যিরমিয় 16:13 - Chakma Bible

¹³ সেনত্তে মুই এ দেজত্তুন্ তমারে এমন এক্কান দেজত্ ছিদি ফেলেই দিম্ যে দেজ্‌‌চানর কধা তুমিয়ো হবর্ ন-পঅ, তমা পুরোণি মানুচ্চুনেয়ো হবর্ ন-পেদাক্। সিয়েনত্ তুমি দিন-রেদ দেব-দেবেদাগুনোরে সেবা গুরিবা, কিত্তে মুই তমারে কনঅ দোয়্যে ন-দেগেম।’ ”

যিরমিয় 16:13 Iomraidhean Croise

২ রাজাবলী 25:21

রাজা হমাৎ দেজর রিব্‌লাতদ্‌ এই মানুচ্চুনোরে মারে ফেলেল। এধোক্ক্যেন গুরিনে যিহূদার মানুচ্চুনোরে বানিনে নিজোর দেজত্তুন্‌ দূরোত্‌ নেযা অলঅ।

২ বংশধর 7:20

সালে মুই মর্‌ যে দেজ্‌চান তমারে দুয়োং সিয়েনত্তুন্‌ শিঙোর্‌ সুদ্ধো উগুরে ফেলেম্‌ আর মঅ নাঙে যে উবোসনা-ঘরান্‌ যুদো গোজ্যং সিয়েন্‌ মঅ চোগো মুজুঙোত্তুন্‌ দূর্‌ গুরি দিম্‌। সেক্কে বেক্‌ জাদ্‌তুনো ইদু মুই সে ঘরানরে ঈচ্ গরানা আর তামাজার্‌ কান্ড গুরি তুলিম্‌।

গীতসংহিতা 81:12

সেনত্তে মুই তারারে একবুচ্ছ্যে মনর্ মান্‌জ্য আদত্ রাগেলুং, যেনে তারা নিজো আওজ্ মজিম চলন্।

যিরমিয় 10:18

কিত্তে লগেপ্রভু কোইয়্যেদে, “এ অক্তত্ যিগুনে দেজত্ থেবাক মুই তারারে ছিদি ফেলেই দিম; মুই তারা উগুরে এন্ দুঘ্ আনি দিম যেনে তারা ধরা পড়ন্।”

যিরমিয় 14:8

ও ইস্রায়েলর আজা, দুঘো সময়োর উদ্ধোরগুরিয়্যে, কিত্তে তুই দেজ ভিদিরে অচেনা ধোক্ক্যেন, এক রেত্ থেইয়্যে বেড়ান্যে ধোক্ক্যেন ওইয়োচ্?‌‌‍

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 15:14

যে দেজর্ কধা তুই হবর্ ন-পাজ সে দেজত্ মুই তরে তঅ শত্রুগুনোর চাগর্ বানেম, কিত্তে মঅ রাগর্ আগুনান জুলি উদিনে তঅ উগুরে জুলিবো।”

যিরমিয় 15:4

যিহূদার রাজা হিষ্কিয়র পুয়ো মনঃশি যিরূশালেমত্ যিয়েনি গোজ্যে সিয়েনিত্তে মুই যে সাজা দিম্ সিয়েন দেগিনে পিত্‌থিমীর বেক রেজ্যর মানুচ্চুনে দোরেবাক্।‍

যিরমিয় 16:5

যে ঘরত্ মান্‌জ্যে আবিলেচ্ গরন সেই ঘরানত্ ন-চোমেস্; আবিলেচ্ গুরিবাত্তে বা তারার দুঘে দুঘি অবাত্তে সিদু ন-যেস্, কিত্তে এ মানুচ্চুনোত্তুন মুই মর্ সুগ্-শান্দি, অমকদ কোচ্‌‌‌পানা আর মেয়্যে তুলি নেযেয়োং।

যিরমিয় 17:4

যে অধিকারান্ মুই তরে দুয়োং, তর্ নিজো দুষে তুই সিয়েন আরেবে। যে দেজ্‌চান কধা তুই হবর্ ন-পাজ্ সে দেজত্ মুই তরে তঅ শত্রুগুনোর চাগর্ বানেম, কিত্তে তুই মর্ রাগর্ আগুনান জ্বালেয়োচ্ আর সিয়েন জিংকানিবর্ জুলিবো।‍

যিরমিয় 22:26

মুই তরে আর তরে যে জর্ম দিয়্যে তর্ সেই মাবোরে অন্য দেজত্, যিয়েনত্ তমার কারর্ জর্ম ন-অয় সে দেজত্ ছিদি ফেলেই দিম, আর তুমি দ্বিজনে সিয়েনত্ মুরি যেবা।

যিরমিয় 22:28

এ যিহোয়াখীনে কি এন্ এক্কো ঈচ্ গরেপারা ভাঙা পিলে যিবেরে কনজনে ন-চায়? কিত্তে তারে আর তা পুয়ো-ছাগুনোরে তারার হবর্ ন-পেইয়্যে এক্কান দেজত্ ছিদি ফেলা অবঅ?

যিরমিয় 5:19

যেক্কে মান্‌জ্যে পুযোর্ গুরিবাক্, ‘আমা গোজেন লগেপ্রভু আমা উগুরে ইয়েনি কিত্তে গুরিলো?’ সেক্কে তুই তারারে কবে, ‘যেবাবোত্যে তুমি মরে ছাড়িনে তমা দেজত্ দেব-দেবেদাগুনোরে সেবা গোজ্য সেবাবোত্যেগুরি যে দেজ্‌‌‌চান তমার নিজোর নয় সে দেজত্ যেইনে ইক্কিনে তুমি বিদেশিগুনোরে সেবা গুরিবে।’ ”

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

দ্বি’লম্বর বিররণ 28:36

যিবেরে তুমি রাজা বানেইনে তমা উগুরে বোজেবা লগেপ্রভু তারে আর তমারে বোন্দী গুরি নেযেবাত্তে এমন্‌ এক্কো জাদর্‌ আদত্‌ ফেলেব যিবেরে তুমিয়ো ন-জান আর তমার পুরোণি মানুচ্চুনেয়ো ন-জানন্‌। সিয়েনত্ তুমি তক্তা আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 29:28

জদবদে রাগ্‌কোই, অমকদ জ্বলেদে রাগ্‌কোই, তে দেজত্তুন্‌ তারারে তুলি নেযেইনে অন্য দেজত্‌ ছিদিনে ফেলেই দিয়্যে, আর্‌ এজঅ তারা সিয়োদোই আগন্‌।