-ঘরান উগুরে এধোক্কেন্‌ গুরিলো?’

যিরমিয় 18:16

সেনত্তে তারা দেজ্‌চান পুরি থেইয়্যে ভূই আর এক্কান জনমর্ ঈচ্ গরেদে জিনিস ওইনে থেবঅ; যিগুনে সে কুরেদি যেবাক্ তারা আমক্ ওইনে মাঢাবো লারেবাক্।‌‌‍‍

যিরমিয় 25:18

মুই যিরূশালেম আর যিহূদার শঅরানিত্ আর তার রাজাগুনোরে আর রাজকর্মচারীগুনোরে হাবেলুং, যেন তারা এচ্চ্যে যেবাবোত্যে আগন সেবাবোত্যে ভস্তর্, অমকদ দর্‌গরেপারা, ঠাট্টার আর অভিশাবর্ জাগাত্ থান।‌‌‌‌

যিরমিয় 49:13

মুই মর্ নিজো নাঙে শমক্ হাঙর্, বস্রা ভস্ত ওইনে ঈচ্ গরে পারা অবঅ। মানুচ্চুনে তা অবস্থা দেগিনে আমক্ অবাক্ আর তা নাঙান্দোই অভিশাব্ দিবাক্। তার বেক্ আদামানি আর শঅরানি উমরত্তে ভস্ত ওইনে থেবঅ।”

যিরমিয় 50:13

লগেপ্রভুর রাগর্ কারনে সিয়েন ভিদিরে কনজনে বজত্তি ন-গুরিবাক্, সিয়েন এক্কুবারে ভস্ত ওইয়্যে জাগা অবঅ। যিগুনে বাবিল কায়-কুরেদি যেবাক্ তারা বেক্কুনে আমক্ অবাক্ আর সিয়েনর বেক্ আঘাত্‌‌তানি দেগিনে ঠাট্টা-মশ্‌‌কারি গুরিবাক্।

যিহিষ্কেল 27:36

জাদ্‌‌‌তুনো ভিদিরে বেবসায়িগুনে তরে দেগিনে ঈচ্ গত্তন্। তুই দর্‌‌‌গরেপারা শেজ্ ওই যেইয়োচ্; তুই আর ন-থেবে।’”

লেবীয় 26:32

মুই তমার দেজ্‌চান্‌ এমনগুরি ভস্ত অবস্থাত্‌ ফেলেই রাগেম যিয়েন দেগিনেই তমার শত্রু-আদাম্মেগুনেয়ো আমক্‌ ওই উদিবাক্।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌

দ্বি’লম্বর বিররণ 28:37

লগেপ্রভু তমারে যিদুক্কুন জাদ ভিদিরে ধাবেই দিবো তারা তমার অবস্থা দেগিনে দরে গির্‌গিরে উদিবাক, আর তারা তমারে ঈস্ গুরিবাক আর ভান্ন্যেই কধান্দি গুবিবাক।

দ্বি’লম্বর বিররণ 29:22

এধোক্ক্যেনগুরি এই দেজ উগুরে যেদক্কানি আঘাত লামি এবঅ আর লগেপ্রভু যেদক্কানি পিড়ে দেজ উগুরে পাধেই দিবো সে পৌইদ্যেনে তমার বংশধরুনে আর দূর দেজত্তুন এচ্চ্যে বিদেশীগুনে তমারে পিযের্ গুরিবাক।