যিরমিয় 18:23 - Chakma Bible

²³ মাত্তর্ ও লগেপ্রভু, মরে মারেই ফেলেবাত্তে এই বেক্ কুজুরোমির কধানি দঅ তুই হবর্ পাজ। তারার এই অন্যেয়ানি তুই খেমা ন-গুরিচ্ বা তঅ চোগো মুজুঙোত্তুন তারার পাব্‌‌‌‍‍‍‍পানি পুজি ন-ফেলেচ্। তঅ মুজুঙোত্ তারা পড়ি যাদোক্; তর্ রাগর সময়োত্ তুই তারারে সাজা দিচ্।‍

যিরমিয় 18:23 Iomraidhean Croise

গীতসংহিতা 119:126

ও লগেপ্রভু, ইক্কিনে তর্ কামত্ লামিবার সময় ওইয়্যে; মান্‌জ্যে দঅ তঅ উগুমান্ অমান্য গোজ্যন্।

গীতসংহিতা 35:4

যিগুনে মরে মারে ফেলেবাত্তে চাদন্ তারা লাজত্ আর অসর্মানত্ পোড়োদোক্; যিগুনে মর্ সর্বনাশর কুজুরোমি গত্তন্ তারা অগমান্ ওইনে ফিরি যাদন্।

গীতসংহিতা 56:8

মুই যে কয়বার পৌল্যেই পৌল্যেই বেড়েয়োং সে কধা দঅ তুই হবর্ পাজ্; মঅ চোগো পানিলোই তর্ পিলেবো তুই ভুরি নেযা। ইয়েনি বেক্কানি দঅ তঅ বোইবোত্ লেগা আঘে।

গীতসংহিতা 59:5

ও বেগত্তুন্ খেমতাবলা লগেপ্রভু গোজেন, ইস্রায়েলর গোজেন, তুই বেক্ জাদ্‌তুনোরে সাজা দিবাত্তে উঠ্; পাজি কুজুরোমিগুনো উগুরে কনঅ মেয়্যে ন-দেগেচ্।

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 2:9

সেনত্তে মানুচ্চুনোরে লঙা অবঅ আর তারারে বেক্কুনোরে তলে গরা অবঅ। তারারে তুই ক্ষেমা ন-গুরিচ্।

যিরমিয় 11:23

তারার বাদবাগি কদে কনজন ন-থেবাক্, কিত্তে অনাথোত মানুচ্চুনোরে সাজা দিবার অক্তত্ মুই তারা উগুরে দজা আনিম।”

যিরমিয় 15:15

ও লগেপ্রভু, তুই দঅ বেক্কানি হবর্ পাজ্; সেনত্তে মঅ কধানি ইদোত্ তুল্ আর মঅ উগুরে মনযোগ দে। মঅ অত্যেচারীগুনো উগুরে তুয়ই হেনা সুজ্। তুই দঅ তারা উগুরে বোউত্ ধোজ্য ধুরি থাচ্, মাত্তর্ সেনত্তে তারা আঢত্ তুই মরে ভস্ত অবাত্তে ন-দিচ্; ইদোত্ তুলি চাহ্, মুই তত্তে কিবাবোত্যে ঈচ্ গরানা সোজ্য গোজ্যং।

যিরমিয় 17:18

মর্ অত্যেচারিগুনোরে লাজত্ ফেলা ওক্, মাত্তর্ তুই মরে লাজত্তুন্ রোক্ষ্যে গর্। তারা ভাঙি পোড়োক, মাত্তর্ তুই মরে ভাঙি পড়ানাত্তুন্ রোক্ষ্যে গর্। তুই তারা উগুরে দজার্ দিন আনি দে; দ্বিগুন ভস্ত দিইনে তারারে ভস্ত গর্।

যিরমিয় 17:4

যে অধিকারান্ মুই তরে দুয়োং, তর্ নিজো দুষে তুই সিয়েন আরেবে। যে দেজ্‌চান কধা তুই হবর্ ন-পাজ্ সে দেজত্ মুই তরে তঅ শত্রুগুনোর চাগর্ বানেম, কিত্তে তুই মর্ রাগর্ আগুনান জ্বালেয়োচ্ আর সিয়েন জিংকানিবর্ জুলিবো।‍

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 26:11

সেক্কে ধর্মগুরু আর ভাববাদীগুনে সেই রাজকর্মচারীগুনোরে আর বেক মানুচ্চুনোরে কলাক্, “এ মানুচ্চো মরণর সাজা পেবার যোগ্য, কিত্তে তে এ শঅরান বিরুদ্ধে আগাম কধা কোইয়্যে; আর তুমি নিজো কানে সিয়েন শুন্ন্য।”

যিরমিয় 26:8

মাত্তর্ লগেপ্রভুর উগুম মজিম যিরমিয় বেক কধানি কনা যেক্কে থুম্ গুরিলো সেক্কে ধর্মগুরু, ভাবাবদী আর বেক মানুচ্চুনে তারে ধুরিনে কলাক্, “তত্তুন মরা পুরিবো।

যিরমিয় 37:15

সে রাজার চাগরুনে যিরমিয় উগুরে রাগ গুরিনে তারে পিদে ধুরিলাক্ আর লিগিয়্যে যোনাথন ঘরত্ তারে বানি রাগেলাক্; সিয়েনরে তারা জেলখানা বানেয়োন।

যিরমিয় 38:4

সেক্কে রাজার চাগরুনে রাজারে কলাক্, “এ মানুচ্চোরে মারে ফেলানা উজিত্। যিদুক্কুন সৈন্য আর মানুচ্ এ শঅরত্ আগন্ তে এই কধানি কোইনে তারারে আমক্ গুরি দের্। তে এ মানুচ্চুনোর ভালেদি ন-চেইনে অমংগল চার্।”

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিরমিয় 6:21

সেনত্তে লগেপ্রভু কোইয়্যেদে, “এ মানুচ্চুনো মুজুঙোত্ মুই নানান্ বাবোত্যে মানা গুরিম। বাবে-পুয়োই এক সমারে সিয়েনত্ উজোত্ হেবাক্; পাড়াল্যেগুনে আর সমাজ্যেগুনে ভস্ত ওই যেবাক্।”

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

আবিলেচ্ 3:60

তারা কিবাবোত্যেগুরি হেনা সুচ্যন্ সিয়েনি তুই দেখ্যচ্, দেখ্যচ্ মঅ বিরুদ্ধে তারার্ বেক কুজুরোমিগানি।

আবিলেচ্ 3:61

ও লগেপ্রভু, তারার্ ঈচ্ গরানার কধা তুই শুন্যচ্, শুন্যচ্ মঅ বিরুদ্ধে তারার্ বেক কুজুরোমির্ কধানি।

লূকে লেখ্যে গম্ হবর্ 21:22

কিয়া এ দিনুন্ অবঅ সাজা পেবার্ দিন, আর ইয়োত্ পবিত্র বোইবোত্ যিয়েনি লেগা আঘে সিয়েনি পূরোণ্ অবঅ।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।