যিরমিয় 17:18 - Chakma Bible

¹⁸ মর্ অত্যেচারিগুনোরে লাজত্ ফেলা ওক্, মাত্তর্ তুই মরে লাজত্তুন্ রোক্ষ্যে গর্। তারা ভাঙি পোড়োক, মাত্তর্ তুই মরে ভাঙি পড়ানাত্তুন্ রোক্ষ্যে গর্। তুই তারা উগুরে দজার্ দিন আনি দে; দ্বিগুন ভস্ত দিইনে তারারে ভস্ত গর্।

যিরমিয় 17:18 Iomraidhean Croise

ইয়োব 16:14

বার্‌ বার্‌ তে মর্‌ রোক্ষ্যে গুরিয়্যে-দেবালান্‌ ভাঙি ফেলেয়্যে, যুদ্ধো গুরিয়্যে ধোক্ক্যেন্ তে মঅ ইন্দি ধাবা ধাবা এচ্চ্যে।

গীতসংহিতা 35:4

যিগুনে মরে মারে ফেলেবাত্তে চাদন্ তারা লাজত্ আর অসর্মানত্ পোড়োদোক্; যিগুনে মর্ সর্বনাশর কুজুরোমি গত্তন্ তারা অগমান্ ওইনে ফিরি যাদন্।

গীতসংহিতা 35:8

সেনত্তে আদিক্ক্যেন্‌গুরি তারা উগুরে দযা এজোক্; তারার্ হবর্ ন-পেইয়্যে জালত্ তারা ধরা পোড়োদোক্, সে দযাত্ তারা পোড়োদোক্।

গীতসংহিতা 40:14

যিগুনে মরে মারে ফেলেবার চেরেস্‌তাত্ আগন্ তারা বেক্কুনে লাজত্ আর অগমানত্ পোড়োদোক্; যিগুনে মর্ নাশ দেগিবাত্তে চান তারা মাঢাবো তলে গুরিনে ফিরি যাদোক্।

গীতসংহিতা 70:2

যিগুনে মরে মারে ফেলেবার চেরেস্তাদ্ আগন্ তারা লাজত্ পোড়োদোক্ আর অগমান ওদোক্; যিগুনে মর্ সর্বনাশ দেগিবাত্তে চান তারা মাধাবো তলেন্দি গুরি ফিরি যাদোক্।

গীতসংহিতা 71:1

ও লগেপ্রভু, মুই তইদু আশ্রয় নেযেয়োং, মরে কনদিন্‌অ লাজত্ ন-ফেলেজ্।

যিরমিয় 1:17

“তুই কমরত্ বানিনে থিয়্যে আর মুই তরে যিয়েনি কবাত্তে উগুম গুরিম্ সিয়েনি তুই তারারে কঅ। তারারে দেগিনে তুই ভাঙি ন-পড়িচ্, যুনি পড়চ্ সালে মুই এমন্ গুরিম যেনে তারা মুজুঙোত্ তুই এক্কুবারে ভাঙি পড়চ্।

যিরমিয় 11:20

ও বেগত্তুন খেমতাবলা লগেপ্রভু, তুই গমেডালে বিচের গুরি থাচ্ আর রিবেঙত্তুন্ আর মনর্ পোরোক্কে গুরি থাচ্, সেনত্তে তারা উগুরে তর্ হেনা সুজোনা মরে চেবাত্তে দুয়ো, কিত্তে মুই মঅ আবিত্তিগান তরে জানেয়োং।

যিরমিয় 12:3

ও লগেপ্রভু, তুই মরে হবর্ পাজ; তুই মরে চেই থাচ্ আর তঅ উগুরে মর্ ভোক্তি কত্তমান সিয়েন যগা চাজ্। ভেড়া ধোক্ক্যেন কাবি ফেলেবাত্তে তুই তারারে টানি নেযাচ্; কাবিবার দিন্নোত্তে তারারে যুদো গুরি রাগেজ্।

যিরমিয় 14:17

“তুই মানুচ্চুনো ইধু এ কধাগান কঅ, ‘মঅ চোগো পানি ন-থামেইনে দিন-রেদ মঅ চোগ্‌‍‍‍‍কুনোত্তুন উগুরি পোড়োক্, কিত্তে মঅ জাদর্ মানুচ্চুনে অমকদ আঘাত্, চুরমার-গোজ্যে আঘাত্ পেইয়োন।‍

যিরমিয় 16:18

তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”

যিরমিয় 17:13

ও লগেপ্রভু, ইস্রায়েলর আজা, যিগুনে তরে ছাড়ি যেইয়োন তারার বেক্কুনোরে লাজত্ ফেলা অবঅ। তত্তুন্ যিগুনে ফিরি যেইয়োন তারার নাঙানি ধুল্যেলোই লেগা অবঅ, কিত্তে তারা জেদা পানির পয়নালা লগেপ্রভুরে ছাড়ি যেইয়োন।

যিরমিয় 17:16

তঅ মানুচ্চুনোর পালক অনাত্তুন মুই দঅ ধেই ন-যাং; তুই হবর্ পাজ্ মুই দজার্ দিন ন-চাং। মঅ মুয়োত্তুন যিয়েনি নিগিলি এজে সিয়েনি তত্তুন লুগেয়্যে নয়।

যিরমিয় 17:19

মানেইয়ুনোর্ যে গেট্‌‍‌‍‍‍তোদি যিহূদার রাজাগুনে এদাক্-যেদাক্ লগেপ্রভু মরে সে গেট্‌‍‌‍‍তোদি আর যিরূশালেমর অন্য বেক্ গেট্‌‌‍‌‍‍‍‍‍তুনোত্‌‌অ যেইনে থিয়্যেবাত্তে কলঅ। ‌‍‍‍‍‍‍‍

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

দ্বি’লম্বর বিররণ 33:11

ও লগেপ্রভু, তুই তার সোম্বোত্তিত্‌ আশিদ্‌বাদ গর্‌, তার বেক কামানিত্‌ তুই খুজি অ। তুই তার শত্রুর কমরুন ভাঙি দে; যিগুনে তারে ঘিনান্‌ তারার কমরুন ভাঙি দে, যেনে তারা আর থিয়্যেই ন-পারন।”

ফগদাং পেইয়্যে 18:6

তে অন্যগুনো সমারে যেবাবোত্যে বেবহার গোজ্জ্যে তা সমারেয়ো সেবাবোত্যে বেবহার গর্; তা কামানির্ পুরোপুরি ফল তারে দে। যে গলজ ভিদিরে তে অন্যগুনোত্যে ভান্ন্যেই মিজেদ, সিয়েনত্ তার পুরোপুরি সাজা মিজেইনে তারে হেবাত্যে দে।