যিরমিয় 16:15 - Chakma Bible

¹⁵ বরং তারা কবাক্, যিবে উত্তর দেজত্ আর অন্য দেজত্ ইস্রায়েলীয়গুনোরে দূর্ গুরি দিয়্যে আর সিয়েনত্তুন নিগিলেই আন্যে সেই জেদা লগেপ্রভুর নাঙে। তারা এ কধাগান কবাক্, কিত্তে যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম।‍‌‍

যিরমিয় 16:15 Iomraidhean Croise

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

গীতসংহিতা 106:47

ও লগেপ্রভু, আমা গোজেন, আমারে উদ্ধোর্ গর্; অন্য জাদ ভিদিরেত্তুন্ তুই আমারে এক জাগাত্ লোই আয়, যেনে আমি তর্ পবিত্রতাগান নাঙে ভালেদি জানেই পারিই আর তরে নাঙ্ গিনি পারঙর্ বিলিনে বাড়্‌বো গুরি পারঙর্।

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিরমিয় 12:15

মাত্তর্ তারারে উগুরে ফেলানার পরেদি মুই আরঅ মেয়্যে গুরিনে তারার পত্তিজনরে তার নিজোর অধিকারে আর নিজোর দেজত্ ফিরেই আনিম।

যিরমিয় 23:3

যেদক্কানি দেজত্ মুই মঅ পালর্ ভেড়াগুনোরে ধাবেই দুয়োং সিয়োত্তুন মুই নিজেই তারার বাদবাগিগুনোরে তারার বামত্ ফিরেই আনিম; সিয়েনত্ তারার বংশ বাড়িবাক্ আর সোংখ্যেদি বাড়িবাক্।

যিরমিয় 23:7

“সেনত্তে এমন দিন এজের্ যেক্কে মান্‌‍‍জ্যে আর ন-কবাক, ‘যিবে ইস্রায়েলীয়গুনোরে মিসর দেজত্তুন নিগিলেই আন্যে সেই জেদা লগেপ্রভুর নাঙে কঙর্,’

যিরমিয় 23:8

বরং তারা কবাক্, ‘যিবে ইস্রায়েলীয়গুনোরে উত্তর দেজত্ আর অন্য দেজত্ দূর গুরি দিয়্যে আর সিয়োত্তুন আন্যে সেই জেদা লগেপ্রভুর নাঙে কঙর্।’ সে পরেদি তারা নিজো দেজত্ বজত্তি গুরিবাক্।”

যিরমিয় 24:6

মুই তারার ভালেদিত্তে তারা উগুরে খিয়েল্ রাগেম আর এ দেজত্ তারারে ফিরেই আনিম। মুই তারারে গড়েই তুলিম, ভাঙি ন-ফেলেম; মুই তারারে লাগেই দিম, তুলি ন-ফেলেম।

যিরমিয় 29:14

তুমি মরে হবর্ পেবা, আর মুই তমারে বন্দী দজাত্তুন্ ফিরেই আনিম। যিদুক্কুন জাদে আর যেদক্কানি জাগা ভিদিরে মুই তমারে ধাবেই দুয়োং সিয়েনত্তুন মুই তমারে এগত্তর্ গুরিম। যে জাগানত্তুন্ মুই তমারে বন্দী গুরি নেযেয়োং মুই সিয়োদোই তরে ফিরেই আনিম। মুই লগেপ্রভু এ কধাগান কঙর্।”

যিরমিয় 3:18

সে অক্তত্ যিহূদার মানুচ্চুনে ইস্রায়েল মানুচ্চুনো সমারে মিলিবাক্ আর মুই যে দেজ্‌‌‌চান অধিকার ইজেবে তমা পুরোণি মানুচ্চুনোরে দুয়োং সেই দেজত্ তারা এক সমারে উত্তোরেদি দেজত্তুন্ ফিরি এবাক্।‌‌‌

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 30:3

কিত্তে এমন দিন এজের্ যেক্কে মুই মর্ মানুচ্ ইস্রায়েল আর যিহূদার অবস্থা ফিরেম আর যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম, আর সিয়েন তারা গজগত্ থেবঅ।”‌‌‌

যিরমিয় 31:8

চঅ, মুই উত্তরর্ দেজত্তুন ইস্রায়েলীয়গুনোরে আনিম আর পিত্‌থিমীর শেজ্ দুযিত্তুন তারারে তুবেম্। তারা ভিদিরে থেবাক কান্, আদুড়্, পিদিলী মা আর পুয়ো পুদোবার্ পিড়ে উঠ্যে মিলে; দাঙর্ এক্কো দল ফিরি এবঅ।‌‌‌

যিরমিয় 32:37

মুই অমকদ বেজার্ আর জ্বোল্‌‌‍জোল্যে আর দর্‌গরেপারা রাগে মুই তারারে যেদক্কানি দেজত্ ধাবেই দুয়োং সিয়েনিত্তুন মুই হামাক্কায় তারারে এগত্তর্ গুরিম। মুই এ জাগাত্ তারারে ফিরেই আনিম আর গমেডালে বজত্তি গুরিবাত্তে দিম্।‌‍‍‍

যিরমিয় 50:19

মাত্তর্ ইস্রায়েলরে মুই তার নিজো চোড়েয়্যে ভূইয়োত্ ফিরেই আনিম আর তে কর্মিল আহ্ বাশন উগুরে চরি বেড়েব; ইফ্রয়িম আর গিলিয়দর মুড়োমুড়িগুনোত্ তার পরানান্ জুড়েব।

যিহিষ্কেল 36:24

মুই জাদ ভিদিরেত্তুন্ তমারে নিগিলেই আনিম; বেক্ দেজ্‌‌‌‌‌‌‌‌‌‌‌‌চানিত্তুন্ মুই তমারে এগত্তর্ গুরিনে তমা নিজো দেজত্ ফিরেই আনিম।

যিহিষ্কেল 39:28

সেক্কে তারা হবর্ পেবাক, মুয়ই তারার্ গোজেন লগেপ্রভু, কিত্যে নানান্ জাদ ভিদিরে তারারে বন্দীদজাত্ পাদেলেয়ো মুই তারারে নিজো দেজত্ ফিরেই আনিম, কাররে ফেলেই ন-রাগেম।

যোয়েল 3:1

শুনো, সেদিন্যে আর সেই অক্তত্ যেক্কে মুই যিহূদা আর যিরূশালেমর অবস্থাগান ফিরেম,

আমোষ 9:14

বন্দীদজাত্ থেইয়্যে মঅ মানুচ্ ইস্রায়েলীয়গুনোরে মুই ফিরেই আনিম; তারা ভস্ত ওই যেইয়্যে শঅরানি আরঅ বানেবাক্ আর সিয়েনিত্ বজত্তি গুরিবাক্। তারা আংগুর খেত্ গুরিনে আংগুর-রস হেবাক্; তারা বাগান গুরিনে সিয়েনর্ ফলুন হেবাক্।

আমোষ 9:15

মুই ইস্রায়েলীয়গুনোরে তারার্ নিজো দেজত্ গাজ ধোক্ক্যেন লাগেই দিম; যে দেজ্‌‌‌‌চান মুই তারারে দুয়োং সিয়েনত্তুন্ আর তারারে কনদিন্‌অ উগুড়েই ফেলা ন-অবঅ।” এ কধাগান তমা গোজেন লগেপ্রভু কত্তে।