যিরমিয় 14:22 - Chakma Bible

²² জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

যিরমিয় 14:22 Iomraidhean Croise

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

১ রাজাবলী 17:14

ইস্রায়েলর্‌ গোজেন লগেপ্রভু এ কধাগান কত্তে, তে ঝড় ন-দেনা সং সে ময়দ্যের্ পিলেবোয়ো সুদো ন-অবঅ আর তেলর্‌ কোরেয়্যেবোয়ো সুদো ন-অবঅ।”

১ রাজাবলী 18:1

ইয়েনর্‌ ভালোক্‌ দিন পরেন্দি, ঝড়্‌ ন-অনার্‌ তিন বজরত্‌ লগেপ্রভু এলিয়রে কলঅ, “তুই যেইনে আহাবরে দেগা দে। মুই দেজত্‌ ঝড়্‌ পাধেই দুয়োঙর্‌।”

১ রাজাবলী 8:36

মাত্তর্‌ তুই স্বর্গত্তুন্‌ সিয়েন্‌ শুনিজ্‌ আর তঅ চাগরুনোরে, অত্তাৎ তঅ মানুচ্‌ ইস্রায়েলীয়গুনোর পাপ্পানি খেমা গুরি দিচ্‌। জীংকানিগানত্‌ দোলেডালে চুলিবাত্তে তারারে শিক্ষ্যে দিচ্‌ আর সোম্বোত্তি ইজেবে যে দেজ্‌ছান তুই তারারে দুয়োচ্‌ সে দেজ্‌ছানর উগুরে ঝড় দি দিচ্‌।

ইয়োব 28:26

যেক্কেনে তে ঝড়ত্তে সুদোমর বেবস্থা গুরিলো আর দেবা পেরাগ্ পড়ানা আহ্ ঝিমিলেবার পথ্‌তান ঠিগ্ গুরিলো,

ইয়োব 5:10

তে পিত্‌থিমীত ঝড়্‌ দান গরে আর ভূইয়ো উগুরে পানি পাধেই দে।

গীতসংহিতা 130:5

মুই লগেপ্রভুরে বাজ্জেই আগং, মঅ মনানে তারে বাজ্জেই আঘে। মুই তা কধা উগুরে আজা রাগেয়োং।

গীতসংহিতা 135:7

তেয়ই পিত্‌থিমীর থুম ধুজিত্তুন্ মেঘকানিরে তুলি আনে; তেয়ই ঝড় দিবাত্তে ঝিমিলেনিগানরে পাধেই দে, আর তার ভান্ডালত্তুন্ বোইয়্যেরানরে নিগিলেই আনে।

গীতসংহিতা 147:8

তে আগাজ্‌চান মেঘ্‌কোই ঢাগি রাগায়; তে পিত্‌থিমীগানত্তে ঝড় বেবস্থা গরে আর মুড়ো উগুরে ঘাস উদিবাত্তে দে।

গীতসংহিতা 25:21

মর্ গম আর ন্যায় কামানিয়ে মরে রোক্ষ্যে গোরোক্, কিত্যে মুই তঅ উগুরে মর্ আজাগান রাগেয়োং।

গীতসংহিতা 25:3

যে তঅ উগুরে আজা রাগায় তে লাজত্ ন-পড়িবো, মাত্তর্ যিগুনে অকারনে কুজুরোমি গরন্ তারা লাজত্ পড়িবাক্।

গীতসংহিতা 27:14

তুমি লগেপ্রভুর উগুরে আজা রাগেয়ো; মনবল্ আন আর বুগোত্ সাহস বান আর লগেপ্রভু উগুরে আজা রাগ।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিশাইয় 41:29

চঅ, তারা বেক্কুনে বাজে, তারার্ কামানি কিচ্চু নয়। তারার্ ছাজিনে ঢাল্যে মূত্তিগুন্ বোইয়্যের বাদে আর্ কিচ্চু নয়; তারা কিচ্চু গুরি ন-পারন্।”

যিরমিয় 10:12

লগেপ্রভু নিজোর খেমতালোই পিত্‌‌‍‌‍‍থিমীগান বানেয়্যে, তারা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌চান বিজেই দিয়্যে।‌‍‌‍‍

যিরমিয় 10:13

তা উগুমে আগাজর্ পানিগান গুজুরি উদে; তে পিত্‌থিমীর শেজ্ ধুজিত্তুন্ মেঘরে তুলি আনে। তে ঝড়ত্তে কারেন্ বানায় আর তা ভান্ডালত্তুন বোইয়্যের্ নিগিলে আনে।

যিরমিয় 10:15

সিগুন অপদাত্ত, ঠাট্টা-ইংসের্ জিনিস; বিচেরর অক্ত এলে সিগুন ভস্ত ওই যেবাক্।

যিরমিয় 10:3

ইয়েনর কারনান্ সেই মানুচ্চুনোর ধর্মীয় আচার-বেবহারানি বাজে। তারা ঝারত্তুন্ এক্কো গাজ্ কাবন্ আর কালিগর্‌বো বাদালিলোই সিয়েনর সাইজ্‌চান দে। ‌‍‌‍‌‍‌

