যিরমিয় 15:7 - Chakma Bible

⁷ দেজর শঅর-গেদো ইধু মুই কুলোত্ গুরিনে তঅ মানুচ্চুনোরে ঝারিম। মঅ মানুচ্চুনো উগুরে মুই পুয়ো-ছা মরানার দুঘ্ আনিম আর তারারে ভস্ত গুরিম, কিত্তে নিজো পথ্‌‍তানিত্তুন তারা ন-ফিরোন্।‍

যিরমিয় 15:7 Iomraidhean Croise

গীতসংহিতা 1:4

মাত্তর্ পাজিগুনে সেবাবোত্যে নয়; তারা যেন বোইয়্যেরে উড়ি যেইয়্যে তুজো ধোক্ক্যেন্।

যিশাইয় 41:16

তুই সিগুনোরে ঝারিলে বোইয়্যেরানে তারারে তুলি নেযেব আর তুট্যেবোইয়্যেরানে তারারে ছিদি দিবো। মাত্তর্ তুই লগেপ্রভুরে নিইনে হুজি গুরিবে আর ইস্রায়েলর সেই সুদ্ধো-সাংগ মানুচ্চো তর্ বাঈনী গুরিবার জিনিস অবঅ।

যিশাইয় 9:12

পূগেত্তুন্ ধুরি অরামীয়গুনে আর পোজিমেত্তুন্ ধুরি পলেষ্টীয়গুনে মুয়োনি আ গুরিনে ইস্রায়েলরে গিলি ফেলেব। ইয়েনি অলেয়ো তা রাগ্‌কান ন-থামেব। এজঅ সং তা আঢ্‌‌‌‌তান তুল্যে আঘে।‌

যিশাইয় 9:13

মাত্তর্ যিবে তারারে আঘাত্ গোজ্যে তাইদু মানুচ্চুনে ফিরি ন-এজন্, বেগত্তুন্ খেমতাবলা লগেপ্রভুর আওজ্ মজিম ন-চলে।

যিরমিয় 18:21

সেনত্তে তুই তারার পুয়ো-ছাগুনোরে ভাদরাদর্ আঢত্ ছাড়ি দে; তলোয়ার আঢত্ তারারে তুলি দে। তারার মোগ্‌কুনে পুয়ো-ছা নেইয়্যে আর রানিমিলে ওক্; তারার মরদ পুয়োগুনে ভানালোই মুরি যাদোক্, আর যুদ্ধোত্ তলোয়ারর কুবোত্ তারার গাবুজ্যে পুয়োগুনে কাবা কাদোক্।‌‌‍‍‍‍

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিরমিয় 51:2

বাবিলরে ঝাড়িবাত্তে আর তা দেজ্‌‌‌‌চানরে ভস্ত গুরিবাত্তে মুই তাইধু বিদেশীগুনোরে পাদেম; তা দযার্ দিনোত্ তারা বেক্কানিত্তুন্ তা বিরুদ্ধে যেবাক্।

যিরমিয় 9:21

মরণানে আমা জানালাদি উদিনে আমা তাম্বুলানি ভিদিরে চোম্বেগি; সিয়েনে পধে পধে ঝি-পুয়োগুনোরে শেজ্ গুরি দিয়্যে আর শঅর চক্কর্‌‌বোত্তুন শেজ্ গুরি দিয়্যে গাবুজ্যেগুনোরে।

যিহিষ্কেল 24:25

লগেপ্রভু মরে আরঅ কলঅ, “ও মান্‌‌‌‌‌‌‌‌‌‌‌‌জ্যর পুয়োবো, যেদিন্যে মুই তারার্ সেই খেমতার অহংকার, তারার্ হুজি আর বাঈনী গরানা, তারার্ চোগোর্ সুগ, তারার মনর্ চাওয়া আর তারার্ ঝি-পুয়োগুনোরেয়ো নেযেম,

যিহিষ্কেল 36:12

মুই তমা উগুরেদি মানুচ্চুনোরে, অত্তাৎ মর্ মানুচ্ ইস্রায়েলীয়গুনোরে আদা-উদো গোরেম্। তারা তমারে অধিকার গুরিবাক্ আর তুমি তারার্ অধিকারর্ জাগা অবা; তুমি আর কনদিন্‌অ তারারে পুয়োছা নেইয়্যে ন-গুরিবা।

সখরিয় 1:4

তুমি তমা পূরোণি মানুচ্চুনো ধোক্ক্যেন ন-ওইয়ো। তারা ইধু আগ ভাববাদিগুনে মর্ এ কধাগান ফগদাং গোজ্যন্দে যে, তারা যেন তারার ভান্ন্যেই পথ আর ভান্ন্যেই অভ্যেসত্তুন্ ফিরোন্। মাত্তর্ তারা সিয়েন ন-শুনোন্ আর মঅ কধাগান মনযোগঅ ন-দুয়োন।

মথি লেখ্যে গম্ হবর্ 3:12

কুলোগান্ তা আঢত্ আঘে আর তার খেত্-খেত্তিগানি মাড়িবার জাগা তে গমে ডালে সাব্ গুরিবো। তে তার শোজ্যগানি তা গোলাঘরত্ থুবেব, মাত্তর্ যে আগুনান্ কনদিন্অ ন-মরে সে আগুনোত্ তুষ পুড়ি ফেলেব।”

দ্বি’লম্বর বিররণ 28:18

তুমি অভিশাব্ পেবা যিয়েনর্ কারনে তমার গিরিত্ ঝি-পূঅ, ক্ষেদত্‌ কম ফসল আর পালর গোরু, ছাগল আর ভেড়াগুনোর কম ছঅ অবাক্।

দ্বি’লম্বর বিররণ 28:32

তমার ঝি-পূঅগুনে অন্য জাদর্‌ আদত্‌ পড়িবাক। দিনকে দিন তারার এবার্‌ পথতান্‌ চেইনে তমার চোক্কুন কান্‌ ওই যেবাক, মাত্তর্‌ কিজু গুরিবার বল্‌ তমা আদত্‌ ন-থেবঅ।

দ্বি’লম্বর বিররণ 28:41

যিদুক্কুন ঝি-পূঅ তমার অবাক তারা তমার কায়কুরে ন-থেবাক, কিত্যে তারারে বোন্দী গুরিনে নেযা অবঅ।