যিরমিয় 18:21 - Chakma Bible

²¹ সেনত্তে তুই তারার পুয়ো-ছাগুনোরে ভাদরাদর্ আঢত্ ছাড়ি দে; তলোয়ার আঢত্ তারারে তুলি দে। তারার মোগ্‌কুনে পুয়ো-ছা নেইয়্যে আর রানিমিলে ওক্; তারার মরদ পুয়োগুনে ভানালোই মুরি যাদোক্, আর যুদ্ধোত্ তলোয়ারর কুবোত্ তারার গাবুজ্যে পুয়োগুনে কাবা কাদোক্।‌‌‍‍‍‍

যিরমিয় 18:21 Iomraidhean Croise

২ বংশধর 36:17

তারার্‌ বিরুদ্ধে লগেপ্রভু বাবিলোর রাজারে লোই আনিলো। সে রাজাবো উবোসনা-ঘরত্‌ তারার্‌ গাবুজ্যেগুনোরে মারে ফেলেল আর গাবুজ্যে-গাবুরী, বুড়ো বা বয়স ওইয়্যে কাররে দোয়্যে-মেইয়্যে ন-দেগেল। গোজেনে তারারে বেক্কুনোরে সে রাজাবোর্‌ আঢত্ তুলি দিলো।

গীতসংহিতা 63:10

লাম্বা ছুরির মুজুঙোত্ তারারে তুলি দিয়্যে অবঅ; তারা শিয়েলর হানা অবাক্।

গীতসংহিতা 63:11

মাত্তর্ রাজা গোজেনরে লোইনে ফুত্তি গুরিবো; যিগুনে গোজেনর নাঙে শমক্ খান তারা বেক্কুনে তাল্লোই বার্‌বো গুরিবাক্; মাত্তর্ মিজেকধা কোইয়্যেগুনোর মুয়োনি বানি দিয়্যে অবঅ।

যাত্রা 22:24

সেক্কে মর্ রাক্কান্‌ জুলি উদিবো আর তুমি যুদ্ধোত্‌ মারা পুড়িবা। সেনে তমা মোক্কুনে রানিমিলে অবাক্‌ আর পূঅ-ঝিগুনে তারার্‌ বাপ্পোরে আরেবাক্‌।

যিশাইয় 13:18

তারা ধনুলোই গাবুজ্যেগুনোরে মারে ফেলেবাক্; তারা চিগোন পুয়োগুনোরে কনঅ মেয়্যে ন-গুরিবাক্ বা ঝি-পুয়োগুনোর ইন্দি মেয়্যের্ চোগেদি রিনি ন-চেবাক্।

যিশাইয় 9:16

যিগুনে এ জাদ মানুচ্চুনোরে পথ দেগান্ তারা তারার্ ভুল্ পধেদি নেযান্; যিগুনে তারার্ পিজেদি চলন্ তারা বুঝি ন-পারন্ তারা কুদু যাদন্।

যিশাইয় 9:17

সেনত্তে প্রভু গাবুজ্যেগুনোরে নিইনে কনঅ ফুত্তি ন-পেবঅ, আর মা-বাপ নেইয়্যেগুনোরে, রানি মিলেগুনো উগুরে তে কনঅ দোয়্যে ন-গুরিবো; কিত্তে বেক্কুনে গোজেন উগুরে ভোক্তি নেইয়্যে আর পাজি, বেক্কুনে বজং কধা কন্। ইয়েনি অলেয়ো তা রাগ্‌কান ন-থামেব; এজঅ সং তা আঢ্‌তান তুল্যে আঘে।‌‌

যিরমিয় 12:3

ও লগেপ্রভু, তুই মরে হবর্ পাজ; তুই মরে চেই থাচ্ আর তঅ উগুরে মর্ ভোক্তি কত্তমান সিয়েন যগা চাজ্। ভেড়া ধোক্ক্যেন কাবি ফেলেবাত্তে তুই তারারে টানি নেযাচ্; কাবিবার দিন্নোত্তে তারারে যুদো গুরি রাগেজ্।

যিরমিয় 14:16

যিদুক্কুন মান্‌‍জ্য ইধু তারা ভাববাদী ইজেবে কধা কদন্ তারার মরা কিয়্যেনি ভাদরাত্ আর যুদ্ধোত্তে যিরূশালেমর পধে পধে ছিদি ফেলেই দিয়্যে অবঅ। তারার বা তারার মোগ্‌‍‍‍‍‍কুনোরে আর ঝি-পুয়োগুনোরে গোরত্ দিবাত্তে কনজন ন-থেবাক্। তারার পাওনা দুর্দশা মুই তারা উগুরে ঢালি দিম।‍