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 5:12

তারা লগেপ্রভুর পৌইদ্যেনে মিজে কধা কদন্। তারা কদন, “তে কিচ্চু ন-গুরিবো। আমার কনঅ খেতি ন-অবঅ; আমি কনদিন্‌অ যুদ্ধো বা ভাদড়াত্ ন-দেগিবোং।

যিরমিয় 5:24

তারা মনে মনেয়ো ন-কন্দে, এজঅ, আমা গোজেন লগেপ্রভুরে আমি ভোক্তি সহকারে দোরেইনে চলিই, যিবে অক্ত মজিম্ শরৎ আর বসন্ত কালত্ ঝড় দে, যিবে আমাত্তে খেত্ কাবিবার যগাজ্যে গুরি সময়ান রোক্ষ্যে গরে।

যিরমিয় 51:16

তা উগুমে আগাজর্ পানিগান গুজুরি উদে; তে পিত্‌‌‌‌‌‌‌‌থিমীর শেজ্ দুযিত্তুন্ মেঘ তুলি আন্যে। তে ঝড়ত্তে কারেন্ বানায় আর তা ভান্ডালত্তুন্ বোইয়্যের্ নিগিলে আনে।

হোশেয় 2:7

তে তার্ লাঙেগুনো পিজেদি যেবঅ মাত্তর্ তারারে ধুরি ন-পারিবো; তে তারারে তোগেব মাত্তর্ ন-পেবঅ। সেক্কে তে কবঅ, মুই মর্ পত্তম্ নেক্কো ইধু ফিরি যেইম্, কিত্যে সেক্কে মুই ইত্তুন্ বেশ্ গমে এলুং।

যোয়েল 2:23

ও সিয়োনর্ মানুচ্চুন, হুজি অ, তমা গোজেন লগেপ্রভুরে নিইনে ফুত্তি গরঅ, কিত্যে তার্ সততার্ কারনে তে তমারে শরৎকালর্ ঝড় দিয়্যে। তে তমারে বোউত্ ঝড় পাধেই দের্, আগ ধোক্ক্যেন শরৎ আর বসন্তকালর্ ঝড় দের্।

আমোষ 4:7

খেত্ কাবিবার তিন মাস বাগি থাগদে মুই তমা উগুরে ঝড় পড়ানা বন্ধ গুরি দিলুং। এক আদামত্ ঝড় পাধেইনে মুই অন্য আদামত্ সিয়েন বন্ধ গুরিলুং। এক্কান খেদত্ ঝড় পেল, অন্য খেদত্ ঝড় ন-পেইনে শুগেই গেলঅ।

মীখা 5:6

তারা যুদ্ধোর্ মাধ্যমে আসিরিয়া দেজ্‌‌‌চান অত্তাৎ, নিম্রোগুনোর দেজ্‌‌‌চান শাজন্‌ গুরিবাক। আসিরিয়গুনে আমা দেজ্‌‌‌চান আক্রমন গুরিলে আর আমা দুযিগান টেঙোই মাড়িলে তারা আঢত্তুন্ আমা শাজন্‌ গুরিয়্যেবো আমারে উদ্ধোর্ গুরিবো।

মীখা 7:7

মাত্তর্ মুই লগেপ্রভু উগুরে আজা রাগেম, মর্ উদ্ধোর্ গুরিয়্যে গোজেনত্তে বাজ্জেই থেইম্। মর্ গোজেনে মঅ কধা শুনিবো।

মথি লেখ্যে গম্ হবর্ 5:45

যেনে মান্‌জ্যে দেগন্ তুমি ঘেচ্চেকগুরি তমা স্বর্গীয় বাবার্ পুয়ো। তে দঅ গম্-বজং বেক্কুনো উগুরে তা বেলান্ দে আর গম্ আর বজং মানুচ্চুনো উগুরে ঝড়্ দে।

দ্বি’লম্বর বিররণ 28:12

তমা দেজত্‌ অক্ত মজিম ঝড়্‌ দিইনে তমার আঢর্ বেক্‌ কামানিত্‌ আশিদ্‌বাদ গুরিবাত্তে লগেপ্রভু তার দানর ভান্ডাল্, অত্তাৎ আগাজ্‌ছান খুলি দিবো। তুমি নানান্‌ জাদরে কজ্জ দি পারিবা, মাত্তর্‌ কারত্তুন্‌ তমার কজ্জ নেযা ন পুরিবো।

দ্বি’লম্বর বিররণ 32:21

গোজেন নয় এধোক্ক্যেন দেবেদারে পূজো গরন তারা মর্ পাওনা ভোক্তির আওজ্‌চোই আগুন লাগেয়োন; দাঙর্‌ মূত্তি পূজো গরন্‌ তারা মর্‌ রাগ্‌কান জাগেই তুল্যন্। জাদঅ নয় এধোক্ক্যেন জাদর্‌ আদত্‌ ফেলেইনে মুইয়ো তারার মনর্ আগুনান্‌ জ্বালেম; এক্কো অবুঝুনো জাদর্‌ আদত্‌ ফেলেইনে তারার রাগ্‌কান জাগেবং।