যিরমিয় 18:18 - Chakma Bible

¹⁸ মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 18:18 Iomraidhean Croise

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

১ রাজাবলী 22:24

সেক্কে কনানার পূঅ সিদিকিয় যেইনে মীখায়ের গালত্‌ চুয়োর্‌ মারিনে কলঅ, “লগেপ্রভুর আত্মাগান তঅ লগে কধা কবাত্তে মত্তুন্‌ নিগিলি এইনে কন্‌ পধেন্দি যেইয়্যে?”

২ বংশধর 24:21

মাত্তর্‌ মানুচ্চুনে সখরিয়র বিরুদ্ধে কুজুরোমি গুরিলাক্‌ আর রাজার উগুমে লগেপ্রভুর ঘর উদোনত্‌ তারে ঢলা মারিনে মারে ফেলেলাক্‌।

ইয়োব 5:13

তে জ্ঞানীগুনোরে তারার্‌ চালাগ ভিদিরে ধরে, আর ছলনাগুরিয়্যেগুনোর ফন্দিগানি নঅ ফলে।

গীতসংহিতা 21:11

যুনিয়ো তারা তর্ বিরুদ্ধে শদানর্ কুজুরোমি আর ভান্ন্যেই চিন্তে গোজ্যন্, তো তারা সিয়েনিত্ ফোলেই ন-পারিবাক্;

গীতসংহিতা 52:2

তর্ জিলানদি ভস্ত অবার্ সল্লার কধা নিগিলি এজের্; ও ছলনাগুরিয়্যে, তর্ জিলান্ যেন ধার্ দিয়্যে ক্ষুর ধোক্ক্যেন্।

গীতসংহিতা 57:4

পেত্ পরায় পাগল সিংহ ধোক্ক্যেন মান্‌জ্যর্ সংমধ্যে মুই পড়ি আগং; তারার দাত্‌তুন্ যাদি আর শেল ধোক্ক্যেন, আর জিলান্ ধারেয়্যে ছুরি।

গীতসংহিতা 64:3

তারা যেন লাম্বা ছুরি ধোক্ক্যেন গুরি জিলান্ দারেই রাগেয়োন, তারার্ থিদে কধার সেলুন ধনুগানত্ লাগেই রাগেয়োন;

গম্ উপদেজ্ 18:21

মুয়ো কধানি উগুরে নির্ভর গরে জিংকানি আর মরণান; যিগুনে যগাজ্যে কধা কবাত্তে গম্ পান তারা সিয়েনর ফল পেবাক্।

যিশাইয় 32:7

বদ্‌মাইশচুনোর কামর ধারাবো বজং; এমন্ কি, অভাবীগুনোর্ কোজোলীগানি যগাজ্যে অলেয়ো তে মিজে কধালোই তারারে ভস্ত গুরিবাত্তে বজং ফন্দি গরে।

যিরমিয় 1:19

তারা তঅ বিরুদ্ধে যুদ্ধো গুরিবাক্ মাত্তর্ তরে ওদেই দি ন-পারিবাক্, কিত্তে তরে রোক্ষ্যে গুরিবাত্তে মুই তঅ লগে লগে আগং। মুই লগেপ্রভু এ কধাগান কঙর্।”

যিরমিয় 11:19

মুই অলুংগে গঙাত্ দিবাত্তে নেযেয়্যে লক্ষী ভেড়া ছঅ ধোক্ক্যেন; মুই বুঝি ন-পারং, তারা ইয়েন কোইনে মঅ বিরুদ্ধে কুজুরোমী গোজ্যন, “এজঅ, আমি গাজ্ আর তার গুলোগুন বর্‌‍‍‌‌‌বাত লাগেই; এজঅ, আমি তারে জেদাগুনো দেজত্তুন্ কাবি ফেলেই দিই যেনে তা নাঙান আর মনত্ রাগা ন-অয়।”

যিরমিয় 18:11

“সেনত্তে ইক্কিনে তুই যিহূদার মানুচ্চুনোরে আর যিরূশালেমর আদাম্মেগুনোরে কঅ, লগেপ্রভু কোইয়্যেদে, ‘চঅ, মুই তমাত্তে দজা আনিবার বেবস্থা গোজ্যং আর তমা বিরুদ্ধে এক্কান পরিকল্পনা গোজ্যং। সেনত্তে তুমি বেক্কুনে তমা ভান্ন্যেই পধত্তুন ফিরো আর তমার আদাউদো আর কামানি গম্ গর।’

