যিরমিয় 15:10 - Chakma Bible

¹⁰ হায়! হায়! মর্ মাবো, তুই কিত্তে মরে জর্ম দুয়োচ্, যিবে লগে গোদা দেজ্‌চানে কোল্-কোজ্যে আর লড়াই গরে? মুই উদোর্ ন-দুয়োং বা কনজনে মরে উদোর্‌‌‌অ ন-দুয়োন, তো বেক্কুনে মরে অভিশাব দুয়োন।

যিরমিয় 15:10 Iomraidhean Croise

১ রাজাবলী 21:20

আহাবে সে কধাগান শুনিনে এলিয়রে কলঅ, “ও মর্‌ শত্রু, এবেরা তুই মরে পেইয়োচ্‌।” এলিয় কলঅ, “অয়, পেইয়োং, কিত্তেই লগেপ্রভুর চোগোত্‌ যিয়েনি ভান্ন্যেই সিয়েনি গুরিবাত্তে তুই নিজোরে বিজি দুয়োচ্‌।

১ রাজাবলী 22:8

জোবত্‌ ইস্রায়েলর রাজা যিহূদার রাজা যিহোশাফটরে কলঅ, “এজঅ এন্‌ ইক্কো মানুচ্‌ আঘে যিবের্‌ মাধ্যমে আমি লগেপ্রভু ইদু পুযোর্‌ গুরি পারিই, মাত্তর্‌ মুই তারে ঈচ্ গরং, কিত্তেই তে মঅ পৌইদ্যেনে ভালেদির্‌ কধা ন-কয়, অমংগলর্‌ কধা কোইয়্যে। তে অলদে যিম্লের পূঅ মীখায়।”

গীতসংহিতা 109:28

তারা অভিশাব্ দেদোক্, মাত্তর্ তুই বর্ দে; তারা মঅ বিরুদ্ধে লাগিলে লাজত্ পড়িবাক্, মাত্তর্ তঅ চাগর্‌বো হুজি অবঅ।

গীতসংহিতা 15:5

সুদ ছাড়া টেঙা উদোর্ দে, আর ঘুষ্ খেইনে নিদ্দুজিগুনোরে ক্ষেতি ন-গরে। যে এধোক্ক্যেন্ গুরি চলে তে আমিঝে থির্ থেবঅ।

গীতসংহিতা 69:4

যিগুনে অকারনে মরে ঈচ্ গরন, তারা জনেদি মর্ চুলানিত্তুন্‌অ বেশ্। যিগুনে মরে ভস্ত গুরি ফেলেবাত্তে চান তারা বেশ্ বোলিবন্দ; তারা মিজে মিজে মর্ শত্রু ওইয়োন। মুই যিয়েন চুর্ ন-গরং সিয়েন্‌অ মত্তুন ফিরেই দিয়্যে পোজ্যে।

যাত্রা 22:25

মর্‌ কনঅ‌ নাদা মান্‌জ্যরে যুনি তুই‌ টেঙা উদোর্‌ দুয়োচ্‌ সালে তাগোয়্যে মান্‌জ্য ধোক্ক্যেন গুরি তাত্তুন্‌ কনঅ‌ সুদ ন-নেযেচ্।

গম্ উপদেজ্ 26:2

চোড়োই বা খঞ্জন পেগে যেধোক্ক্যেন্ গুরি ইন্দি উন্দি উড়ি উড়ি বেড়ায়, সেধোক্ক্যেন এনেবাদে দিয়্যে অভিশাব্‌অ লামি ন-এজে।

যিরমিয় 15:20

এ মানুচ্চুনো ইধু মুই তরে পিদোলর্ এক্কো দরমর দেবাল ধোক্ক্যেন গুরিম; তারা তঅ বিরুদ্ধে যুদ্ধো গুরিবাক মাত্তর্ তরে ওদেই দি ন-পারিবাক্, কিত্তে মুই লগেপ্রভু কঙর্, তরে উদ্ধোর গুরিবাত্তে আর বাজেবাত্তে মুই তঅ লগে লগে থেম্।

লেবীয় 25:36

তুমি তাত্তুন্‌ কনঅ বাবদে সুদ নেযেই ন-পারিবা, বরং মানুচ্চো যেনে তমা ইধু বজত্তি গুরি পারে সেনত্তেই তমার গোজেনরে তুমি দোরেনেই চলিবা।

লেবীয় 25:37

মাত্তর্‌ টেঙা উদোর্‌ দিলে কনঅ সুদ নেযানা ন-চলিবো তা সিদু কনঅ হেবার্‌ জিনিস্ বিজিলে কনঅ লাভ গরানা ন-চলিবো।

হবক্‌‌‌‌কূক 1:3

কিত্তে তুই মরে পাজিগানি চাদে বাধ্য গরর্? কিত্তে তুই অন্যেয়ানি সোজ্য গরর্? মঅ মুজুঙোত্ ভস্ত আর অত্যেচার অর্ আর আমিঝে কোল্-কোজ্যে আহ্ মারামারি চলের্।

মথি লেখ্যে গম্ হবর্ 24:9

সে পরেদি তমারে বানি থবাক্ আর সাজা দিবাত্যে ধুরিবাক্ আর তমারে খুন্ গুরিবাক্। মত্তে বেক্ মানুচ্চুনে তমারে ঘিনেবাক্।

মথি লেখ্যে গম্ হবর্ 5:44

মাত্তর্ মুই তমারে কঙর্, তমা শত্রুগুনোরেয়ো কোচ্‌পেয়ো। যিগুনে তমারে অত্যেচার্ গরন্ তারাত্তে তবনা গোজ্য,

লূকে লেখ্যে গম্ হবর্ 2:34

ইয়েনর্ পরেদি শিমিয়োনে তারারে বর্ দিলো আর যীশুর মাবো মরিয়মররে কলঅ, “গোজেনে ইয়েন ঠিগ্ গোজ্যেদে যে, এ চিজিবোত্তে ইস্রায়েলীয়গুনো ভিদিরে ভালোক্ জনে তলাত্ পড়িবাক্, আরঅ ভালোক্ জনে উদ্ধোর্ পেবাক্। ইবে এমন্ এক্কো চিহ্নো অবঅ যিবের্ বিরুদ্ধে ভালোক্‌জনে কধা কবাক্,

লূকে লেখ্যে গম্ হবর্ 6:22

বর্‌‌পেইয়্যে তুমি, যেক্কে যীশুর কারনে মান্‌‌জ্যে তমারে ঈচ্ গরন্, সমাজত্তুন্ নিগিলেই দুয়োন্ আর নিন্দে গরন্ আহ্ তমা নাঙান্ শুনিলে সেফ্ ফেলেবাক্।

প্রেরিত্‌ 28:22

মাত্তর্ আমি তঅ কধানি শুনিবাত্তে চেই, কারন আমি হবর্ পেই বেক্ জাগানিত্ মানুচ্চুনে সেই দলর্ বিরুদ্ধে কধা কন্।”