যিরমিয় 19:5 - Chakma Bible

⁵ তারা বাল দেবেদা ইধু উৎসর্ব ইজেবে তারার পুয়ো-ছাগুনোরে আগুনোত্ পুড়িবাত্তে বাল দেবেদার পূজোর্ অজল্ জাগা বানেয়োন, মাত্তর্ মুই সিয়েন গুরিবাত্তে উগুম ন-দুয়োং বা ন-কং আর সিয়েন মর্ মনত্‌অ ন-এজে।‌

যিরমিয় 19:5 Iomraidhean Croise

২ রাজাবলী 17:17

নিজোর্‌ ঝি-পুয়োগুনোরে তারা আগুনোত্‌ পুরিনে উৎসর্ব গুরিদাক্‌। তারা গোণেই দেনা আর লক্ষণ চেইনে আগাম্ কধা কবার্‌ অভ্যেস গুরিদাক্‌ আর লগেপ্রভুর চোগেন্দি যিয়েনি ভান্ন্যেই সে কামানি গুরিবাত্তে নিজোরে বিজি দিইনে লগেপ্রভুরে অখুজি গুরি তুল্যন্‌।

২ রাজাবলী 21:6

তে নিজো পুয়োবোরে আগুনোত্‌ পুড়িনে উৎসর্ব গুরিলো। তে যাদু বেবহার গুরিদো আর বাঁজি চেইনে আগাম্ কধা কদঅ আর যিগুনে ভূত্তোই কাম্‌ গরন্‌ আর বজং আত্মা সমারে মিজেন্‌ তে তারা লগে তেম্মাং গুরিদো। তে লগেপ্রভুর চোগেন্দি বোউত্‌ বজং কাম্‌ গুরিনে তারে অহুজি গোজ্যে।

২ বংশধর 28:3

তে বিন্‌-হিন্নোম কিজিঙোত্‌ আগর্‌বাট্টি জ্বালেদ আর লগেপ্রভু যিদুক্কুন্‌ জাদরে ইস্রায়েলীয়গুনো মুজুঙোত্তুন্‌ ধাবেই দিয়্যে তারার্‌ জঘন্য কামানি ধোক্ক্যেন তেয়ো তার্‌ পুয়োগুনোরে আগুনোত্‌ পুড়িনে উৎসর্ব গুরিলো।

যিরমিয় 32:35

তারা মোলক দেবেদার নাঙে তারার ঝি-পুয়োগুনোরে উৎসর্ব গুরিবাত্তে বিন্-হিন্নোম কলগত্ বাল দেবেদার নাঙে পূজোর্ অজল্ জাগায়ান বানেয়োন। মুই কনদিন্‌অ সেই উগুমান ন-দুয়োং বা মর্ মনত্অ সিয়েন ন-চমে, তারা এবাবোত্যে দর্‌গরেপারা কামানি গুরিনে যিহূদারে দিইনে পাপ গোরেবাক্।

যিহিষ্কেল 16:36

প্রভু লগেপ্রভু কোইয়্যেদে, ব্যভিচের্ কামত্ তুই তর্ লাজেবার-জাগায়ান খুলি দিইনে তঅ লাঙেগুনো ইধু তর্ লাংটা-বাংটাগান ফগদাং গোজ্যস্। তর্ বেক জঘন্য মূত্তিত্তে আর তারা নাঙে তর্ ঝি-পুয়োগুনোর যে লো-নি দুয়োচ্,

যিহিষ্কেল 20:26

পত্তম্ জোর্মেয়্যে এবাবোত্যে পত্তি পুয়োরে তারা আগুনোত্ পুড়িনে উৎসর্ব গোজ্যন্, আর সিয়েনর মাধ্যমে মুই তারারে অসিজি অবাত্তে দিলুং যেন মুই তারারে ভস্ত গুরি পারং। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 38:10

সেদিন্যে তঅ মনত্ নানান্ চিন্তে এবঅ আরঅ তুই এক্কান কুজুরোমি মনত্ আনিবে।

দানিয়েল 2:29

ও মহারাজ, তুই যেক্কে বিচ্চোনত্ পড়ি এলে সেক্কে ভবিচ্চদে কি অবঅ সে কধাগান চিন্তে গোজ্যস্। যিবে গুমুরো বিষয়ে ফগদাং গরে তে তরে দেগেই দিয়্যে কি ঘুদিবো।

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।

গণাণা 22:41

তার্‌ কেল্যে বেন্যেমাদান্ বালাকে বিলিয়মরে নেযেইনে বামোৎ-বাল মুড়োবোত্‌ গেলাক্। বিলিয়মে সিয়োত্তুন্‌ ইস্রায়েলীয়গুনোর্‌ এক্কো ভাগ দেগিলো।

দ্বি’লম্বর বিররণ 12:31

তুমি তমার গোজেন লগেপ্রভুর উবোসনা তারার্‌ পূজো ধোক্কেন্‌ গুরিনে ন-গুরিবা, কিত্যে তারার্‌ দেব-দেবেদা পূজোলোই তারা এধোক্ক্যেন জঘন্য কাম্‌ গোজ্যন্‌ যিয়েনি লগেপ্রভু ঘিনেই। এন্‌ কি, তারা তারার দেব-দেবেদাগুনো ইদু তারার ঝি-পূঅগুনোরে আগুনোত্‌ পুরিনে উৎসর্ব গোজ্যন্‌।