যিরমিয় 18:19

ও লগেপ্রভু, মঅ কধাগান শুন; মর্ বিপক্ষগুনে মঅ বিরুদ্ধে যিয়েনি কোইয়োন সিয়েনিত্ মনযোগ দে।

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 26:11

সেক্কে ধর্মগুরু আর ভাববাদীগুনে সেই রাজকর্মচারীগুনোরে আর বেক মানুচ্চুনোরে কলাক্, “এ মানুচ্চো মরণর সাজা পেবার যোগ্য, কিত্তে তে এ শঅরান বিরুদ্ধে আগাম কধা কোইয়্যে; আর তুমি নিজো কানে সিয়েন শুন্ন্য।”

যিরমিয় 37:13

মাত্তর্ যেক্কে তে বিন্যামীন-গেদোত্ লুমিলো সেক্কে যিরিয় নাঙে চুগিদারুনোর্ সেনাপতিবো তারে ধুরিনে কলঅ, “তুই বাবিলীয়গুনোর্ তপ্পে যর্।” এ যিরিয় অলদে শেলিমিয়র পুয়ো, শেলিমিয় হনানিয়র পুয়ো।

যিরমিয় 44:16

“তুই লগেপ্রভুর নাঙে যেদক্কানি কধা আমা ইধু কোইয়োচ্ সিয়েনি আমি ন-শুনিবোং।

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

যিরমিয় 8:8

“তুমি কেধোক্ক্যেনগুরি কঅ, ‘আমি জ্ঞানী আর লগেপ্রভুর সুদোমানি আমা ইধু আঘে।’ আজলে ধর্ম-মাস্তরুনে সুদোমানি ভুল্ গুরিনে মিজে কধা লেখ্যন্।

আবিলেচ্ 3:62

মঅ শত্রুগুনে গোদাদিন্নো মঅ বিরুদ্ধে কদক্ ফিস্ ফিস্ গরন্ আর নানান্ কধা কন্।

যিহিষ্কেল 7:26

দযা উগুরে দযা এবঅ, আর গুজব উগুরে গুজব শুনো যেবঅ। তারা ভাববাদীগুনোত্তুন্ দর্শনর কধা শুনিবার চেরেস্‌‌টা গুরিবাক্; ধর্মগুরুগুনোর দিয়্যে সুদোমর্ শিক্ষ্যে আর বুড়ো নেতাগুনোর সল্লানি আর ন-থেবঅ।

লেবীয় 10:11

লগেপ্রভু মোশির্‌ মাধ্যমে ইস্রায়েলীয়গুনোরে যেদক্কানি সুদোম্‌ দিয়্যে, সিয়েনি তুমি তারারে শিগেবা।

মীখা 3:6

“তমাত্তে রেত্ এজের্, তুমি কনঅ দর্শন ন-পেবা; তমাত্তে আন্ধার্ এজের্, তুমি গোণেইনে কিচ্ছু কোই ন-পারিবা। তমাত্তে বেলান্ ডুবিবো আর দিনোত্ আন্ধার্ ওই যেবঅ।”

মীখা 3:7

সেক্কে সেই দর্শন পেইয়্যেগুনে লাজত্ পড়িবাক্ আর গোণোক্ক্যেগুনে অসর্মানিত অবাক্। তারা বেক্কুনে মুয়োনি লুগেবাক্, কিত্যে গোজেনে কনঅ জোব্ ন-দিবো।

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

লূকে লেখ্যে গম্ হবর্ 11:45

সেক্কে ধর্ম-মাষ্টরুনোত্তুন্ একজনে যীশুরে কলঅ, “মাষ্টরবাবু, এ কধাগান্ কোইনে তুই আমারেয়ো অগমান্ গোজ্যস্।”

যোহন 9:40

কয়েক্কো ফরীশীয়ো যীশু সমারে এলাক্। তারা এ কধাগান্ শুনিনে যীশুরে কলাক্, “সালে তুই কি কবাত্তে চাজ্ যে, আমি কানা?”