যিরমিয় 14:21 - Chakma Bible

²¹ তঅ সুনাঙান রোক্ষ্যে গুরিবাত্তে তুই আমান্দিত্তুন মুয়োন ফিরেই ন-নেযেচ্; তর্ বাঈনী গুরিবার সিংহাসনর জাগায়ানরে অসন্মান অবাত্তে ন-দিচ্। আমাত্তে তর্ থিদেবর্ গোজ্যে সুদোমর কধানি ইদোত্ তুল্; তুই সিয়েনি বাদ ন-দিচ্।

যিরমিয় 14:21 Iomraidhean Croise

গীতসংহিতা 106:40

সেনত্তে লগেপ্রভুর রাগ্‌কান তা মানুচ্চুনো উগুরে জুলি উদিলো; যিগুনে তার সোম্বোত্তি তারা উগুরে তার ঘিন্ লাগিলো।

গীতসংহিতা 106:45

তারাত্তেই তার থিদেবর্ গোজ্যে সুদোমর্ কধানি তে ইদোত্ তুলিলো; তার থুম্ ন-ওইয়্যে, অমকদ কোচ্‌পানা থানায় তারারে মেয়্যে গুরিলো।

গীতসংহিতা 145:11

তারা তর্ রেজ্যগানর বাঈনী গরেদে কধানি আর তঅ খেমতার কধানি কবাক্;

গীতসংহিতা 25:11

মর্ অন্যেয়র বুধিবো অমকদ বেশ্, সেনত্তে ও লগেপ্রভু, তর্ নাঙান্ রোক্ষ্যে গুরিবাত্তেই মর্ সেই অন্যেয়ানি তুই খেমা গর্।

গীতসংহিতা 51:11

তঅ মুজুঙোত্তুন্ মরে দূর্ গুরি ন-দিচ্; মঅ ভিদিরেত্তুন্ তর্ সুদ্ধো-সাংগ আত্মাগানরে ন-নেযেচ্।

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

যিশাইয় 62:6

ও যিরূশালেম, মুই তর্ দেবালান উগুরে চুগিদার নেযেয়োং; তারা দিনে-রেদে কনদিন্অ জুরো গুরি ন-থেবাক্। ও চুগিদারুন, যেদক্কন সং লগেপ্রভু যিরূশালেমানরে থিদেবর্ ন-গরে আর সিয়েনরে পিত্‌থিমীগান ভিদিরে নাঙ্ গিনে পারা গরে সেদক্কন সং তুমি লগেপ্রভুরে তার এগেমর্ কধাগান ইদোত্ তুলি দো; নিজোরে জিরেবাত্তে ন-দো আর তারেয়ো জিরেবাত্তে ন-দো।

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 14:7

ও লগেপ্রভু, আমা পাপ্পানিয়ে যুনিয়ো আমা বিরুদ্ধে সাক্ষি দে তো তঅ সুনাঙত্তে কিজু গর্। আমি ভালোক্‌বার ভান্ন্যেই পধেদি যেইয়্যেই; আমি তঅ বিরুদ্ধে পাপ গোজ্যেই।‌‌‍

যিরমিয় 17:12

সেই পৌইল্যাত্তুন্ ধুরি থিদেবর্ গোজ্যে বাঈনী গুরিবার সিংহাসনান্ অলঅ আমা পবিত্র উবোসনা-ঘরর জাগা।

যিরমিয় 3:17

সে অক্তত্ মান্‌জ্যে যিরূশালেমানরে কবাক্ লগেপ্রভুর সিংহাসন, আর লগেপ্রভুরে উবোসনা গুরিবাত্তে বেক্ জাদ্‌‌‌তুনে যিরুশালেমত্ থুবেবাক্। তারার ভান্ন্যেই মনর্ একগেয়েমিলোই আর তারা ন-চলিবাক্।

আবিলেচ্ 1:10

শত্রুগুনে তার বেক্ মূল্যবান পযাপিরানি উগুরে আঢ্ দিয়্যে; দেবেদা-পূজোগুরিয়্যে জাদ্‌‌‌‌‌‌তুনোরে তে তার সুদ্ধো-সাংগ জাগানত্ সমদে দেখ্যে। ইগুন সেই মানুচ্চুন যিগুনোরে তুই তঅ সমাজত্ সোমেবাত্তে মানা গোজ্যস্।

আবিলেচ্ 2:20

ও লগেপ্রভু, চাহ্, ভাবি চাহ্, তুই দঅ আর্ কারঅ উগুরে এবাবোত্যে বেবহার ন-গরচ্? মিলেগুনে কি তারার্ নিজো পুয়ো-ছাগুনোরে হেবাক্ যিগুনোরে তারা পালেয়োন? প্রভুর সুদ্ধো-সাংগ জাগানত্ কি ধর্মগুরু আর ভাববাদীগুনোরে মারে ফেলা অবঅ?

