যিরমিয় 15:19 - Chakma Bible

¹⁹ সেক্কে লগেপ্রভু কলঅ, “তুই যুনি মনান্ ফিরাজ সালে মুই তরে আগ অবস্থাত্ ফিরেই আনিম যেনে তুই মরে সেবা গুরি পারচ্; যুনি তুই বাজে কধা ন-কোইনে মূল্যবান কধা কচ্ সালে তুই মর্ মুয়োন ওইনে কধা কবে। এ মানুচ্চুনে তন্দি ফিরোদোক্, মাত্তর্ তুই তারা ইন্দি ন-ফিরিবে।

যিরমিয় 15:19 Iomraidhean Croise

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

যাত্রা 4:12

তুই এবেরা যাহ্। মুই নিজেই তরে কধা কবাত্তে বল্‌ দিম আর যিয়ান্‌ কবার্‌ সিয়ান তরে শিগেই দিম।”

গম্ উপদেজ্ 22:29

তুই কি এধোক্ক্যেন কনঅ মান্‌জ্যরে দেখ্যচ্ যে কাবিল্ আঢ্‌তোই কাম্ গরে? তে রাজাগুনোত্তে কাম্ গুরিবো, সাধারণ মানুচ্চুনোর অধীনোত্ কাম্ ন-গুরিবো।

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 20:9

মাত্তর্ যুনি মুই কং, “মুই তা কধাগান কোই ন-দিম বা তা নাঙান ধুরিনে আর কিচ্চু ন-কোম্,” মাত্তর্ তা কধাগান মঅ মনত্ যেন জোল্‌‌জোল্যে আগুন ওইনে আড় ভিদিরে বন্ধ ওই থায়। মুই সিয়েন ভিদিরে রাগাদে রাগাদে বল্‌‌পোজ্যে ওই পড়ং; ঘেচ্চেকগুরি মুই আর সিয়েনি ভিদিরে রাগেই ন-পারং।‍‍‍

যিরমিয় 35:19

সেনত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মর্ সেবা গুরিবাত্তে রেখবর পুয়ো যিহোনাদবর বংশত্ কনদিন্‌অ মান্‌জ্যর অভাব ন-অবঅ।” ‌‍‍

যিরমিয় 4:1

লগেপ্রভু কোইয়্যেদে, “ও ইস্রায়েল, তুই যুনি ফিরি এবাত্তে চাজ্ সালে মইধু ফিরি আয়। যুনি তুই মঅ চোগো মুজুঙোত্তুন তর্ জঘন্য মূত্তিগুনোরে সোরেই দুয়োচ্ আর ভান্ন্যেই পধেদি ন-যাচ্,

যিরমিয় 6:29

আগুন্দোই সিসে পুড়ি ফেলেবাত্তে কামাড় ফগনালোই যদবদে বোইয়্যের্ দের্; মাত্তর্ অনত্তক্ আজলান্ নিগিলেবার চেট্ট্যা গরা অর্, কিত্তে পাজিগুনোরে নিগিলে ন-যার্।‌‌

আবিলেচ্ 1:11

তার বেক্ মানুচ্চুনে ভঅনিজেস্ ফেলাদে ফেলাদে হানা তগাদন্; নিজোরে বাঁজেই রাগেবাত্তে তারা হানার্ বদলে তারার মূল্যবান পযাপিরানি দি দুয়োন্। যিরূশালেমে কত্তে, “ও লগেপ্রভু, রিনি চাহ্, ভাবি চাহ্, মরে ঈচ্ গরা ওইয়্যে।

যিহিষ্কেল 2:7

তারা উল্লোমী বিলিনে মঅ কধা নয়ো শুনি পারন্, মাত্তর্ তারা শুনোদোক্ বা ন-শুনোদোক্ তুই তারা ইধু মঅ কধানি কবে।

