যিরমিয় 16:9 - Chakma Bible

⁹ কিত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই এ জাগানর্ মানুচ্চুনোর চোগো মুজুঙোত্ আর তারার জিংকানিত্ ফুত্তি আর হুজির রঅ আর নূয়ো বৌ-নূয়ো জামের্ মুয়োর্ কধানি বন্ধ গুরি দিম।

যিরমিয় 16:9 Iomraidhean Croise

গীতসংহিতা 78:63

আগুনানে তারার গাবুজ্যেগুনোরে পুড়ি ফেলেল; তারার গাবুজ্যে মিলেগুনোত্যে মেলা গান ন-অলঅ।

যিরমিয় 25:10

মুই তারা ভিদিরেত্তুন্ ফুত্তি আর হুজির্ রঅ, নেগ আর মোগোর রঅ, মিশিনোর্ রঅ আর চেরাগ পহর্ দূর্ গুরি দিম।

যিরমিয় 7:34

মুই যিহূদার শঅরানিত্ আর যিহূদার বেক্ পধে পধে হুজি আর ফুত্তির্ রঅ আর নেগ-মোগোর মুয়োর রঅ বন্ধ গুরি দিম, কিত্তে দেজ্‌চান ভস্তর জাগা ওই যেবঅ।” ‌‌‌‍

যিহিষ্কেল 12:25

সেক্কে মুই লগেপ্রভু যিয়েনি কোম্ সিয়েনি ফলিবো, দিরি ন-অবঅ। ও উল্লোমী জাদ্‌তো, মুই যিয়েনি কঙর্ সিয়েনি তমা সময়োত্ ফোলেই দিম্। মুই প্রভু লগেপ্রভু এ কধাগান কঙর্।’”

যিহিষ্কেল 26:13

মুই তর্ গান রবো থামেই দিম; বীণার বাজানাবোয়ো আর শুনো ন-যেবঅ।

হোশেয় 2:11

মুই তার বেক্ রঙ্গ-ফুত্তির্ অনুষ্ঠান, পরব্, আঙোস্যে, জিরেবার দিন-এক কধায় তার্ বেক ঠিগ্ গোজ্যে পরব্‌‌পুন বন্ধ গুরি দিম।