যিরমিয় 17:9 - Chakma Bible

⁹ মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

যিরমিয় 17:9 Iomraidhean Croise

পত্থম 6:5

লগেপ্রভু দেগিলোদে পিতথিমীত্‌ মান্‌জ্যর্ ভান্ন্যেইয়ানি অমকদ বাড়ি যেইয়্যে, আর তারা মনর্ বেক্‌ চিদে-সজ্জানি নিত্য বানা ভান্ন্যেইয়ন্দি লুঙি পোজ্যে।

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

২ শমূয়েল 11:15

সিয়েনত্‌ তে এ কধাগান লেখ্যে, “যিয়েনত্‌ জদবদে যুদ্ধো চলের্‌ সিয়েনত্‌ সৈন্যগুনোর মুজুঙোন্দি সুর্‌বোত্‌ ঊরিয়রে পাদেবা, সে পরেন্দি তা পিজেন্দিত্তুন্‌ তুমি সুরি যেবা যেনে তে আঘাত্‌ পেইনে মুরি যায়।”

গীতসংহিতা 51:5

অয়, জন্মত্তুন্ ধুরি মুই অন্যেয় কামত্ আগং; পাপর্ অবস্থায় মুই মা পেদত্ এলুং।

গীতসংহিতা 64:7

মাত্তর্ গোজেনে তারা উগুরে সেল মারিবো; আদিক্ক্যেন্‌গুরি সেল্লো ফুদিনে তারা পড়ি যেবাক্।

গম্ উপদেজ্ 28:26

যে নিজো জ্ঞান উগুরে নির্ভর গরে তে বিবেচনা নেইয়্যে, মাত্তর্ যে গোজেনর দিয়্যে বুদ্ধির পধেদি চলে তে গমেডালে থায়।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

যিশাইয় 1:6

টেঙ তলাত্তুন্ ধুরি মাঢাবো তাল্লোগান সং কনজাগাত্ গম্ অবস্থা নেই, আগেদে বানা আঘাত, মার্ হেইয়্যে দাগ্ আর লগেলগ্ ঘা। সিয়েনি সাব্ গরানা বা বানি দিয়্যে ন-অয়, তেল্লোই পিড়ে কমায়ো ন-অয়।

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

যিরমিয় 16:12

মাত্তর্ তুমি তমা পুরোণি মানুচ্চুনোত্তুন বেশ্ ভান্ন্যেই গুরি চোল্য। চঅ, তুমি পত্তিজনে মর্ কধামজিম ন-চলিনে কিবাবোত্যে গুরিনে তমা ভান্ন্যেই মনর্ এক কুপ্পে গুরি চলর্।

যিরমিয় 7:24

মাত্তর্ সিয়েন তারা ন-শুনোন আর সিয়েনত্ মনযোগ্‌অ ন-দুয়োন; সিয়েনর বদলে তারা তারার আওজ্ মজিম, তারার ভান্ন্যেই মনর্ একঘেয়েমিলোই চলদন্। তারা পিজেদি উদি যেইয়োন, উজেই ন-যান।

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

মার্ক 2:17

এ কধাগান্ শুনিনে যীশু সেই ধর্ম-মাষ্টরুনোরে কলঅ, “গম্ মানুচ্চুনোত্তে ডাক্তরর্ দরকার নেই বরং পীড়েল্যেগুনোত্তে দরকার্ আঘে। মুই ধার্মিক্‌‌কুনোরে ডাগিবাত্তে ন-এজং বরং পাপীগুনোরে ডাগিবাত্তে এচ্চ্যং।”

রোমীয় 1:21

মান্‌জ্যে তা পৌইদ্যেনে জানিবার্ পরেদিয়ো গোজেন ইজেবে তারে বাঈনীয়ো ন-গরন, আর ভালেদিয়ো ন-জানান্। তারার্ চিন্তেগানি বাজে ওই যেইয়্যে আর তারার্ বুদ্ধি-নেইয়্যে মনানি আন্ধারে ভুরি যেইয়্যে।

রোমীয় 7:11

কিয়া সেই উগুমানর্ সুযোগে পাপ্‌পানে মরে থোগেল, আর সেই উগুমানর্ কারনে পাপ্‌পানে মরে মারে ফেলেল।

ইফিষীয় 4:22

তুমি এ শিক্ষ্যেগান পেয়োদে যে, তমা পুরোণি জিংকানির পুরোণি “মুই” পুরোণ্ কাবড় ধোক্ক্যেন বাদ দিয়্যে পরিবো, কিয়া ছলনার কামনালোই সেই পুরোণি “মুই” বর্‌‌বাদ ওই যার্।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।