যিহিষ্কেল 22:26

তার ধর্মগুরুগুনে মর্ রীদি-সুদোম বিরুদ্ধে কাম্ গরন আর মর্ সুদ্ধো-সাংগ জিনিস্‌চানি অসিজি গরন। যিয়েনি সিজি আর যিয়েনি সিজি নয় তারা সিয়েনি এক গুরি ফেলান্; তারা সিজি আর অসিজি ভিদিরে যে ফারক্কান্ আঘে সে পৌইদ্যেনে শিক্ষ্যে ন-দুয়োন্ আর মর্ জিরেবার দিনুন পালানা পৌইদ্যেনে চোগ্‌‌‌‌‌‌‌‌‌‌‌কুন নাঢি রাগান্। ইয়েনত্ তারা ভিদিরে মঅ নাঙানর্ পবিত্রতাগান বর্‌‌‌‌‌‌‌‌‌‌‌‌বাত্ অর্।

যিহিষ্কেল 44:23

মঅ নাঙে যিয়েনি যুদো গরা ওইয়্যে আর যিয়েনি যুদো গরা ন-অয় সিয়েনি ভিদিরে ফারগ্‌‌কান কি সিয়েনি তারা মঅ মানুচ্চুনোরে শিক্ষ্যে দিবাক্ আর কুবোন্ সিজি আর কুবোন্ অসিজি সিয়েনি তারারে দেগেই দিবে।

লেবীয় 10:10

কুবোন্‌ পবিত্র আর কুবোন পবিত্র নয় আর কুবোন্‌ শুদ্ধো-সাংগ আর কুবোন্‌ ফিবলা সিয়েনি বুঝিনে তমাত্তুন্‌ চলা পুরিবো।

লেবীয় 14:57

ইয়েনিত্তুন্‌ মানুষ বা জিনিস্‌চানি কক্কে সুদ্ধো-সাংগ আর কক্কে ফি-বলা অয় এ সুদোম ভিদিরে সে উগুমান্‌ রোইয়্যে। ইয়েন্‌ অলঅ ভান্ন্যেই চামাড়ারুগ্‌ আর ক্ষয়-গোজ্যে ফারাঙি পৌইদ্যেনে সুদোম।

যোনা 3:2

তে কলঅ, “তুই ইক্কিনে সেই দাঙর্ শঅর্ নীনবীত্ যাহ্ আর মুই যে হবরান তরে দিম্ সিয়েন সিদু ফগদাং গর্।”

সখরিয় 3:7

“বেগত্তুন খেমতাবলা লগেপ্রভু তরে কত্তে, ‘তুই যুনি মঅ পধেদি চলচ্ আর মর্ সেবা-কাম গরচ্ সালে তুই মঅ ঘরর্ বেক্কানি পরিচালনা গুরিবে আর মর্ উদোনর্ চেইচিদিবার ভারান্ পেবে, আর যিগুনে ইয়েনত্ থিয়্যেই আগন্ মুই তারা ধোক্ক্যেন মঅ মুজুঙোত্ এবার অধিকারান্ তরে দিম।

লূকে লেখ্যে গম্ হবর্ 1:19

স্বর্গদূত্তো তারে কলঅ, “মঅ নাঙান্ গাব্রিয়েল; মুই গোজেন মুজুঙোত্ থিয়্যেই থাং। তঅ লগে কধা কবাত্তে আর তরে এ গম্ হবরান্ দিবাত্তে গোজেনে মরে পাধেয়্যে।

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

লূকে লেখ্যে গম্ হবর্ 12:12

কি কুয়ো পরিবো পবিত্র আত্মাগানে সেলক্কে সিয়েনি তমারে শিগেই দিবো।”

লূকে লেখ্যে গম্ হবর্ 21:15

কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

প্রেরিত্‌ 20:27

কিয়া গোজেনে কি চায় সিয়েন তমারে জানেবাত্তে মুই কনদিন্অ পিজেদি ন-ফিরোং।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

গালাতীয় 2:5

মাত্তর্ গম হবরানর্ সত্যগান যেন তমাত্যে রোক্ষ্যে গুরি পারং সেনত্যে এক মুহূত্তত্যেয়ো আমি তারার্ কধানি মানি ন-লোই।

ইব্রীয় 5:14

যিগুনোর্ বয়চ্ ওইয়্যে বানা সিগুনে দরঅ হানা হেই পারন্, অত্তাৎ গোজেন কধানির্ আঘাত্যে শিক্ষ্যেনি বুঝি পারন্। বোউত্ অভ্যেজর্ কারনে তারা গম্-ভান্ন্যেই বিচের গুরিবাত্যে শিক্ক্যন্।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।