যিরমিয় 15:21 - Chakma Bible

²¹ মুই তরে পাজিগুনোর আঢত্তুন রোক্ষ্যে গুরিম আর চিৎকলিজে নেইয়্যেগুনোর মুদোত্তুন উদ্ধোর্ গুরিম।”

যিরমিয় 15:21 Iomraidhean Croise

পত্থম 48:16

সেই স্বর্গদূত্তো, যিবে মরে বেক্‌ দজাত্তুন্‌ উদ্ধোর্‌ গোজ্যে, তে এ পুয়োগুনোরে বর্ দুয়োক্‌। ইগুনোরে দিইনে মর্‌ আর মঅ পুরোণি মানুজ্‌ অব্রাহাম আর ইসহাক নাঙানি জিংকানিবর্ বাঁজি থোক্‌। আমা দেজ ভিদিরে তারা বংশর্‌ মানুচ্চুনে জনেদি ভালোক্কুন্‌ বাড়োদোক্‌।”

গীতসংহিতা 27:2

পাজি মানুচ্চুনে মরে গিলি হেবাত্তে যেক্কেনে উজেই এজন্ সেক্কে মর্ সেই শত্রু আর বিপক্ষগুনে উজোত্ হেইনে পড়ন্।

গীতসংহিতা 37:40

লগেপ্রভুই তারারে সাহায্য আর রোক্ষ্যে গরে; পাজিগুনোর আঢত্তুন তেয়ই তারারে উদ্ধোর গরে, আর তেয়ই তারারে বাঁজাই, কিয়া তারা তাইদু আশ্রয় নেযেয়োন।

গীতসংহিতা 97:10

যিগুনে লগেপ্রভুরে কোচ্‌পান তারা অন্যেয়ানরে ঘিনাদোক্; তেয়ই দঅ তা ভক্তগুনোর্ পরাণানি রোক্ক্যে গরে আর পাজিগুনোর আঢত্তুন্ তারারে উদ্ধোর্ গরে।

যিশাইয় 29:20

চিৎনপুজ্যেগুনে আর্ ন-থেবাক্; ঠাট্টা-মশ্‌কারী গুরিয়্যেগুনে শেজ্ ওই যেবাক্, আর যিগুনে ভান্ন্যেই কাম্ গুরিবার্ চান্ তারারে ভস্ত গুরি ফেলা অবঅ।

যিশাইয় 29:5

মাত্তর্ তর্ সেই শত্রুগুন ধূল্যে ধোক্ক্যেন্ গুড়ি অবাক্, সেই চিৎনপুজ্যে দলুন্ অবাক্ উড়ি যেইয়্যে তুজো ধোক্ক্যেন্। আদিক্ক্যেন্‌গুরি, এক সময়োত্ বেগত্তুন্ খেমতাবলা লগেপ্রভু মেঘ গুজুরোনি, ভূজোল্, দাঙর্ রঅ, তুট্ট্যে বোইয়্যের্, বড়্ ঝড় আর আগুনো লেবেয়্যে জিল্লোই তারারে সাজা দিবো।

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিশাইয় 60:16

মাবো যেধোক্ক্যেন তা পুয়োবোরে দুধ হাবায় সেধোক্ক্যেন জাদ্‌তুনে আর রাজাগুনে তারার গম্ গম্ জিনিস্‌চানি তরে দিবাক্।‌‌‌‌‌‌‍‌‌‌‌‌‌‍ সেক্কে তুই হবর্ পেবেদে, মুই লগেপ্রভু তর্ উদ্ধোরগুরিয়্যেবো, তর্ মুক্তি দিয়্যেবো, যাকোবর সেই খেমতাবলা মানুচ্চো।

যিরমিয় 16:1

সে পরেদি লগেপ্রভু মরে কলঅ,

যিরমিয় 20:13

তুমি লগেপ্রভুর নাঙে গীদ্ গঅ। লগেপ্রভুরে বাঈনী গরঅ। তে পাজিগুনোর আঢত্তুন্ অভাবীগুনোর পরাণানি উদ্ধোর গরে।

যিরমিয় 26:24

মাত্তর্ শাফনর পুয়ো অহীকামে যিরমিয়র তপ্পে এলঅ, সেনত্তে যিরমিয়রে মারে ফেলেবাত্তে মানুচ্চুনো আঢত্ দিয়্যে ন-অয়।

যিরমিয় 31:11

মুই লগেপ্রভু যাকোবরে ছাড়ি আনিম আর তারাত্তুন্ বেশ্ খেমতাবলাগুনো আঢত্তুন্ তারারে উদ্ধোর্ গুরিম।

যিরমিয় 38:28

যেদক্ দিন সং বাবিলীয়গুনে যিরূশালেমান গজক্ গুরিলাক্ সেদকদিন সং যিরমিয় চুগিদারুনোর সেই উদোনত্ রলঅ।

যিরমিয় 39:11

বাবিলর রাজা নবূখদ্‌নিৎসরে যিরমিয় পৌইদ্যেনে রাজার চুগিদারুনোর সেনাপতি নবূষরদনরে এ উগুমান দিলো,

যিরমিয় 39:12

“তারে নিইনে তার দেগাশুনো গুরিবা; তার কনঅ খেতি ন-গুরিবা বরং তে যিয়েনি কবঅ সিয়েনি গুরিবা।”

যিরমিয় 50:34

মাত্তর্ তারার উদ্ধোর্ গুরিয়্যেবো খেমতাবলা; তা নাঙান্ বেগত্তুন খেমতাবলা লগেপ্রভু। তে দরমরগুরি তারার তপ্পে ওকালতি গুরিবো যেনে তারার দেজত্ শান্তি আর বাবিল আদাম্মেগুনোত্তে অশান্তি আনি পারে।”

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 3:25

তে কলঅ, “মাত্তর্ মুই চের্‌‌‌‌‌‌‌‌‌‌‌‌‌‌জন মান্‌জ্যরে আগুনো সংমোধ্যে ঘুরি বেড়াদে দেখ্যং। তারা বান্যে অবস্থায় নেই আর তারার্ কনঅ খেতিও ন-অয়, আর চের্ লম্বর্ মানুচ্চোরে রিনি চাদে দেবেদা ধোক্ক্যেন লাগের্।”

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।