যিরমিয় 18:11 - Chakma Bible11 “সেনত্তে ইক্কিনে তুই যিহূদার মানুচ্চুনোরে আর যিরূশালেমর আদাম্মেগুনোরে কঅ, লগেপ্রভু কোইয়্যেদে, ‘চঅ, মুই তমাত্তে দজা আনিবার বেবস্থা গোজ্যং আর তমা বিরুদ্ধে এক্কান পরিকল্পনা গোজ্যং। সেনত্তে তুমি বেক্কুনে তমা ভান্ন্যেই পধত্তুন ফিরো আর তমার আদাউদো আর কামানি গম্ গর।’ Faic an caibideil |
যিরমিয় 18:11
40 Iomraidhean Croise
লগেপ্রভু তা বেক্ ভাববাদীগুনোরে আর চেইয়্যেগুনোর্ মাধ্যমে ইস্রায়েল আর যিহূদারে ইয়েন্ কোইনে উজিয়ার্ গুরি দিলো, “তুমি তমার্ ভান্ন্যেই পধত্তুন্ ফিরো আর বেক্ রীদি-সুদোমানি যিয়েনি মুই তমা পূরোণি মানুচ্চুনোরে পালেবাত্তে দুয়োং আর মর্ চাগরুনোরে, অত্তাৎ ভাববাদীগুনোর্ মাধ্যমে তমারে জানেয়োঙ্ তুমি সে ইজেবে মর্ বেক্ উগুমানি আর সুদোমানি পালঅ।”
“ইবে যে বোইবো পাহ্ যেইয়্যে সিবে ভিদিরে যেদক্কানি কধা লেগা আঘে সে কধানি পৌইদ্যেনে তুমি যেইনে মত্তে আর এ জাগানর্ আহ্ বেক্ যিহূদার মানুচ্চুনোত্তে লগেপ্রভু ইদু পুযোর্ গরঅ। লগেপ্রভু আমা বিরুদ্ধে রাগ আগুনে জুলি উঠ্যে, কিত্তে আমা পূরোণি মানুচ্চুনে এ বোইবো কধামজিম্ ন-চলন্ আর পালেবাত্তে যেদক্কানি কধা সিয়োত্ লেগা আঘে সে ইজেবে তারা কাম্ ন-গরন্।”
লগেপ্রভু কোইয়্যেদে, যুনি কনঅ মান্জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?
মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো।
Sanasan