যিরমিয় 16:20 - Chakma Bible

²⁰ মান্‌‍‍‍জ্যে কি নিজোত্তে দেব-দেবেদা বানেই পারন? যুনিয়ো বা সিয়েনি গরন সিগুন দঅ গোজেন নয়‍।”

যিরমিয় 16:20 Iomraidhean Croise

২ রাজাবলী 19:18

তারা দেবেদাগুনোরে তারা আগুনোত্‌ ফেলেইনে বর্‌বাত গুরি দুয়োন্‌। সিগুন্‌ দঅ গোজেন্‌ নয়, মান্‌জ্য আঢে বানেয়্যে তক্তা আর পাত্তর্‌ বানা; সেনত্তে তারা তারারে ভস্ত গুরি পাজ্যন্।

যিশাইয় 36:19

হমাৎ আর অর্পদর দেবেদাগুনে কুদু? কুদু সফর্বয়িমর দেবেদাগুনে? তারা কি মঅ আঢত্তুন্ শমরিয়াগানরে রোক্ষ্যে গুরি পাজ্যন্?

যিরমিয় 2:11

যুনিয়ো জাদ্‌‍‍তুনোর দেব-দেবেদাগুনে গোজেন নয় তো কনঅ জাদে নিজোর্ দেব-দেবেদাগুনোর পরিবত্তন্ ন-গরন; মাত্তর্ মঅ মানুচ্চুনে তারার বাঈনী গরেদে গোজেনর বদলে অপদাত্ত দেবেদাগুনোরে মানি লোইয়োন্। ‍

যিরমিয় 5:7

লগেপ্রভু কোইয়্যেদে, ও যিরূশালেম, কিত্তে মুই তরে খেমা গুরিম? তর্ ঝি-পুয়োগুনে মরে ফেলেই যেইয়োন আর যিগুনে গোজেন নয় তারা নাঙে শমক্ খেইয়োন। মুই তারার বেক্ দরকারানি ফুরেই দুয়োং, তো তারা সিনেলী গোজ্যন আর দলে দলে বেশ্যেগুনো ঘরত্ যেইয়োন।

দানিয়েল 3:1

রাজা নবূখদ্‌নিৎসরে ষায়েট আত্ অজল্ আর ছয় আত্ দাদঅ এক্কো সোনার মূত্তি বানেইনে বাবিল রেজ্যর্ দূরা কলগত্ রাগেল।

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

গালাতীয় 1:8

মাত্তর্ যে গম হবরান্ আমি তমা ইধু প্রচার গোজ্জ্যেই সিয়েনত্তুন্ যুদো কনঅ গম্ হবর্ যুনি তমা ইধু প্রচার গরা অয়, সিয়েন আমি নিজে গুরিই বা কনঅ স্বর্গদূতে গরে, মাত্তর্ তা উগুরে অভিশাব্ পোড়োক্।

গালাতীয় 4:8

আগে যেক্কেনে তুমি গোজেনরে ন-চিনিদা সেক্কে তুমি যিগুনোরে সেবা গুরিদা তারা আজলে কনঅ দেবেদা নয়।