যিরমিয় 16:21 - Chakma Bible

²¹ লগেপ্রভু কোইয়্যেদে, “সেনত্তে এবার্ মুই ইস্রায়েলীয়গুনোরে মর্ খেমতা আর বল্ দেগেইনে শিক্ষ্যে দিম্। সেক্কে তারা হবর্ পেবাক্, মঅ নাঙান লগেপ্রভু।”

যিরমিয় 16:21 Iomraidhean Croise

গীতসংহিতা 83:18

তারা যেন হবর্ পান, তঅ নাঙান লগেপ্রভু, অয়, বানা তুয়ই গোদা দুনিয়াগানর দাঙর্ গোজেন।

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।

যাত্রা 14:4

মুই ফরৌণর মনান্‌ দরঅ গুরি দিম্‌ আর তে তারা পিজেদি লোড়েব। মাত্তর্‌ ফরৌণে আর তার্‌ সৈন্যদলুনে মর্‌ বাঈনী ফগদাঙ্‌ গুরিবার্‌ পথ অবাক্। ইয়েনত্তুন্‌ মিসরীয়গুনে জানি পারিবাক্, মুই লগেপ্রভু।” ইস্রায়েলীয়গুনে লগেপ্রভুর্‌ কধা মজিম কাম্‌ গুরিলাক্।

যাত্রা 15:3

তা নাঙান লগেপ্রভু, তে বীর যোদ্ধা।

যাত্রা 6:3

বেগত্তুন্‌ খেমতাবলা গোজেন ইজেবে মুই অব্রাহাম, ইস্‌হাক আর যাকোবরে দেগা দিদুং, মাত্তর্‌ লগেপ্রভু ইজেবে মুই যে কন্না, সিয়েন্‌ তারা ইধু ফগদাঙ্‌ ন-গুরিদুঙ্‌।

যিশাইয় 43:3

কিত্তে মুয়ই তর্ গোজেন লগেপ্রভু, তর্ উদ্ধোর গুরিয়্যে, ইস্রায়েলর সেই সুদ্ধো-সাংগ মানুচ্চো। মুই তর্ উদ্ধোরর্ মূল্য ইজেবে মিসর দেজ্‌চান দিম, আর তঅ বদলে কূশ আর সবা দেজ্‌চানরে দিম।‌

যিরমিয় 33:2

লগেপ্রভু কলঅ, মঅ নাঙান্ লগেপ্রভু, মুই কাম্ গরং; যে কামানি মুই গরং সিয়েনির পরিকল্পনা গরং আর সিয়েন থুম্ গরং। মুই কঙর্,

যিহিষ্কেল 24:24

যিহিষ্কেলে তমা ইধু এক্কান চিহ্নো ধোক্ক্যেন অবঅ; তে যিয়েনি গোজ্যে তুমি ঠিগ্ সেবাবোত্যে গুরিবা। যেক্কে ইয়েনি ঘুদিবো সেক্কে তুমি হবর্ পেবা, মুয়ই প্রভু লগেপ্রভু।”

যিহিষ্কেল 24:27

সে অক্তত্ তঅ মুয়োন খুলো যেবঅ; তুই তা সমারে কধা কবে, তঅ জিলান্ আর আক্‌‌‌‌‌‌‌‌‌‌‌‌‌সোয়ে ন-থেবঅ। এবাবোত্যেগুরি তুই তারা ইধু এক্কান চিহ্নো অবে আর তারা হবর্ পেবাক, মুয়ই লগেপ্রভু।”

যিহিষ্কেল 25:14

মুই মঅ মানুচ্ ইস্রায়েলর আঢ্‌‌‌‌‌‌তোই ইদোম উগুরে হেনা সুজিম্ আর তারা মর্ অমকদ বেজারে আহ্ রাগে ইদোম বিরুদ্ধে কাম গুরিবাক্। সেক্কে তারা হবর্ পেবাক্, মুই হেনা সুজ্‌‌‌‌‌‌চ্যং।”

যিহিষ্কেল 6:7

আর তমা ভিদিরে তমা মানুচ্চুনে মুরিনে পড়ি থেবাক্। ইয়েনি অনার্ পরেদি তুমি হবর্ পেবা যে, মুয়ই লগেপ্রভু।

আমোষ 5:8

যিবে কৃত্তিকা আর মৃগশীর্ষ নাঙে তারাগুন বানেয়্যে, যিবে আন্ধারানরে পহ্‌‌‌র গরে আর দিন্নোরে রেদোর্ আন্ধার্ গরে, যিবে সাগর পানিগানরে ডাগিনে ভূইয়ো উগুরে ঢালি দে, তা নাঙান্ লগেপ্রভু।