যিরমিয় 16:16 - Chakma Bible

¹⁶ “মাত্তর্ ইক্কিনে মুই বোউত্ জাল্যেরে ডাগিনে পাদেম্ আর তারা তারার মাছ ধোক্ক্যেন ধুরিবাক্। সে পরেদি মুই বোউত্ শিগেরিরে ডাগিনে পাদেম্ আর তারা পত্তিজনে দাঙর্ আর চিগোন মুড়ো আর পাত্তর ফাদাত্তুন্ তারা শিগের্ গুরি আনিবাক্।

যিরমিয় 16:16 Iomraidhean Croise

পত্থম 10:9

লগেপ্রভুর্ চোগোত্‌ তে এলদে এক্কো ব্যধ শিগেরী। সেনত্তে কধায় কয়দে, “মানুচ্চ্য যেন লগেপ্রভুর্ চোগোত্‌ এক্কো কাবিল্ শিগেরী নিম্রোদ।”

যিশাইয় 2:21

লগেপ্রভু যেক্কে পিত্‌থিমীর মানুচ্চুনোরে দর্ জিনিস্‌ছান দেগেবাত্তে এবঅ সেক্কে তার দর্‌গরেপারা আর তার মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে দাঙর্ দাঙর্ শিলো ফাগত্ আর মোন-মুড়ো ফাদা সেরে ধেই যেবাক্।

যিশাইয় 7:19

সিগুন এইনে লাম্বা লাঙেল ভিদিরে, মুড়োমুড়ি ফাদা মারাত্, বেক কাদা ঝুব্‌পুনো ভিদিরে আর মাঢত্ বুজিবাক্।‍

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 4:29

ঘোড়া বাহিনী আর ধনুবলাগুনোর রঅলোই বেক্ শঅরর্ মানুচ্চুনে ধেই যেবাক্। কিজু মানুচ্ যেবাক্ ঘন ঝুবো ভিদিরে আর কিজু মানুচ্ উদিবাক্ দাঙর্ দাঙর্ পাত্তর উগুরে। পত্তি শঅর্ খালি ওইনে পড়ি থেবঅ; সিয়েনত্ কনঅ মানুচ্ বজত্তি ন-গুরিবাক্।

যিরমিয় 49:5

মুই বেগত্তুন্ খেমতাবলা প্রভু লগেপ্রভু কঙর্, তঅ চেরোকিত্তে বেক্কুনোত্তুন্ মুই তঅ উগুরে অমকদ দর্‌‌‌‌বুগ আনিম। তমারে পত্তিজনরে ধাবেই দিয়্যে অবঅ; ধেই যেইয়্যে মানুচ্চুনোরে এগত্তর্ গুরিবাত্তে কনজন ন-থেবাক্।

যিরমিয় 6:9

বেগত্তুন্ খেমতাবলা লগেপ্রভু কোইয়্যেদে, “আংগুর খেদত্তুন্ যেবাবোত্যেগুরি গমেডালে আংগুর ঝাড়ি ফেলা অয় সেবাবোত্যেগুরি শত্রুগুনে দেজত্তুন ইস্রায়েলীয়গুনোরে ঝাড়ি ফেলেবাক্। যে মানুচ্চো আংগুর তুলে তে যেবাবোত্যেগুরি আরঅ ডেলাত্ আঢ্ দে তারায়ো বাগি মানুচ্চুনো উগুরে সেবাবোত্যে গুরিবো।”

আবিলেচ্ 4:18

মান্‌জ্যে আমাত্তেই হাফ্ দি থেদাক্, সেনত্তে আমি আমা মেলা জাগানিত্ আঢি ন-পারিদোং। আমা শেজ কাল কায়-কুরে এলঅ, আমা দিনুন্ ফুরেই যেইয়্যে, কিত্যে আমার শেজ সময়ান্ লুম্মেগি।

আবিলেচ্ 4:19

আমারে যিগুনে লোড়েদাক্ তারা আগাজ ঈগল পেগোত্তুন্‌অ বেশ্ জোরে যেদাক্; তারা মুড়োই মুড়োই আমারে লোড়েদাক্ আর ধূল্যেচর-চাগালাত্ হাফ্ দি থেদাক্ আমাত্তে।

হোশেয় 10:10

মর্ যেক্কে হুজি সেক্কে মুই তারারে সাজা দিম; তারার্ দ্বিয়েন পাপর্ কারনে তারারে বানিবাত্তে নানান্ জাদে তারা বিরুদ্ধে এগত্তর্ অবাক্।

আমোষ 4:2

প্রভু লগেপ্রভু নিজো পবিত্রতালোই শমক্ গুরি কোইয়্যেদে, সে অক্তত্ হামাক্কায় এবাক্ যেক্কে হেবা লাগেইনে তমারে টানিনে নেযা অবঅ; তমারে বেক্কুনোরে বুজ্জিলোই টানি নেযা অবঅ।

আমোষ 5:19

সিবে অবঅ যেন কনঅ মানুচ্ সিংহ আঢত্তুন্ ধেইনে ভালুগো মুজুঙোত্ পড়িলো, যেন নিজো ঘরত্ সোমেইনে দেবাল আঢত্তুন্ সাপ কামড় হেলঅ।

মীখা 7:2

দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

সফনিয় 1:12

সে সময়োত্ মুই চেরাগ্‌‌কোই যিরূশালেমর বেক জাগানিত্ তোগেম্ আর যিগুনে নিজোরে নিইনে হুজি থান্ আর কন্, ‘লগেপ্রভু গম্-ভান্ন্যেই কিচ্ছু ন-গুরিবো,’ তারারে মুই সাজা দিম্।

১ শমূয়েল 24:11

ও মর্‌ বাবা, এই চাহ্, মঅ আঢত্‌ তর্‌ পোজাগর্‌ এক্কান কট্টা। মুয়ই তর্‌ পোজাগত্তুন্‌ এ কট্টাগান কাবি নেযেয়োং মাত্তর্‌ তরে মারেই ন-ফেলাং। সালে তুই এবেরা বুঝি পারিলে আর হবর্‌ পেলে, তর্‌ উগুরে কনঅ অন্যেয় বা উল্লোমীর্ মনভাব মর্‌ মনত্‌ নেই। মুই তর্‌ বিরুদ্ধে কনঅ পাপ ন-গরং, মাত্তর্‌ তুই মরে মারে ফেলেবাত্তে উৎ পাদিনে আগচ্‌।

১ শমূয়েল 26:20

মাত্তর্‌ তইদু মর্‌ এই কোজোলী, লগেপ্রভু নেই এধোক্ক্যেন দূরোর্‌ কনঅ জাগাত্‌ যেনে মর্‌ লো ঝরা ন-পড়ে। মান্‌জ্যে মুড়োমুড়িত্‌ যেবাবোত্যেগুরি তিতির পেখ্‌ ধুরিবাত্তে যান্‌ ইস্রায়েলীয়গুনোর রাজাবো সেবাবোত্যেগুরি এক্কো পুক্‌ তোগেবাত্যে নিগিলি এচ্চ্যে।”