যিরমিয় 18:19 - Chakma Bible

¹⁹ ও লগেপ্রভু, মঅ কধাগান শুন; মর্ বিপক্ষগুনে মঅ বিরুদ্ধে যিয়েনি কোইয়োন সিয়েনিত্ মনযোগ দে।

যিরমিয় 18:19 Iomraidhean Croise

২ রাজাবলী 19:16

ও লগেপ্রভু, কানান পাদ্, শুন্‌; ও লগেপ্রভু, তঅ চোখকুন্‌ হুল্‌, চাহ্‌; জেদা গোজেনরে অগমান গুরিবাত্তে সন্‌হেরীবে যে কধাগান্‌ কোই পাদেয়্যে সিয়েন্‌ শুন্‌।

নহিমিয় 6:9

তারা আমা কামানি দোঙেই রাগেবাত্তে এ কধানি কোইনে আমারে দর্‌বুগ্‌ লাগেবার্‌ চেট্ট্যা গরা ধুরিলাক্‌। ও গোজেন্‌, ইক্কিনে তুই মঅ আঢত্‌ বল্‌ দে।

গীতসংহিতা 109:28

তারা অভিশাব্ দেদোক্, মাত্তর্ তুই বর্ দে; তারা মঅ বিরুদ্ধে লাগিলে লাজত্ পড়িবাক্, মাত্তর্ তঅ চাগর্‌বো হুজি অবঅ।

গীতসংহিতা 109:4

মঅ কোচ্‌পানার বদলে তারা মঅ বিরুদ্ধে শত্রুতা গরন্, মাত্তর্ মুই তবনা গুরি গুরি থাং।

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 18:20

ভালেদির হেনা সুজোনা কি ভান্ন্যেইলোই অবঅ? মাত্তর্ তারা দঅ মত্তে গাদ্ খুজ্যন্। ইদোত্ তুলি চাহ্, তঅ রাগ্‌কান যেনে তারা উগুরেত্তুন ফিরি যায় সেনত্তে মুই তঅ মুজুঙোত্ থিয়্যেইনে তারার তপ্পে ওইনে কধা কঙর্। ‌‌‍‍‍

যিরমিয় 20:12

ও বেগত্তুন্ খেমতাবলা লগেপ্রভু, তুই দঅ গম্ মানুচ্চুনোরে যগা চাজ্ আর বেক্কুনোর মনানি আর মন কধানি হবর্ পাজ। মঅ শত্রুগুনো উগুরে তর্ হেনা সুজোনা মরে চেবাত্তে দে, কিত্তে মুই মঅ আবিত্তিগান তরে জানেয়োং।

আবিলেচ্ 3:59

ও লগেপ্রভু, মঅ উগুরে যে অন্যেয়ান্ গরা ওইয়্যে সিয়েন দঅ তুই দেখ্যচ্। মঅ উগুরে ন্যায়বিচের্ গর্।

মীখা 7:8

ও আমার্ শত্রুগুন, আমা দুদ্দশা দেগিনে ফুত্তি ন-গোজ্য। আমি পড়ি গেলেয়ো আরঅ উদিবোং। আন্ধারত্ বুজি থেলেয়ো লগেপ্রভু অবঅ আমার্ পহ্‌র।