যিরমিয় 14:9 - Chakma Bible

⁹ কিত্তে তুই দিগ্‌‌‌‌‌‌‌কাবুলো ওইয়্যে মান্‌‌‌‍জ্য ধোক্ক্যেন, রোক্ষ্যে গুরি ন-পাজ্যে এমন যোদ্ধা ধোক্ক্যেন ওইয়োচ্? ও লগেপ্রভু, তুই আমা ভিদিরে আগচ্ আর আমি দঅ তরই; তুই আমারে ছাড়ি ন-যেচ্।

যিরমিয় 14:9 Iomraidhean Croise

২ বংশধর 7:14

সেক্কে মঅ মানুচ্চুনে, যিগুনোরে মর্‌ মানুচ্‌ বিলিনে ডাগন্‌ তারা যুনি নম্র ওইনে তবনা গরন্‌ আর মর্‌ মেইয়্যে চান্‌ আর ভান্ন্যেই পধত্তুন্‌ ফিরোন্‌, সালে স্বর্গত্তুন্‌ সিয়েনি শুনিনে মুই তারার্‌ পাপ্পানি খেমা গুরিম্‌ আর তারার্‌ দেজ অবস্থাগান্‌ ফিরেই দিম্‌।

গীতসংহিতা 10:1

ও লগেপ্রভু, কিত্তেই তুই দূরোত্ থিয়্যেই আগচ্? দুঘোর্ দিনোত্ কিত্তেই তুই নিজোরে লুগেই রাগেয়োচ্?

গীতসংহিতা 27:9

তর্ মুয়োন্ তুই মত্তুন্ ফিরেই ন-রাগেচ্, রাগ্ গুরিনে তুই তঅ চাগর্‌বোরে ফিরেই ন-দিচ্; তুয়ই দঅ মর্ এজাল্ দিয়্যেবো ওইনে এজর্। ও গোজেন, মর্ উদ্ধোর্‌গুরিয়্যে, মরে ফেলেইনে ন-যেচ্, মরে বাদ্ ন-দিচ্।

গীতসংহিতা 46:5

গোজেনে সেই শঅরানত্ থায়, সেনত্তে সিয়েন থির্ থেবঅ; বেন্যেপোত্যে গোজেনে তারে বল্ দিবো।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 43:7

মঅ নাঙে যিগুনোরে ডাগা অয়, মুই যিগুনোরে মর্ বাঈনী গুরিবাত্তে বানেয়োং, যিগুনোরে মুই দাঙর্ গোজ্যং আর বানেয়োং, তুমি তারারে পত্তিজনরে আন।’ ”

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিশাইয় 59:1

চঅ, লগেপ্রভুর আঢ্‌‍‌‌‌তান এদক্ বাদি নয়দে যে, তে উদ্ধোর্ গুরি ন-পারে; তা কানান্‌অ এদক্ গুয়োর্ নয় যে, তে ন-শুনে।

যিশাইয় 63:19

তুই যিগুনো উগুরে কনদিন্অ সদ্দারি ন-গরচ্, যিগুনোরে কনদিন্অ তঅ নাঙে ডাগায়ো ন-অয়, ইক্কিনে আমি তারার্ সং সং ওইয়্যেই।

যিরমিয় 15:16

তঅ কধানি ফগদাং অলে পরেদি মুই সিয়েনি মনত্ গুজি ললুং; সে কধানি এলদে হুজির্ আর মঅ মনর্ সুগ, কিত্তে ও বেগত্তুন্ খেমতাবলা গোজেন লগেপ্রভু, মুই দঅ তরই।

যিরমিয় 51:5

ইস্রায়েল আর যিহূদারে তারার গোজেন বেগত্তুন্ খেমতাবলা লগেপ্রভু ছাড়ি ন-যায়, যুনিয়ো ইস্রায়েলর সেই সুদ্ধো-সাংগ মানুচ্চোর্ মুজুঙোত্ তারার্ দেজ্‌‌চান দুষে ভরা ওইয়্যে।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

আবিলেচ্ 5:20

তুই কি উমরত্তে আমারে ভুলি যেবে? এদক্ দিন ধুরিনে কিত্তে তুই আমারে ছাড়িনে আগচ্?

যিহিষ্কেল 48:35

শঅর চেরোকিত্তে দেবাল মাব্‌‌পান অবঅ আদার আজার্ মাবেদে কাদি। সে অক্তত্তুন্ ধুরি শঅরানর্ নাঙ্ অবঅ, ‘লগেপ্রভু ইয়েনত্ আঘে।’ ”

হবক্‌‌‌‌কূক 1:2

ও লগেপ্রভু, আর কয়দিন এযালত্তে মুই তরে ডাগিম আর তুই ন-শুনিবে? কয়দিন “অত্যেচার চলের্” বিলি তইদু কানাকুদি গুরিম আর তুই উদ্ধোর্ ন-গুরিবে?

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

সখরিয় 8:3

মুই সিয়োনত্ ফিরি যেইনে যিরূশালেমত্ বজত্তি গুরিম। সেক্কে যিরূশালেমানরে সত্যর শঅর্ আর বেগত্তুন্ খেমতাবলা লগেপ্রভুর মুড়োবোরে সুদ্ধো-সাংগ মুড়ো কুয়ো অবঅ।

গণাণা 11:23

জোবত্‌ লগেপ্রভু মোশিরে কলঅ, “লগেপ্রভুর খেমতাগান কি এদক্‌ কম? মর্‌ কধাগান্‌ তইদু হামাক্কায়্‌ লাগিবো না-কি সিয়েন্‌ তুই এবারত্‌ দেগিবে।”

প্রেরিত্‌ 15:17

যেন অন্য বেক্‌ মানুচ্চুনে, অত্তাৎ যিদুক্কুন অযিহূদীরে মর্ বিলিনে ডাগা ওইয়্যে তারা মরে তোগেই পারন্।’ প্রভু, যিবে ইয়েনি বেক্ কামানি গরে তে এ কধানি কর্, আর প্রভুই এ বেক্ক্যানি গরের্।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

দ্বি’লম্বর বিররণ 23:14

তমারে রোক্ষে গুরিবাত্তে আর তমা শত্রুগুনোরে তমা আদত্‌ তুলি দিবাত্তে তমার গোজেন লগেপ্রভু তমার তাম্বুলো ভিদিরে ঘুরি বেড়ায়। সেনত্যে তমার তাম্বুলান পবিত্র অবস্থায় রাগা পুরিবো যেনে তমা ভিদিরে জঘন্য কিজু দেগিনে তে তমা ইন্দিত্তুন্‌ মুয়োন্‌ ফিরেইনে ন-নেযায়।

দ্বি’লম্বর বিররণ 28:10

সেক্কে পিত্‌থিমীর বেক্‌ জাদ্‌তুনে দেগিবাক্কে, লগেপ্রভুর নাঙে তমার পরিচয়, আর সেক্কে তারা তমারে দোরেইনে চলিবাক।

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।