যিরমিয় 14:4 - Chakma Bible

⁴ মাদি ফাদি যেইয়্যে, কিত্তে দেজত্ কনঅ ঝড় ন-অয়; চাষ গুরিয়্যেগুনে মন-ভাঙালা ওইনে মাঢাত্ আত্ দুয়োন।

যিরমিয় 14:4 Iomraidhean Croise

যিরমিয় 2:37

তঅ আঢ্‌তান মাঢা উগুরে দিইনে তুই সে জাগায়ান ছাড়ি এবে, কিত্তে যিগুনো উগুরে তুই বিশ্বেজ্ গরজ্ মুই লগেপ্রভু তারারে এলাফেলা গোজ্যং; তারার বলে তুই ফোলেই ন-পারিবে।” ‌‌‌‌

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যোয়েল 1:11

ও চাজাবলাগুন, তুমি লাজঅ; তুমি যিগুনে আংগুর-গাজর্ যত্তন্ গরঅ, তুমি গম্ আর কেচ্ বিজিত্তে আবিলেচ্ গরঅ; কিত্যে খেদর্ ফসল ভস্ত ওইয়্যে।

যোয়েল 1:17

মাদি ঢলা তলে বীজিগুন পুযি যেইয়োন। শোজ্যর্ ভান্ডারুন্ ভস্ত ওইয়োন, গোলাঘর বেক্কুন ভাঙি ফেলা ওইয়্যে, কিত্যে শোজ্য ফুরেই যেইয়োন্।

লেবীয় 26:18

এদক্কানির্‌ পরেদিয়ো যুনি তুমি মর্‌ কধানি ন-শুনো সালে মুই তমার্‌ পাপর্‌ সাতগুণ সাজা দিম।

আমোষ 4:8

পানিত্তে মানুচ্চুনে দুলোদে দুলোদে আদামে আদামে গেলাক্ মাত্তর্ যগাজ্যে পানি হেই ন-পেলাক্; তো তুমি মইধু ফিরি ন-এলা।

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।