যিরমিয় 17:27 - Chakma Bible

²⁷ মাত্তর্ যুনি তুমি মঅ কধা ন-শুনো আর জিরেবার দিন্নোরে মঅ নাঙে যুদো গুরি ন-রাগঅ আর সে দিনোত্ বুধিলোই যিরূশালেমর গেদো ভিদিরেদি চমঅ, মাত্তর্ যিরূশালেমর বেক্ গেট্‌তুনোদি মুই আগুন জ্বালেম আর সিয়েনে তার ঘরানি পুড়ি ফেলেব। সে আগুনান কনজনে মারেই ন-পারিবো।’ ”

যিরমিয় 17:27 Iomraidhean Croise

২ রাজাবলী 22:17

তারা মরে বাদ দিইনে দেব-দেবেদাগুনো নাঙে আগর্‌বাট্টি জ্বালেয়োন্‌ আর তারা আঢে বানেয়্যে বেক্‌ মূত্তিগুন্দোই মরে মনত্ দুগ্ লাগেয়োন; সেনত্তে এ জাগান বিরুদ্ধে মর্‌ রাগ আগুনান্‌ জুলি উদিবো আর সিয়েন্‌ মারা ন-যেবঅ।

২ রাজাবলী 25:9

তে লগেপ্রভুর ঘরত্‌, রাজঘরত্‌ আর যিরূশালেমর বেক্‌ ঘরানিত্‌ আগুন্‌ বাজেই দিলো। বেক্‌ আজল্‌ আজল্‌ ঘরানি তে পুড়ি ফেলেল।

২ বংশধর 36:19

তা মানুচ্চুনে গোজেনর ঘরান্‌ পুড়ি দিলাক্‌ আর যিরূশালেম দেবালান্‌ ভাঙি ফেলেলাক্‌। তারা সে জাগার্‌ বেক্‌ দাঙর্‌ দাঙর্‌ ঘরানি পুড়ি দিলাক্‌ আর বেক্‌ মংগা পযাপিরানি বর্‌বাত্‌ গুরি ফেলেলাক্‌।

গীতসংহিতা 122:7

সিয়েনর চেরোকিত্তে দেবাল ভিদিরে সুগ্-শান্দি থোক্, আর সিয়েনর রাজঘর বিল্ডিঙো ভিদিরে ভালেদি থোক্।”

যিশাইয় 1:20

মাত্তর্ যুনি তুমি বাধ্য অবাত্তে রাজী ন-ওইনে উল্লোমী গরঅ সালে তলোয়ারানে তমারে ভস্ত গুরিবো।” লগেপ্রভু নিজে এ কধাগান কোইয়্যে।

যিশাইয় 1:31

বোলিমন্দ মানুচ্ শুগুনো দার্‌বো গাজ ধোক্ক্যেন্ অবঅ; আর তা কামান অবদে আগুনো জিলো ধোক্ক্যেন্। সিয়েনি এক সমারে পুড়ি যেবঅ; কনজনে সে আগুনানি মারেই ন-পারিবাক্।”

যিরমিয় 17:24

মাত্তর্ যুনি তুমি উজিয়ার ওইনে মর্ কধামজিম আঢঅ আর জিরেবার দিনোত্ শঅরর্ গেদো ইন্দি কনঅ বুধি ন-আন বরং জিরেবার দিন্নোত্ কনঅ কাম্ ন-গুরিনে দিন্নোরে মঅ নাঙে যুদো গুরি রাগঅ,

যিরমিয় 17:4

যে অধিকারান্ মুই তরে দুয়োং, তর্ নিজো দুষে তুই সিয়েন আরেবে। যে দেজ্‌চান কধা তুই হবর্ ন-পাজ্ সে দেজত্ মুই তরে তঅ শত্রুগুনোর চাগর্ বানেম, কিত্তে তুই মর্ রাগর্ আগুনান জ্বালেয়োচ্ আর সিয়েন জিংকানিবর্ জুলিবো।‍

