যিরমিয় 17:22 - Chakma Bible

²² মুই যেবাবোত্যেগুরি তমা পুরোণি মানুচ্চুনোরে উগুম দুয়োং সেবাবোত্যে জিরেবার দিনোত্ তুমি তমা ঘরত্তুন্ কনঅ বুদি নিগিলেই ন-আনিবা বা কনঅ কাম ন-গুরিবা, বরং জিরেবার দিন্নো মঅ নাঙে যুদো গুরি রাগেবা।

যিরমিয় 17:22 Iomraidhean Croise

নহিমিয় 13:15

সে অক্তত্‌ মুই দেগিলুঙ্‌ যিহূদার মানুচ্চুনে জিরেবার্‌ দিন্নোত্‌ আংগুর-মারেদে কাম্‌ গোজ্যন্‌ আর খেত্‌খেত্তি আনদন্‌ আর সেই খেত্‌খেত্তিগানি, আংগুর-রসছানি, আংগুর, ডোমোর্‌ আর অন্য নানান্‌ বাবোত্যে বুধি তারা গাধা উগুরে তুলি দুয়োন্‌। ইয়েনিবাদেয়ো তারা জিরেবার্‌ দিন্নোত্‌ সিয়েনি যিরূশালেমত্‌ আন্যন্‌। সেনত্তেই জিরেবার্‌ দিনোত্‌ হানা জিনিস বিজিবার্‌ পৌইদ্যেনে মুই তারারে উজিয়ার্‌ গুরিলুঙ্‌।

যাত্রা 23:12

তুমি সাপ্তায় ছয়দিন কাম্‌ গুরিবা মাত্তর্‌ সাত দিনোত্‌ কনঅ‌ কাম্‌ ন-গুরিবা। সেক্কে তমার্‌ গোরু আর গাধাগুনে জিরেন্‌ পেবাক্‌ আর তমা ঘরত্‌ জোর্মেয়োন এধোক্ক্যেন চাগর্‌ বা চাগরানী আর অন্য জাদর্‌ মানুচ্চুনেয়ো কামত্তুন্‌ জিরেন পেবাক্‌।

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

যিরমিয় 17:24

মাত্তর্ যুনি তুমি উজিয়ার ওইনে মর্ কধামজিম আঢঅ আর জিরেবার দিনোত্ শঅরর্ গেদো ইন্দি কনঅ বুধি ন-আন বরং জিরেবার দিন্নোত্ কনঅ কাম্ ন-গুরিনে দিন্নোরে মঅ নাঙে যুদো গুরি রাগঅ,

যিহিষ্কেল 20:12

মর্ আর তারা ভিদিরে চিহ্নো ইজেবে জিরেবার দিনুন্‌অ তারারে দিলুং যেনে তারা হবর্ পান, মুই লগেপ্রভু মর্ নাঙে তারারে যুদো গুরিলুং।

যিহিষ্কেল 22:8

তুই মর্ সুদ্ধো-সাংগ জিনিস্‌‌‌‌‌‌‌‌‌‌চানি ঈচ্ গোজ্যস্ আর মর্ জিরেবার দিনুনোর পবিত্রতাগান রোক্ষ্যে ন-গরচ্।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

লেবীয় 23:3

সাপ্তায় ছদিন তুমি কাম্‌ গুরি পারিবা মাত্তর্‌ সাত দিনোত্‌ অবঅ জিরেবার্‌ দিন, অত্তাৎ পবিত্র মিলন-সভার দিন। এ দিনোত্‌ তুমি কনঅ কাম্‌ ন-গুরিবা। তুমি যিয়েনত্‌ বজত্তি গত্তা সাৎ এ দিন্য অবঅ লগেপ্রভুর নাঙে জিরেবার্‌ দিন।”

সখরিয় 1:4

তুমি তমা পূরোণি মানুচ্চুনো ধোক্ক্যেন ন-ওইয়ো। তারা ইধু আগ ভাববাদিগুনে মর্ এ কধাগান ফগদাং গোজ্যন্দে যে, তারা যেন তারার ভান্ন্যেই পথ আর ভান্ন্যেই অভ্যেসত্তুন্ ফিরোন্। মাত্তর্ তারা সিয়েন ন-শুনোন্ আর মঅ কধাগান মনযোগঅ ন-দুয়োন।

লূকে লেখ্যে গম্ হবর্ 23:56

সে পরেদি তারা ফিরি যেইনে তা কিয়্যেগানত্তে তুম্বাজ্ মজলা আর মলম্ বানেলাক্। ইয়েনর্ পরেদি তারা মোশির উগুম্ মজিম্ জিরেবার্ দিনোত্ জিরেলাক্।

লূকে লেখ্যে গম্ হবর্ 6:5

বেগ যেরেদি যীশু সেই ফরীশীগুনোরে কলঅ, “মান্‌জ্য পুয়োবো জিরেবার্ দিন্নোর্ গিরোজ্।”

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।