যিহিষ্কেল 20:22

মাত্তর্ মঅ আঢ্‌‌তান মুই সোরেই রাগেলুং আর মর্ সুনাঙান রোক্ষ্যে গুরিবাত্তে মুই সিয়েন ন-গরং যেনে যিদুক্কুন্ জাদ মুজুঙোত্ মুই তারারে নিগিলেই আন্যং তারা ইধু মর্ নাঙান অসিজি ন-অয়।

যিহিষ্কেল 39:25

প্রভু লগেপ্রভু আরঅ কোইয়্যেদে, “মুই ইক্কিনে যাকোবরে বন্দীদজাত্তুন্ ফিরেই আনিম আর ইস্রায়েলর বেক্ মানুচ্চুনোরে মেয়্যে গুরিম আরে মঅ নাঙানর্ পবিত্রতাগানত্তে আওজি ওম্।

যিহিষ্কেল 43:7

তে কলঅ, ও মানজ্যর্ পুয়োবো, ইয়েন মর্ সিংহাসনর্ জাগা আর মর্ টেঙ্ রাগেবার জাগা। মুই ইধু ইস্রায়েলীয়গুনো ভিদিরে উমর সং বজত্তি গুরিম। ইস্রায়েলীয়গুনে আর কনদিন্‌অ মর্ পবিত্র নাঙান্ কলংকিত ন-গুরিবাক্। তারার্ বা তারার্ রাজাগুনোর্ মূত্তিপূজোলোই আর পূজোর্ অজল্ জাগানত্ তারার্ রাজাগুনোর মরাকিয়্যেনি নেযানালোই মঅ নাঙান্ কলংকিত ন-গুরিবাক্।

দানিয়েল 9:7

ও প্রভু, তুই ন্যায়বলা, মাত্তর্ এচ্চ্যে সং আমি অগমানে নাঢা যেইয়্যেই। যিহূদার মানুচ্চুনে, যিরূশালেমর আদাম্মেগুনে আর যিদুক্কুন ইস্রায়েলীয়রে তঅ উগুরে অবিশ্বেজর্ কারনে তুই নানান্ দেজত্ ছিদি দুয়োচ্ তারা বেক্কুনে অগমানে নাঢা যেইয়্যে আঘন্।

লেবীয় 26:11

মুই তমান্দিত্তুন্‌ মর্‌ মুয়োন ন-ফিরেম্‌। তমা ভিদিরেই মুই মর্‌ বজত্তির্‌ জাগায়ান্‌ গুরিম।

আমোষ 6:8

বেগত্তুন্ খেমতাবলা গোজেন প্রভু লগেপ্রভু নিজো নাঙে শমক্ হেইনে কোইয়্যেদে, “মুই যাকোবর অহংকার আর তার ঘরানি অমকদ ঘিনাং; সেনত্তে মুই তমা শঅরানিত্ আর সিয়েন ভিদিরে বেক্কানি অন্য মান্‌জ্য আঢত্ দি দিম।”

লূকে লেখ্যে গম্ হবর্ 1:72

তে আমা পূরোণি মানুচ্চুনোরে দোয়্যে গুরিবাত্তে আর তার পবিত্র বেবস্থা, অত্তাৎ তা শমথতান্ পূরেবাত্তে আমারে রোক্ষ্যে গোজ্যে।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

ইফিষীয় 2:7

তে এই কামান্ গোজ্জ্যেদে যেন তে তার্ অমকদ দোয়্যেগান্ আগামিদি যুগ্ যুগ্ ধুরি দেগেই পারে। তে খ্রীষ্ট যীশুর্ মাধ্যমে আমা উগুরে দোয়্যে গুরিনে যিয়েনি গোজ্জ্যে সিয়েনিলোই তার্ এই দোয়্যেগান ফগদাং পেইয়্যে।

দ্বি’লম্বর বিররণ 32:19

সিয়েন দেগিনে লগেপ্রভু তার পূঅ-ঝিগুনোর্ ইন্দিত্তুন মুয়োন-ফিরেই নিলো, কিত্যে তারা তার রাগ্‌কান জাগেই তুল্যন্।

ফগদাং পেইয়্যে 11:2

মাত্তর্ উবোসনা-ঘরর্ বারেদি যে উদোনান্ আঘে সিয়েন বাদ দিচ্‌, ন-মাবিচ্; কিয়া সিয়েন অযিহূদীগুনোরে দিয়্যে ওইয়্যে। তারা বিয়াল্লিশ্ মাস সং পবিত্র শঅরান টেঙোই উরিবাক্।

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।