যিরমিয় 18:1

লগেপ্রভু যিরমিয় ইধু এ কধাগান ফগদাং গুরিলো,

যিরমিয় 21:12

‘ও দায়ূদর বংশ, মুই লগেপ্রভু কঙর্, তুমি পত্তিদিন বেন্যেমাদান্ ন্যায়বিচের গুরিবে। যিবেরে লুদো ওইয়্যে তারে তা অত্যেচারির আঢত্তুন্ উদ্ধোর গুরিবে; সিয়েন ন-গুরিলে তমা ভান্ন্যেই কামানিত্তে মঅ রাগ্‌‌কান নিগিলেনেই আগুনো ধোক্ক্যেন জুলিবো, কনজনে সিয়েন মারেই ন-পারিবো।

যিরমিয় 21:14

মাত্তর্ মুই তর্ কামর পাওনা মজিম তরে সাজা দিম। মুই তর্ ঝারানিত্ আগুন জ্বালেম; সেই আগুনানে তঅ চেরোকিত্তেদি বেক্কানি পুড়ি ফেলেব। মুই লগেপ্রভু এ কধাগান কঙর্।’ ”

যিরমিয় 22:5

মাত্তর্ যুনি তুমি এ উগুমানি ন-পালঅ সালে মুই লগেপ্রভু মর্ নিজো নাঙে শমক্ হেইনে কঙর্, এ রাজঘরান ভস্ত ওই যেবঅ।’ ”

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

যিরমিয় 39:8

বাবিলীয়গুনে রাজঘরত্ আর মান্‌জ্য ঘরত্ আগুন বাজেই দিলাক্ আর যিরূশালেমর দেবালানি ভাঙি ফেলেলাক্।

যিরমিয় 44:16

“তুই লগেপ্রভুর নাঙে যেদক্কানি কধা আমা ইধু কোইয়োচ্ সিয়েনি আমি ন-শুনিবোং।

যিরমিয় 49:27

দামেস্কর দেবালানিত্ মুই আগুন বাজেই দিম্; সিয়েন বিন্‌হদদর তাম্বুলানি পুড়ি ফেলেব।”

যিরমিয় 52:13

তে লগেপ্রভুর ঘরত্, রাজঘরত্ আর যিরূশালেমর বেক্ ঘরানিত্ আগুন ধোরেই দিলো। বেক্ আজল্ আজল্ ঘরানি তে পুড়ি ফেলেল।

যিরমিয় 6:17

মুই তমা উগুরে চুগিদার নেযেইনে কোইয়োং, ‘তুমি শিঙের রঅ শুনো,’ মাত্তর্ তুমি কোইয়োদে, ‘আমি ন-শুনিবোং।’

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

আবিলেচ্ 2:6

তে বাগান গাজ ধোক্ক্যেন্‌গুরি তার থেবার জাগায়ানরে উগুরে ফেলেয়্যে; ভস্ত গুরি দিয়্যে তার নিদ্দিষ্ট এগত্তর্ অইদ্যে জাগায়ানরে। লগেপ্রভু সিয়োনরে তার বেক্ পরব্ আর জিরেবার দিন্নো কধানি ভুলেই দিয়্যে; দর্‌গরেপারা রাগে রাজারে আর ধর্মগুরুবোরে তে এলাফেলা গোজ্যে।

আবিলেচ্ 4:11

লগেপ্রভু তার্ অমকদ অহুজিগানরে পুরোপুরি নিগিলেয়্যে; তার্ অমকদ রাগ্‌কান তে ঢালি দিয়্যে। তে সিয়োনত্ আগুন জ্বালেয়্যে; সেক্কে তার্ খুদোগুন সং জ্বালেই দিয়্যে;

