যিরমিয় 19:13 - Chakma Bible

¹³ যিরূশালেমর বেক্ ঘরানি আর যিহূদার রাজাগুনোর ঘরানি, অত্তাৎ যেদক্কানি ঘরর্ ছাল উগুরে বেলান, চানান আর তারাগুনো নাঙে তারা আগর্‌বাট্টি জ্বালেদাক আরে দেব-দেবেদাগুনো নাঙে ঢালন-উৎসর্বর জিনিস ঢালি দিদাক্ সেই বেক ঘরানি তোফত ধোক্ক্যেন অসিজি অবঅ।’ ”

যিরমিয় 19:13 Iomraidhean Croise

২ রাজাবলী 17:16

তারা তারার্‌ গোজেন লগেপ্রভুর বেক্‌ উগুমানি ছাড়িনে নিজোত্তে ঢালাই গোজ্যে দ্বিবে গোরু ছঅ মূত্তি আর এক্কো আশেরা-খুদো বানেয়োন। তারা আগাজ তারাগুনোরে পূজো গুরিদাক্‌ আর বাল দেবেদা সেবা গুরিদাক্‌।

২ রাজাবলী 23:10

অন্য কনজনে যেনে মোলক দেবেদা নাঙে নিজোর পুয়ো বা ঝিগুনোরে আগুনোত্‌ পুড়িনে উৎসর্ব গুরি ন-পারে সেনত্তে যোশিয় বেন্‌-হিন্নোম কলগর্‌ তোফৎ নাঙে পূজো জাগায়ান্‌ অসিজি গুরি দিলো।

২ রাজাবলী 23:12

রাজঘর ছাল উগুরে রাজা আহস উগুরে গুদিবো ইদু যিহূদার রাজাগুনে যিদুক্কুন্‌ ডালিপূজো বানেয়োন আর লগেপ্রভুর ঘরর্‌ দ্বিয়েন্‌ উদোনত্‌ মনঃশি যিদুক্কুন্‌ ডালিপূজো বানেয়্যে যোশিয় সিগুনোরে ভাঙিনে কট্টা কট্টা গুরিনে কিদ্রোণ কলগত্‌ ফেলেই দিলো।

২ রাজাবলী 23:14

যোশিয় পূজোর্ পাত্তরুন্‌ ভাঙি ফেলেল আর আশেরা-খুদোগুন্‌অ কাবি ফেলেল আর সে জাগায়ানি মান্‌জ্য আড়গোড়ালোই ঢাগি দিলো।

গীতসংহিতা 74:7

তর্ সুদ্ধো-সাংগ জাগানত্ তারা আগুন বাজেই দুয়োন্, তর্ থেবার জাগানত্ মাদি সমারে মিজেইনে অসিজি গোজ্যন্।

গীতসংহিতা 79:1

ও গোজেন, অন্য জাদ্‌তুনে তর্ সোম্বোত্তিগানি আক্রমন গোজ্যন্, তারা সিদু চোমেয়োন্দি; তঅ সুদ্ধো-সাংগ ঘরান্ তারা অসিজি গোজ্যন্; যিরূশালেমানরে তারা ভস্তর কুড়্ বানেয়োন্।

যিশাইয় 22:1

দর্শন-কলগ পৌইদ্যেনে লগেপ্রভুর কধাগান ইয়েন: তর্ ইক্কিনে কি ওইয়্যেদে যে, তর্ বেক মানুচ্চুনে ছাল উগুরে উঠ্যন্?

যিরমিয় 19:12

মুই এ জাগায়ান আর ইধুগো আদাম্মেগুনো উগুরে যিয়েন গুরিম সিয়েন এই: মুই এ শঅরানরে তোফত ধোক্ক্যেন গুরিম;

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

যিরমিয় 44:18

মাত্তর্ যেক্কেত্তুন্ ধুরি আমি আগাজ-রাণী নাঙে আগর্‌বাট্টি জ্বালানা আর পানীয়-উৎসর্ব গরানা ন-থামেলং, সেক্কেত্তুন ধুরি আমার্ অভাব অর্ আর আমি যুদ্ধো আর ভাদ রাদে ভস্ত ওই যের্।”

যিরমিয় 52:13

তে লগেপ্রভুর ঘরত্, রাজঘরত্ আর যিরূশালেমর বেক্ ঘরানিত্ আগুন ধোরেই দিলো। বেক্ আজল্ আজল্ ঘরানি তে পুড়ি ফেলেল।

যিরমিয় 7:18

পুয়ো-ছাগুনে দার্‌বো কুড়োন, বাব্‌‌‍‌‍পুনে আগুন জ্বালান্ আর মিলেগুনে মোয়দ্যে মেগন্ আর আগাজ-রানির নাঙে পিধে বানান্। মরে দুঘ্ দিবাত্তে তারা দেব-দেবেদার নাঙে ঢাল্যে-উৎসর্বর অনুষ্ঠান গরন।

যিরমিয় 8:2

সে আড়ুন বেলান, চানান আর আগাজর বেক তারাগুনো মুজুঙোত্ পড়ি থেবাক্, কিত্তে তারা আগাজর সেই বেক্কুনোরে কোচ্‌পেদাক্ আর সেবা গুরিদাক আর সিগুনো পিজেদি যেদাক্ আর তারা লগে সল্লা গুরিদাক্ আর তারারে পূজো গুরিদাক্। সেই আড়ুনোরে তুবেইনে গোর্ দিয়্যে ন-অবঅ, বরং সিগুন গবর ধোক্ক্যেন মাদিত্ পড়ি থেবঅ।

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

সফনিয় 1:5

যিগুনে আগাজর্ বেক তারাগুনোরে পূজো গুরিবাত্তে ছালঅ উগুরে উদিনে জু জু গরন্ আর যিগুনে লগেপ্রভুর নাঙে জু জু গুরিনে শমক্ গরানার্ পরেদি মিল্‌কম দেবেদার নাঙেও শমক্ গরন তারারে মুই ভস্ত গুরি ফেলেম।

প্রেরিত্‌ 10:9

তার্ কেল্যে যেক্কে সেই মানুচ্চুনে যাফো শঅর ইন্দি এত্তন্ সেক্কে বেলান্ পেরায় দিবুজ্যে। পিতরে তবনা গুরিবাত্তে সেক্কে চালত্ উদিলো।

প্রেরিত্‌ 7:42

মাত্তর্ গোজেনে মুয়োন্ ফিরেল আর আগাজর্ চানানরে-বেলানরে-তারাগুনোরে পূজিবাত্তে তারারে ফেলেই রাগেল। এই একই কধাগান ভাববাদীগুনোর বোইবোত্ লেগা আঘে- ও ইস্রায়েলর মানুচ্চুন, ধূল্যেচর-চাগালাত্ সেই চল্লিশ বজর্ তুমি কি মঅ নাঙে কনঅ য়েমান বা অন্য কনঅ জিনিস্ উৎসর্ব গোজ্য?

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।