যিরমিয় 14:17 - Chakma Bible

¹⁷ “তুই মানুচ্চুনো ইধু এ কধাগান কঅ, ‘মঅ চোগো পানি ন-থামেইনে দিন-রেদ মঅ চোগ্‌‍‍‍‍কুনোত্তুন উগুরি পোড়োক্, কিত্তে মঅ জাদর্ মানুচ্চুনে অমকদ আঘাত্, চুরমার-গোজ্যে আঘাত্ পেইয়োন।‍

যিরমিয় 14:17 Iomraidhean Croise

২ রাজাবলী 19:21

তা বিরুদ্ধে লগেপ্রভু কোইয়্যেদে, গাবুজ্যে মিলে সিয়োনে তরে ঈচ্ গুরিবো আর ঠাট্টা-তামাজা গুরিবো। যিরূশালেম মানুচ্চুনে তঅ পিজেন্দিত্তুন্‌ মাধাবো লাড়েবাক্‌।

গীতসংহিতা 119:136

মঅ চোগো পানিগান গঙার ধোক্ক্যেন বেঈ যার্, কিত্তে মান্‌জ্যে তঅ উগুমান ন-মানন্।

গীতসংহিতা 39:10

মঅ উগুরেত্তুন্ তর্ সাজাগান তুই সোরেই নেযা; তর্ আঢে মের্ খেইনে মুই পেরাই শেজ্ ওই যেইয়োং।

যিশাইয় 37:22

ইয়েনত্তে তা বিরুদ্ধে লগেপ্রভু এ কধাগান কোইয়্যে, গাবুজ্যে মিলে সিয়োনে তরে ঈচ্ গুরিবো আর ঠাট্টা-মশ্‌‌কারী গুরিবো। যিরূশালেমর মানুচ্চুনে তঅ পিজেন্দিত্তুন্ মাঢাবো লাড়েবাক্।

যিরমিয় 10:19

হায়, মঅ আঘাত্‌‍তান গম্ অবার নয়! তো মুই নিজোরে কোইয়োংগে, “ইয়েন মর্ পীড়ে, মত্তুন সিয়েন সোজ্য গরা পুরিবো।” ‍

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 18:13

সেনত্তে লগেপ্রভু কোইয়্যেদে, “জাদ্‌তুনো ভিদিরে তোগেই চাহ্, ইয়েনর আগেদি এবাবোত্যে কধা কনা শুন্যে? আবিদি গাবুর্ মিলে ধোক্ক্যেন ইস্রায়েলে এক্কান জঘন্য কাম্ গোজ্যে।‌‌‍

যিরমিয় 8:18

মর্ দুঘ্‌খোগান এদক্ বেশ্, সিয়েনর সান্ত্বনা নেই; মঅ ভিদিরে মঅ মনানে অমকদ দুঘ্ পার্।‌‌

যিরমিয় 8:21

মঅ মানুচ্চুনে ভাঙি পোজ্যন্ বিলিনে মুইয়ো ভাঙি পোজ্যং; মুই চিৎপরা কাঙর্ আর অমকদ দরানে মরে ধোজ্যে।

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

যিরমিয় 9:18

তারা যাদিমাদি এইনে আমাত্তে আবিলেচ্ গোরোদোক্ যেধক্কন সং আমা চোগেদি পানি ভাসি ন-যায় আর চোগো পাদাত্তুন পানি বেই ন-যায়।

আবিলেচ্ 2:11

কানদে কানদে মঅ চোগ্‌কুন চিবে চিবে ওইয়োন, মঅ ভিদিরেয়ো যন্ত্রণা অর্; মঅ মানুচ্চুন ভস্ত ওইয়োন, আর ঝি-পুয়োগুনে আহ্ চিগোন গুরোগুনে শঅরর্ খুলো জাগানিত্ অজ্ঞান ওইনে পড়ি আগন্। সেনত্তে মঅ মনান্ যেন মাদিত্ ঢুলি পোজ্যে।

আবিলেচ্ 2:13

ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্‌‌তান সাগর ধোক্ক্যেন দাঙর্; কন্না তরে গম্ গুরি পারে?

আবিলেচ্ 2:18

তঅ মানুচ্চুনোর মনানি লগেপ্রভু ইধু কানি কানি কোইয়্যেদে, “ও সিয়োন-ঝিবোর্ দেবালান, তর্ চোগো পানিগান দিনে-রেদে গাঙ ধোক্ক্যেন বেঈ যোক্; তর্ নিজোরে শান্তি পেবাত্তে ন-দিচ্, চোগ্‌‌কুনোরেয়ো জিরেবাত্তে ন-দিচ্।

আমোষ 5:2

“গাবুরী ইস্রায়েলে পড়ি যেইয়্যে, তে আর কনদিন্‌অ ন-উদিবো; তারে তা নিজো মাদিত্ ফেলেই রাগা ওইয়্যে, তারে তুলিবার কনজন নেই।”

মীখা 6:13

সেনত্তে মুই তমারে পাপত্তে অমকদগুরি সাজা দিম্ আর তমারে ভস্ত গুরিম।