যিহিষ্কেল 16:41

তারা তর্ ঘরানি পুড়ি ফেলেবাক্ আর ভালোক্কুন্ মিলের্ চোগো মুজুঙোত্ তরে সাজা দিবাক্। এবাবোত্যেগুরি তর্ বেশ্যেগিরি বন্ধ গুরি দিম; তর্ লাঙেগুনোরে তুই আর টেঙা-পোইজ্যে ন-দিবে।

যিহিষ্কেল 21:15

কাবি ফেলেবাত্তে তারার্ বেক্ গেট্‌‌‌‌‌‌‌‌‌‌তুনোত্ মুই লাম্বাছুরি বোজেয়োং আর যেনে তারার্ মনানি বেক্কানি গুলি যায় আর ভালোক্কুনে মুরি যান্। অয়, সেই লাম্বা ছুরিগানে কারেন ধোক্ক্যেন ঝিমিলায়; সিয়েনে কাবি ফেলেবাত্তে ধারা ওইয়্যে।

যিহিষ্কেল 21:3

তারে কঅ, লগেপ্রভু কোইয়্যেদে, মুই তঅ বিরুদ্ধে। মুই খাবত্তুন্ মঅ লাম্বা ছুরিগান্ নিগিলেনে তঅ ভিদিরেত্তুন গম্ আর পাজি বেক্কুনোরে মারে ফেলেম।

যিহিষ্কেল 22:8

তুই মর্ সুদ্ধো-সাংগ জিনিস্‌‌‌‌‌‌‌‌‌‌চানি ঈচ্ গোজ্যস্ আর মর্ জিরেবার দিনুনোর পবিত্রতাগান রোক্ষ্যে ন-গরচ্।

যিহিষ্কেল 23:38

ইয়েনি বাদেয়ো সেই একই সময়োত্ তারা মর্ ঘরান অসিজি গোজ্যন্। তারা মর্ জিরেবার দিনুনোর সুদ্ধো-সাংগগান রোক্ষ্যে ন-গরন্।

হোশেয় 8:14

ইস্রায়েলর মানুচ্চুনে নিজো গোজেনরে ভুলি যেইনে দাঙর্ দাঙর্ ঘর বানেয়োন; যিহূদার মানুচ্চুনে ভালোক্কানি শঅর্ দেবাল্লোই ঘিজ্যন্। মাত্তর্ মুই তারার্ শঅরানি উগুরে আগুন পাদেম্ যিয়েনে তারার্ বেক ঘরানিরে পুড়ি ফেলেব।”

আমোষ 1:10

সেনত্তে মুই সোর দেবাল উগুরে আগুন পাধেই দিম; সিয়েনে তার্ ঘরানি পুড়ি ফেলেব।”

আমোষ 1:12

সেনত্তে মুই তৈমন উগুরে আগুন পাদেম; সিয়েনে বস্রার ঘরানিরে পুড়ি ফেলেব।”

আমোষ 1:14

সেনত্তে যুদ্ধো দিনোত্ যুদ্ধোর্ রঅত্, দর্‌‌‌‌গরেপারা ঝড় ধোক্ক্যেন যুদ্ধোত্ মুই রব্বার দেবালত্ আগুন বাজেই দিম; সিয়েনে তার্ ঘরানি পুড়ি ফেলেব।

আমোষ 1:4

সেনত্তে মুই হসায়েলর রাজঘরান উগুরে আগুন পাদেম; সিয়েনে বিন্‌‌হদদর্ ঘরানিরে পুড়ি ফেলেব।

আমোষ 1:7

সেনত্তে মুই গাজার দেবাল উগুরে আগুন পাদেম; সিয়েনে তার ঘরানিরে পুড়ি ফেলেব।

আমোষ 2:2

সেনত্তে মুই মোয়াব উগুরে আগুন পাধেই দিম; সিয়েনে করিয়োতর্ ঘরানিরে পুড়ি ফেলেব। যুদ্ধোর্ ডাগ্ আর শিংগার রবো সমারে অমকদ যাগুলুক্ বাঁজিনে মোয়াবর অদপতন্ অবঅ।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।