যিরমিয় 15:7

দেজর শঅর-গেদো ইধু মুই কুলোত্ গুরিনে তঅ মানুচ্চুনোরে ঝারিম। মঅ মানুচ্চুনো উগুরে মুই পুয়ো-ছা মরানার দুঘ্ আনিম আর তারারে ভস্ত গুরিম, কিত্তে নিজো পথ্‌‍তানিত্তুন তারা ন-ফিরোন্।‍

যিরমিয় 15:8

তারার রানিমিলেগুন মুই সাগর বালুত্‌তুন্‌‍‍অ বেশ্ গুরিম। তুই দঅ যোদ্ধাগুনোর মা, তঅ মানুচ্চনো বিরুদ্ধে দ্বিবুজ্যে অক্তত্ মুই এক্কো ভস্তগুরিয়্যেরে আনিম; মুই তারা উগুরে আদিক্ক্যেনেগুরি পীড়ে আর দর্‌বুক আনিম।‍‍

যিরমিয় 50:30

সেনত্তে তার্ গাবুজ্যেগুনে শঅরর্ খুলো জাগাত্ মুরিনে পড়ি থেবাক্; সেদিন্যে তার বেক্ সৈন্যগুনোরে শেজ্ গুরি দিয়্যে অবঅ।

যিরমিয় 9:21

মরণানে আমা জানালাদি উদিনে আমা তাম্বুলানি ভিদিরে চোম্বেগি; সিয়েনে পধে পধে ঝি-পুয়োগুনোরে শেজ্ গুরি দিয়্যে আর শঅর চক্কর্‌‌বোত্তুন শেজ্ গুরি দিয়্যে গাবুজ্যেগুনোরে।

আবিলেচ্ 1:15

লগেপ্রভু মঅ ভিদিরে বেক যোদ্ধাগুনোরে বাদ্ দিয়্যে; মর্ গাবুজ্যেগুনোরে ভস্ত গুরিবাত্তে মঅ বিরুদ্ধে এক্কান সময় ঠিগ্ গোজ্যে। আংগুর মাড়েদে গাদত্ গাবুজ্যে মিলে যিহূদারে তে টেঙোই মাজ্যে।

আবিলেচ্ 5:3

আমি অনালর্ ওইয়্যেই, আমার বাপ্‌পো নেই, আমা মাগুনে রানি ওইয়োন্।

যিহিষ্কেল 16:38

যে মিলেগুনে ব্যভিচের্ গরন আর যিগুনে লো ঝরান্ তারারে যে সাজাগান দিয়্যে অয় সেই সাজাগান মুই তরে দিম। মর্ রাগে আর মনর্ জ্বালাত্তে মুই তরে মরণর্ সাজা দিম।

যিহিষ্কেল 22:25

সেই দেজ মানুচ্চুনে কুজুরোমি গরন্; তারা গুজুরি উদোন্দে সিংহ ধোক্ক্যেন শিগের্ গরন। তারা মানুচ্চুনোরে গিলোন, ধন-সম্পদ আর মংগা মংগা জিনিস নেযান্ আর দেজ ভিদিরে ভালোক্কুন্ মিলেরে রানি বানেয়োন্।

আমোষ 4:10

মিসরত্ যেবাবোত্যেগুরি পাদেয়োং সেবাবোত্যেগুরি মুই তমা ভিদিরে ভানা পাদেলুং। মুই যুদ্ধোর্ মাধ্যমে তমা গাবুজ্যেগুনোরে মারে ফেলেলুং আর তমা ঘোড়াগুন নেযেলুং। তমা তাম্বুলানির্ পজাবাজ্‌‌চান্ তমা নাগত্ ভোরেই দিলুং; তো তুমি মইদু ফিরি ন-এলা।

দ্বি’লম্বর বিররণ 32:25

শঅরর্‌ বারেন্দি লাম্বা ছুড়ির আঘাতে তারার পূঅ-ঝিগুনে মুরি যেবাক্, আর ঘর ভিদিরে দর্‌ দর্‌ ভাব লাগিবো। তারার বেক গাবুজ্যে-গাবুরী, চিগোন পূঅ-ঝি আর বুড়োগুনে ভস্ত ওই যেবাক্।

২ তীমথিয় 4:14

যে আলেক্‌সান্দরে তামা কাম গরে তে মরে বোউত ক্ষতি গোজ্জ্যে। তে যিয়েন গোজ্জ্যে সিয়েনর হেনা প্রভু শুজিবো।

১ শমূয়েল 15:33

মাত্তর্‌ শমূয়েলে কলঅ, “তর্‌ লাম্বা কিরিচ্‌ছান্দোই বোউত্‌ মিলে যেবাবোত্যে পূঅ-ছা আরা ওইয়োন, সেবাবোত্যে মিলেগুনো ভিদিরে তর্‌ মাবোয়ো পূঅ-ছা আরা অবঅ।” এই কধাগান কোইনে শমূয়েলে গিল্‌গলত্‌ লগেপ্রভুর মুজুঙোত্‌ অগাগরে কট্টা কট্টা গুরি কাবি ফেলেল।