যিরমিয় 17:21 - Chakma Bible

²¹ লগেপ্রভু কোইয়্যেদে, ‘তুমি উজিয়ার অ; জিরেবার দিনোত্ কনঅ বুদি ন-বুয়োবা বা যিরূশালেমর গেট্‌তোদি সিগুন ভিদিরে ন-আনিবা। ‍‌‍‍‍‍‍

যিরমিয় 17:21 Iomraidhean Croise

যাত্রা 20:8

জিরেবার্‌ দিন্নো মর্‌ নাঙে যুদো গুরি রাগেবা আর সিবে পালন গুরিবা।

গম্ উপদেজ্ 4:23

বেক্কানিত্তুন্ তঅ মনানরে বেশ্ চুগি দিইনে রাগেচ্, কিত্তে মনত্তুন্ তঅ জিংকানিগানর বেক্কানি নিগিলি এজে।

যিশাইয় 56:2

বর্ পেইয়্যে সেই মানুচ্চো, যে এ কামানি গরে; বর্ পেইয়্যে সেই মানুচ্চো, যে সিয়েনি গুরিবাত্তে মনান্ দে। জিরেবার দিন্নোরে অসিজি ন-গুরিনে যে মানুচ্চো সিবে পালায় আর ভান্ন্যেই কামত্তুন্ তা আঢ্‌তান সোরেই রাগায়, তে বর্ পেইয়্যে।”

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

মার্ক 4:24

ইয়েনর্ পরেদি যীশু কলঅ, “তুমি যিয়েনি শুন্ন্য সে পৌইদ্যেনে মনযোগ্ দুয়ো। তুমি যেবাবোত্যেগুরি মাবি দুয়ো তমাত্তে সেবাবোত্যেগুরি মাবা অবঅ; এমন্ কি, বেশ্ গুরি মাবা অবঅ।

লূকে লেখ্যে গম্ হবর্ 8:18

উজিয়ার্ অ, সেনত্তে কিবাবোত্যেগুরি শুন্ন্য সে পৌইদ্যেনে মনযোগ্ দুয়ো, কিয়া যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার্ যিগুন্ আঘন্ বিলি তে মনে গরে, সিগুন্অ তাত্তুন্ নেযা অবঅ।”

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

দ্বি’লম্বর বিররণ 11:16

মাত্তর্‌ তুমি উঝিয়ার্‌ থেবা, সিয়েন ন-গুরিলে তুমি ছলনাত্ পুরিনে লগেপ্রভুত্তুন্‌ সুরি যেবা আর দেব-দেবেদার্‌ সেবা আর পূজো গুরিবা।

দ্বি’লম্বর বিররণ 4:15

হোরেব মুড়োবোত্‌ যেদিন্যে লগেপ্রভু আগুনো ভিদিরেত্তুন্‌ তমা ইদু কধা কোইয়্যে সেদিন্যে তুমি কনঅ চেঙেরা ন-দেগঅ। সেনত্তে তুমি নিজো উগুরে অমকদ কড়া নজর্‌ রাগেবা,

দ্বি’লম্বর বিররণ 4:23

তমা গোজেন লগেপ্রভু তমাত্তে যে সুদোমানি থিদেবর্ গোজ্যে, উজিয়ার্‌, সিয়েনি তুমি ভুলি ন যেইয়ো। তমা গোজেন লগেপ্রভুর্‌ মানা গোজ্যে কনঅ কিচ্ছুলোই মূত্তি বানানা তমার্‌ ন-চলিবো,

দ্বি’লম্বর বিররণ 4:9

যেদক্‌দিন তুমি বাঁজি থেবা সেদকদিন সং তুমি গমেডালে থেবা আর নিজো উগুরে কড়া নজর্‌ রাগেবা যেনে তুমি চোগেন্দি যিয়েনি দেগর্‌ সিয়েনি ভুলি ন-যঅ আর তমার্‌ মনত্তুন্‌ সিয়েনি বাদ ন-যায়। এ বেক্কানি তুমি তমার্‌ ঝি-পূঅগুনোর্‌ আর সিগুনোর্‌ পরেন্দি তারার্‌ ঝি-পূঅগুনোরে শিগেবাক্‌।

যিহোশূয় 23:11

সেনত্তেই তমার গোজেন লগেপ্রভুরে কোচ্‌পানার পৌইদ্যেনে তুমি জদপদে মনযোগী অ।