যিরমিয় 19:2 - Chakma Bible

² সে পরেদি খাপ্‌রা-গেদোত্ সোমেবার পধ ইধু বিন্‌-হিন্নোম কলগত্ যাহ্। মুই তরে যে কধাগান কোম্ সিয়েন সিদু ফগদাং গর্।

যিরমিয় 19:2 Iomraidhean Croise

২ রাজাবলী 23:10

অন্য কনজনে যেনে মোলক দেবেদা নাঙে নিজোর পুয়ো বা ঝিগুনোরে আগুনোত্‌ পুড়িনে উৎসর্ব গুরি ন-পারে সেনত্তে যোশিয় বেন্‌-হিন্নোম কলগর্‌ তোফৎ নাঙে পূজো জাগায়ান্‌ অসিজি গুরি দিলো।

২ বংশধর 28:3

তে বিন্‌-হিন্নোম কিজিঙোত্‌ আগর্‌বাট্টি জ্বালেদ আর লগেপ্রভু যিদুক্কুন্‌ জাদরে ইস্রায়েলীয়গুনো মুজুঙোত্তুন্‌ ধাবেই দিয়্যে তারার্‌ জঘন্য কামানি ধোক্ক্যেন তেয়ো তার্‌ পুয়োগুনোরে আগুনোত্‌ পুড়িনে উৎসর্ব গুরিলো।

২ বংশধর 33:6

বিন্‌-হিন্নোম কিজিঙোত্‌ তা পুয়োগুনোরে তে আগুনোত্‌ পুড়িনে উৎসর্ব গুরিলো। যিগুনে কুলক্ষণ দেগিনে আগাম্ কধা কন্‌, ফু-ফা আর যাদুবিদ্যে বেবহার গুরিনে আর ভূত্‌তুনোর সমাজ্যে অন্‌ আর ভান্ন্যেই আত্মাগুনোর্‌ লগে মিজেন্‌ তে তারা লগে সল্লা গুরিদো। লগেপ্রভুর চোগেন্দি ভালোক্কানি ভান্ন্যেই কাম্‌ গুরিনে তে তারে অহুজি গুরিলো।

নহিমিয় 3:29

সে পরেন্দি ভাগ্‌কান ইম্মেরর পূঅ সাদোকে ঠিগ্‌ গুরিলো। ইয়েন্‌ অলদে তা ঘরর্‌ মুজুঙেন্দিগান। সে পরেন্দি ভাগ্‌কান পূগেন্দি-গেদোর্‌ চুগিদার শখনিয়োর পূঅ শময়িয় ঠিগ্‌ গুরিলো।

যিরমিয় 1:7

মাত্তর্ লগেপ্রভু মরে কলদে, “তুই চিগোন গুরো ধোক্ক্যেন এ কধাগান ন-কোচ্। মুই যিগুনো ইধু তরে পাদেম্ তারার পত্তি জন ইধু তুই যেবে আর মুই যিয়েন কবাত্তে উগুম্ গুরিম সিয়েনই কবে।

যিরমিয় 11:6

লগেপ্রভু মরে যিহূদার শঅরানিত্ আর যিরূশালেমর পধে পধে এ কধাগান ফগদাং গুরিবাত্তে কলঅ, “এ বেবস্থার কধানি শুনিনে সিয়েনি পালঅ।

যিরমিয় 18:2

“তুই কুমরর্ ঘরত্ যাহ্, সিয়েনত্ মুই তঅ লগে কধা কোম্।”

যিরমিয় 26:2

“মুই লগেপ্রভু কঙর্, তুই মর্ ঘর উদোনত্ যেইনে থিয়্যে আর যিহূদার শঅরানিত্তুন যিদুক্কুন মানুচ্ উবোসনাত্তে মঅ ঘরত্ এজন্ তারারে বেক্কুনোরে মুই তরে যেদক্কানি কধা কবাত্তে উগুম দুয়োং সিয়েনি বেক কধানি কঅ, এক্কান কধায়ো বাদ ন-দিচ্।

যিরমিয় 3:12

তুই যেইনে এ হবরানি উত্তোরেদি মু গুরিনে ফগদাং গর্: মুই লগেপ্রভু কঙর্, ও ভান্ন্যেই পধেদি যেইয়্যে ইস্রায়েল, ফিরি আয়। মুই আর তঅ ইন্দি রাগ্ গুরিনে ন-থেম্; মুই দোয়্যেবলা, সেনত্তে জিংকানিবর্ রাগ্ মনত্ ন-রাগেম।

যিরমিয় 32:35

তারা মোলক দেবেদার নাঙে তারার ঝি-পুয়োগুনোরে উৎসর্ব গুরিবাত্তে বিন্-হিন্নোম কলগত্ বাল দেবেদার নাঙে পূজোর্ অজল্ জাগায়ান বানেয়োন। মুই কনদিন্‌অ সেই উগুমান ন-দুয়োং বা মর্ মনত্অ সিয়েন ন-চমে, তারা এবাবোত্যে দর্‌গরেপারা কামানি গুরিনে যিহূদারে দিইনে পাপ গোরেবাক্।

যোনা 3:2

তে কলঅ, “তুই ইক্কিনে সেই দাঙর্ শঅর্ নীনবীত্ যাহ্ আর মুই যে হবরান তরে দিম্ সিয়েন সিদু ফগদাং গর্।”

মথি লেখ্যে গম্ হবর্ 10:27

মুই তমা ইধু যিয়েনি আন্ধারত্ কঙর্ সিয়েনি তুমি পহ্‌রত্ কোয়ো। তুমি যিয়েনি কানে কানে শুনোর্ সিয়েনি ছাল উগুরেত্তুন্ ফগদাং গোজ্য।‍

প্রেরিত্‌ 20:27

কিয়া গোজেনে কি চায় সিয়েন তমারে জানেবাত্তে মুই কনদিন্অ পিজেদি ন-ফিরোং।

প্রেরিত্‌ 5:20

“যঅ, উবোসনা-ঘরত্ থিয়্যেইনে মানুচ্চুনো ইধু উমর জিংকানি পৌইদ্যেনে বেক্‌ কধানি কঅ।”

যিহোশূয় 15:8

সিয়েনত্তুন্‌ সিয়েন যিবূশীয়গুনোর শঅরর্‌, অত্তাৎ যিরূশালেমর দোগিণে কামা জাগায়ান্‌ সং যেইনে বেন-হিন্নোমর কিজিঙোত্‌ উদিলো। সিয়োত্তুন দুযির্‌ চিহ্নোগান্‌ রফায়ীম কিজিঙোর্‌ উত্তর দুযির্‌ হিন্নোম কিজিঙোর্‌ পোজিমে যে মুড়োবো আঘে সিয়েনত্‌ উদিলো।